تهريب زيت + قرقرة تزول بالتحمية + دخان أسود (دتسن 98 )

الرجل الخير @user_168251 · 08-01-2013

يا إخوان
عندي ددسن 98 جي إل
المكينة فيها تهريب زيت من الجنب ومع الدعس بقوة يخرج وهي واقفة بخرج دخان أسود و فيه زيت
وصوت قرقرة مع التحمية يروح الصوت
1- هل تحتاج المكينة توظيب ؟؟؟؟؟من هو أفضل موظب مكاين بالرياض ؟؟؟؟
2- كم تكلف لو وظبتها ؟
3- في واحد اقترح علي أشتري مكينة بخاخ من التشليح وقير مع الظفيرة وش رايكم و كم تتوقعون تكلف ؟

فني سيارات @user_8460 · 31-01-2013

ا

الرجل الخير

يا إخوان
عندي ددسن 98 جي إل

حياك الله اخي الكريم

المكينة فيها تهريب زيت من الجنب ومع الدعس بقوة يخرج

تحتاج تغيير كازكيت غطاء المحرك ولربما ايضا جلده الكام شفت التي مع الغطاء

وهي واقفة بخرج دخان أسود و فيه زيت

وصوت قرقرة مع التحمية يروح الصوت

اعتقد الموضوعين متعلقين في بعض وهو ان السيارة تحتاج معايرة للصمامات لتقليص الخلوص بين الصمامات و الكامات عندما يذهب الصوت يذهب معه حرق الزيت كذلك تغيير فلتر البنزين و فلتر الهواء

1- هل تحتاج المكينة توظيب ؟؟؟؟؟من هو أفضل موظب مكاين بالرياض ؟؟؟؟
2- كم تكلف لو وظبتها ؟

لا اعلم

3- في واحد اقترح علي أشتري مكينة بخاخ من التشليح وقير مع الظفيرة وش رايكم و كم تتوقعون تكلف ؟

لا تحتاج الى كل هذا ولربما تبدل ثم تظهر اعطال اخرى

super_safari @user_201024 · 29-01-2013

ما تحتاج توضيب إن شاء الله طالما لا يوجد حرق زيت و طرمبة الزيت عندك سليمة أساسًا. حتى لا داعي لتغيير المكينة إلى بخاخات.
صوت الطقطقة هذا فضاوة في البلوف يروح إذا وزنت البلوف. و إذا انفك الرأس بالمرة ارتاح و غير جلد البلوف لأنك مو كل يوم بتفك راس المكينة.
يبقى التهريب.. يجب تغيير وجه غطاء البلوف (ربل أسود) و ينتهي الموضوع إن شاء الله. سعره رخيص و أجرة اليد كذلك لا تزيد عن 100 ريال و يسويها و أنت واقف عنده.
الدخان الأسود أو رجة المكينة: يعني البواجي تحتاج تغيير. هي تتغير كل 50 ألف كم بالكثير. إذا مغيرها من جديد فالخلل من أسلاك البواجي. و أستحسن أنك توزن الكربريتر, و هذه العملية مو أي واحد يضبطها , تحتاج مهارة. لا تدفع فلوس إلا إذا شفت المكينة صافية تمام.

الرجل الخير @user_168251 صاحب الموضوع · 28-01-2013

رحت لأكثر من واحد وقالوا لي
وزن بلوف أو فك رأس المكينة مع وزن البلوف
أما التهريب فغير وجه المكينة الجلد
اللي فهمته من كلامهم
مـــــــــــــــــــــــــــــــــــا رأيــــــــــــــــــــــــــــــــكــــــــــــــــــــــــــــــــــــــــــــم

الرجل الخير @user_168251 صاحب الموضوع · 11-01-2013

والمشكلة فيها رجفة وارتعاد صلحت الكربريتر
والمشكلة موجودة
أبي حل وين
ان كان تعرفون ورشة بلغوني

بشير حسن @user_264966 · 09-01-2013

لابد من تحديد مصدر التهريب بالضبط عن طريق الكشف بالنظر ومعاينة التهريب عن طريق تنظيف وغسل مكان التهريب هذا أولا , ثانيا يمكن التهريب والله العالم سبب الجازجيت (القازقيت) الخاص بغطاء البلوف مما يسمح بتهريب وترشيح الزيت على البواجي واذا صار في البواجي زيت فما راح تكون عملية الاحتراق مضبوطه بشكل سليم وهذا يسبب كربنه للمكينة وخروج دخان أسود بسب اتساخ البواجي بالزيت

آخر الاحتمالات بعد اصلاح التهريب وتنظيف البواجي هو الكشف على فلتر الهواء اذا لقيته ملطخ بالزيت فأقرب شئ عندك الشنابر تعبانه ويكون بشكل واضح بعد اصلاح التهريب وتنظيف البواجي راح تمشي فتره وتلقى بعض البواجي ملطخه بالزيت وهذا يأكد انه عندك شنابر مفوته وتعبانه فلاتستعجل وتحكم على انه المحرك يحتاج الى توضيب بهذي السرعه والسهوله لابد من اصلاح التهريب والكشف على حالة البواجي ................... وبالتوفيق