مازدا 2013 او اكسبلورر 2012 ياليت تنصحوني بأي خيارات اخرى

الف شكر لكم ولنصائحكم وطرح تجاربكم مع المازدا.. بالتوفيق للجميع ان شاء الله

اخوي قبل كل شي جرب السياره تست درايف عشان تكون بالصوره والحمد لله المازدا معروفه بتحملها

الله يوفقك ويعطيك خيرها ويكفيك شرها
انا نفس تساؤلاتك وناوي على نفس الجيب المازدا باذن الله
معي مازدا 3 ٢٠٠٦ وما شاء الله سيارة قويه وراسيه عالخطوط الطويله
فما بالك بالجيب المازدا
توكل على الله ولا تترد

ما جربت الفورد

لكن اميل عموما للسيارات الفل لان المواصفات هي اللي تحلي السيارة اكثر شي

ما قصرت يا عاشق قاعد انتظر وصول الدفعة القادمة ان شالله والله يكتب للي فيه الخير

مبروك مقدما واحب اساعدك هاذا موضوع نزلته عن السيارة فيه كل شي عن السيارة وصور جميلة
تفhttp://www.assayyarat.com/forums/thread261288.htmlضل


انا عن نفسي بصدق افضل الون الابيض اشوفه جميل كانه امير بالتوفيق:smile:

اخي super_safari شكرا لمرورك وتكلفك النصح وانا اعلم واثق بان ما قلته ليس تحيز لسيارة دون اخرى واثق بأمانة قولك.. فعلا سبحان الله كل ما دورت ولفيت ارجع وارد للمازدا هي الوحيدة الي ما لقيت فيها شي ناقص من المواصفات الي ابيها وفيه 2 من الربع معهم 2012 مدحوها بعد بس تعرف تفكير بعض العالم الله لا يوريك يوم عرفو اني ناوي المازدا اشتغلو لي تخويف منها لكني لم اجد للامانة شي يفتح النفس وخاصة بالسعر المنطقي المعقول الا هي وبالنسبة لفصلة السرعة عادي بالنسبة لي لا وبل قرأت مرة ان مازدا تعمدت تفصل على 160 لان هناك قطعة تسخن اذا زادت فوق 160 والله اعلم.. بالنسبة لموضوع البر يمكن في ال 3 شهور مرة وعلى خفيف يعني لا تطعيس ولا جور قوي على الموتر يعني الدفع الرباعي يكفي ويوفي ان شاء الله.. الان مازدا 2013 منقطعة من الوكالة حسب كلامهم ويقولون جاي دفعة جديدة في 22 فبراير ولازم تحجز من الان وهذا الي يبي يصير ان شاء الله
بالنسبة للمتسوبيشي الوتو لاندر شكله من برا حلو ورياضي بس ما ادري عن داخليه او كم مرتبه او فخامته بس المازدا ان شاء الله خلاص وجزاك الله الف خير وان شاء الله احط تقرير عنها اذا شريتها

اخوي عاشق السيارات66 اشكر لك ردك وفعلا هي الخيار الذكي وعلى فكرة عيني على نفس اللون الي في توقيعك شفتها في الوكالة على الطبيعة وفعلا ما شاء الله حلوه ..
تحياتي

المازدا افضل من اكسبلورر بالشكل والقوة والمواصفات وسعره الفل ارخص من اكسبلور الجديد كله اصوات ديكور وموب قوي زي القديم ومايتجمل المازدا افضل جيب في فئته هاذي الجملة تكفي والذكي كان عرف

الإكسبلورر الجديد ما أقدر أمدحه أو أذمه. لكن الشكل السابق فأشجعك عليه بشدة لو فكرت بالمستعمل النظيف. عيبه أن مو عائلي كما تعتقد يعني ضيق شوي , لكن مريح و عملي و ما تتعب إن شاء الله في صيانته كما اطلعت على أعطاله و صيانتها.
المازدا خيار جدًّا ممتاز , و سعرها بالنسبة للماوصفات يشجع الواحد عليه من بين السيارات العائلية المتوسطة.
و أنت تقول بتستخدم أقل شيء خمس سنوات , هذا يلغي العقلية المذكورة "شيك بالجيب". للأسف الواحد ما يلقى في السوق شيء ينطبق عليه هذا الكلام و في نفس الوقت فيه ذرة أمان أو عملانية أو راحة! أو حتى رخص قطع الغيار و توفرها. و من عرف حقائق الأشياء في الورش و محلات القطع و ترك التوهم يعرف صحة كلامي.
و باعتقادي أنك لو اقتنيت المازدا ما أظن أنك بتبيعها بسرعة , و قد ترتاح معها إن شاء الله عمر. على فكرة أسعار قطعها معقولة. و توفره جيد , ربما القطع الغير استهلاكية تحتاج طلبية تقريبًا أسبوعين.. و ليس شهر أو أكثر كما هو حال الوكلاء الي انغر فيهم بعض الناس. حتى تكاليف صيانة الوكالة معقولة جدًّا كما روى لي أحد ملاك مازدا CX9 و ما كنت أتوقع أن تكاليف الصيانة في الحاج حسين كذلك.
و بعدين وش سالفة الحساسات؟! الي يتكلم لك شي خله يثبت شيء بسيط من كلامه ببرهان علمي مقنع , و تقدر تقلب الكلام عليه على السيارة الي هو يمدح فيها. ادخل قسم الورشة و تعرف الخفايا. لا شيك بالجيب و لا هم يحزنون.. فالصو كله و يا ليت السعر مشجع.

و في النهاية ربك يعلم الغيب , لا أنا و الي يمدح لك شيء معين , لكن الأمانة مطلوبة في النصح و الكلام عن دراية (إذا مو عن تجربة على الأقل دراية في التصنيع و الصيانة و القطع). فأنا قلت لك ما لدي , و يظل أن تستخير الله تعالى إذا ثبتت على شيء.

السيارة ما هي حقت نفود , و لكن للسفر و الخطو روعة. و عليها ملاحظة بس من رأيي مو مستاهلة: المصنع برمج سرعتها القصوى على 160 يعني تحديد برمجي. لكن لا داعي أن تفكر بإلغائه. السرعة أكثر من 160 ما فيها خير.

و لدي خيار ثالث أنصح به: الباجيرو. صح قطعها غلاية لكن ربما هي الأطول عمرًا في الياباني. سيارات متسوبيشي ما شاء الله لا تشكو من الأعطال بكثرة.

السنتافي الجديد شكله حلو ومواصفاته حلوه وكان ضمن الخيارات ولكن بعد التفكير وكلام العالم وقع الخيار على المازدا بحكم انها ياباني وموصفات 13 فيها المطلوب عشان ما احد يقول ليش تاخذ كوري مع اني مقتنع ان الكوري الان فيه جودة وتنافس ولكن لازلت متخوف من المازدا لذلك طلبت النصيحة فحبيت اتأكد