شريت سكويا 2013 لمتد

zaid25 @user_15375 · 20-01-2013

السلام عليكم شريت سكويا 2013 لمتد كامل لون ابيض صدفي
وان شاء الله يوم الخميس الاستلام والله انا محتاج سياره عائليه
وكنت متردد اخذ السيكويا مع انه عاجبني مواصفاته وسعره لاكن شكله
من برا مو ذاك الزود وكنت ابي انتظر الشكل الجديد لما رحت الوكاله
قالولي الشكل الجديد بينزل سنة 2017 ما اقدر انطر وخذيته طلع علي
3650 دينار كويتي وان شاء الله اذا استلمت الموتر اكتبلكم انطباعي عنه
اي واحد يعرف مميزات اللمتد لايبخل علينا مع خالص تحياتي

كومبو11 @user_221939 RiYaDh 4X4 GrOuP · 09-02-2013

ع

عبادي كول

اخي الكريم الميتد الفل تشغيل ذكي ماهو سلف عادي اعتقد انك ماخذ نصف فل دبل
سعرها عندنا 158 الف ريال

الليمتد سعره 197.000 ريال
ولا فيه تشغيل ذكي مثله مثل غيره يوكن تاهو اكسبديشن
158.000 ريال نصف فل بفتحة

zaid25 @user_15375 صاحب الموضوع · 09-02-2013

اخي العزيز عبادي عندنا الوكيل بالكويت للاسف يجيب الليمتد بدون تشغيل عن بعد انا ماخذ الليمتد
جلد فتحه شاشه جي بي اس كامرا خلفيه كراسي تدفأه تبريد الكراسي تتحرك فل كهربا كلها الكراسي الخلفيه تتصفط كهربا كيب رنق الجنط عشرين

عبادي كول @user_169257 · 08-02-2013

اخي الكريم الميتد الفل تشغيل ذكي ماهو سلف عادي اعتقد انك ماخذ نصف فل دبل
سعرها عندنا 158 الف ريال

zaid25 @user_15375 صاحب الموضوع · 07-02-2013

جزاك الله خير اخوي محمد

محمد 2005 @user_14357 · 07-02-2013

ماشاء الله .. الله يطعمك خيرة ويكفيك شرة .. واختيار موفق :xyxthumbs:

zaid25 @user_15375 صاحب الموضوع · 06-02-2013

الحمدلله استلمت السيكويا والان مشيت عليه الف كيلو وتوني مطلعه من السيرفس الاول انطباعي عن السياره
السياره ناعمه وسواقتها جميله وبما اني مجرب اليوكن الجديد
اقدر اقول من وجهت نظري ان السكويا اكثر متعه من اليوكن

ماراح اتكلم عن مميزات السيكويا واعيد وازيد لان كل المواقع تتكلم عنها

راح اتكلم عن ملاحضاتي عن السياره
صراحه المفتاح + السلف شكلهم قبيح ححسني كاني اشغل كورلا موديل 99
ثاني شي بوري السياره ( الهرن ) نشاز مو حلو صوته بوري ددسن 97 :ch19:
انا ماخذ الفل شاشه كبيره مافيها دي في دي والجي بي اس العربي تعيس
ومو معربه بالكامل يعني في مناطق ماتطلع معاي بالعربي لازم احول انقليزي تطلع معاي وهذا بالنسبه لي عيب ضيق خلقي لاني ماخذ الفل عشان هالميزه

بس شسوي خليته انقليزي

بالنسبه للبانزين يمشي تانكي فل 500 كيلو :c0214:
بالنسبه للعزل 70 ٪ وافضل من اليوكن اللي اقيمه 50 ٪
صوت المكينه متوسط لاهو مرتفع كثير ولاهو منخفض
طبعا السياره كانت ترجف وبدلولي التواير عالكفاله والربلات الخارجيه كانت بارزه عدلوها

الاسبوع القادم ان شاء الله ساسافر عليها العمره دعواتكم
وساوافيكم بكل التطورات ان شاء الله

zaid25 @user_15375 صاحب الموضوع · 23-01-2013

جزاك الله خير مايسترو
جزاك الله خير احمد
هذا اللي بيصير ان شاء الله بعد ما اخلص سيرفس ١٠٠٠ كيلو
التمرين بسافر عمره ان شاء الله

للحين ناطر السياره الوكاله تطول ماتسلمها تخيلو اكثر من اسبوعين تجهيز من كثر الضغط اللي عليهم

Ahmad Al-Sabban @user_134747 · 23-01-2013

ماشاء الله تبارك الله

الف الف مبارك

بانتظار تقريرك عنها وعقبال ما تسوي عمرة من الكويت لمكة عليها : )

مايسترو3 @user_255368 · 23-01-2013

الله يعطيك خيرها و يكفيك شرها

zaid25 @user_15375 صاحب الموضوع · 22-01-2013

جزاك الله خير سيد الدروب وزيزو ٧ وكل من رد

ZEZ00-7 @user_288217 · 22-01-2013

على البركة يعطيك خيره ويكفيك شره ,عموما السكويا معروف بجودته واعتماديته واثبت نفسه وبقوة وبالتوفيق..

سيد الدروب @user_290206 · 22-01-2013

الله يعطيك خيرها ويكفيك شرها :bigggrin:

موفق إن شاء الله :xyxwave:

zaid25 @user_15375 صاحب الموضوع · 22-01-2013

بارك الله فيكم ومشكورين عالرد والتفاعل انا اسف جدا نسيت اكتب الواحد
13650 دينار :) للحين ما استلمتها وعندنا وكالت التيوتا بالكويت من كثر الضغط اللي عليها تسلمك السياره من عشر ايام الى اسبوعين والسبب مثل ما قالولي الوكاله ان ايران
تشتري من الكويت وايضا العراق فضغط عليهم والله المستعان

binamerah @user_76195 · 21-01-2013

الله يبارك لك فيها ويعطيك خيرها ويصرف عنك شرها
بس تاكد اخوي من السعر اللي انت كاتبه ( 3650 دينار)

حبة خال @user_34450 · 21-01-2013

مبرووووك وتستاهل الموتر تراه ماعليه كلام يكفي ان مكينته مثل اللاند واللكزس

بعدين حتى شكله الخارجي ما علامه يمشي الحال ... اهم شيء ياباني امريكي

فـواز الشمري @user_290225 · 21-01-2013

وفقت بـ الاختياااااااااااااااااااااااااااااار

الله يعطيك خيرها ويكفيك شرها

حنا معنا سكويا 2010 بدون دبل

ماشي 70 الف ولا شفنا منه اي خراب وبالخط راسي وجوده وعزم جباااار

GM_TAHOE @user_23867 · 20-01-2013

مبروك الله يعطيك خيرها ويكفي شرها

وننتظر التقرير :wink:

أبو ماجد البشري @user_109566 · 20-01-2013

ك

كومبو11

السعر في الكويت أغلى من السعودية + المواصفات السعودية أكثر (أقصد للسكويا فقط)
وإلا كان غيرك أشطر !! :ch19:

اهلاً اخي كومبو11 اللي ابقوله ان السعر اللي كتبه اخونا صاحب الموضوع اكيد غلطان به 3650 دينار لو حولته للريال لأن الدينار الكويتي الواحد يساوي تقرباً 13 ريال وثلث بسعر اليوم يعني48581 ريال سعودي ..

كومبو11 @user_221939 RiYaDh 4X4 GrOuP · 20-01-2013

أ

أبو ماجد البشري

مبروك الله يعطيك من خيرها ويكفيك شرّها السيكويا ممتازه انا لم اجربها لكن اشوف الناس يمدحونها وهي مريحه مع السفر لأن التعليق الخلفي مستقل وهي من تايوتا وتصنع بامريكا ربما انها اكثر جوده ومواصفات ..لكن السعر اللي انت حاط اكيد فبه غلط لأني حولته للريال وطلع اقل من 50 ألغ ريال إذا كان كذا بكره كلنا عندكم نشتري سيارات

بالتوفيق..

السعر في الكويت أغلى من السعودية + المواصفات السعودية أكثر (أقصد للسكويا فقط)
وإلا كان غيرك أشطر !! :ch19: