استفسار حول البورش

العفو حبيبي وبالخدمه لاي استفسار وبورشه عندي شي مميز ومحل اهتمام وعشق بالنسبه لي من الصغر

اللون .. 2012 كان لونه ابيض اما سيارتي الحاليه اسود
اذا بتاخذ جي تي اس من رايي الشخصي افضل لون عليه الابيض جدا جبار ومن ثم الاحمر ، الاسود روعه مايختلف عليه اثنين بس مشكلته عالجي تي اس يخفي جماله عكس اللونين اللي قلتلك وغير كذا متعب جدا بالنظافه يعني اذا ماكان نظيف تروح هيبه اللون

اسف عالاطاله بس لاتنسى تركز بالاوبشن ،، لا تاخذها ستاندر انتبه

كثر الله خيرك اخوي ابراهيم

افتني وطمنتني كثيير ..
وان شاء الله باكر راح احجز السياره

والله يعيني على اختيار الالوان ^^

بالنسبه لمساله نقص الزيت ما اخفيك كانت تجيني بموديل ٢٠١٢ جتني والسياره ماشيه ١٣ وباقي ٢٠٠٠ عالصيانه اما بالجديده ٢٠١٣ ما جتني نهائيا ، هي تعتمد عالاجواء وطريقه القياده
وباسوأ الاحوال راح يجيك النقص متاخر مو كثير ويكون لتر واحد حسب ماهو موضح عنك بالشاشه ولا تحتاج تروح الوكاله اي محطه تعبي فيها لتر فقط من نفس نوع الزيت الخاص بالسياره وهو موبيل ون على ما اعتقد

لا تقلق ابدا من هالناحيه جدا بسيطه وحتى اذا رحت الوكاله تروح بدون موعد للضباب وخلال اقل من ٥ دقائق يعبون النقص مجانا وتطلع

ياخي الكايين معاك بكل شي !
ينفع كشخه ، ينفع استخدام يومي وكرف مب طبيعي وانا مجرب هالشي وانا اخوك وللحين موجود معاي الكايين كان ٢٠١٢ والحين معاي ٢٠١٣
سياره زي العسل .. مع كل احترامي لعشاق الباترول ، وش جاب لجاب
الباترول تتفوق في شي واحد فقط .. البر !
اما غيره كل شي يميل للبورش وصدقني اذا انت خايف من مساله الكرف والمشاوير
بتتعب انت ولا راح تتعب البورش معاك .. عمليه جدا جدا واختيارك للجي تي اس جبار جدا خصوصا الاحمر او الابيض عليها

اما مسآله الصيانه ،، اساسا هي كل ١٥ الف يعني تقريبا كل ٦ شهور ممكن اقل او اكثر واول صيانه ١٧٥٠ وثاني صيانه تصل لحدود ٦،٠٠٠
اشوفها معقوله جدا اما من ناحيه الخرابات ؟؟ انا متاكد ومجرب هالشي بتتعب انت ولا راح يتعب الكايين معاك الا في حال سوء استخدام منك !

ماقصرت ..
كل الي شاغلني انه تنقص زيت حسب ماسمعت !!
وقوت تحملها

ومثل ماقلت السياره ممتازه واستخدامي بسيط

وشاكر لك على ردك الطيب

اتفق معك والله البورش سيارة وماعليها كلام
اليوم شفت وحدة واقفه عند الاشارة وخقيت معاها بصراحة
لكن زي ما اتفقنا لازم تركبني معاك فيها لاني انا احلم فيها والله :xyxwave::a1120(82):

هذا اللي مرددني ..
البورش سيارة ذو جوده ولا هان البترول

انا استعمالي بيكون لمشاوير بسيطه يومين او ثلاثه بالاسبوع

وسألت عن الاسعمال اليومي لاقيس قوت تحملها

اوكيه كذا نتفاهم :)

بحكم انك شبابي اجل خذ البورش GTS رائع جداا والبورش بشكل عام مشاكلها ماهي كثيره يعني شغل قطع استهلاكيه وانت جاي (اذا احسنت استخدامها) بالاظافه الى ان ضمانهم اول سنتين راح يكون مفتوح الكيلو مترات وبامكانك تمدد هالضمان كل سنه لمده اقصاها 9 سنوات بمبلغ 6000 ريال سنويا تقريبا.

الصيانه عليك طبعا مافيه صيانه مجانيه زي البي ام واعمل حسابك تقريبا كل صيانه (كل 15 الف كيلو) راح ياخذوا عليك تقريبا مبلغ مابين 1500 ريال الى 2500 ريال لكن الصيانه الرئيسيه اللي هي كل 60 الف كيلو ممكن تكلفك فوق 5000 ريال.


واهم شي صل صلاه الاستخاره والخيره فيما اختاره الله لك ,,, بالتوفيق

اذا كشخه بكل تاكيد البورش

اما استخدام يومي فاعتقد انو الباترول افضل

واذا اشتريت البورش مر عليا ابغا لفة انا في مكة لاتنساني:ch19:

انا معاك انه الفئه مختلفه

انا بغيت سياره كشخه واستعمال يومي ..
لكن متخوف من البورش هل هي اعتماديه او لا

شاكر لك مرورك

الفئة مختلفة تماما وانا من عشاق الباترول والبورش لكن حدد ايش تبغا بالسيارة بالضبط

انت راعي بر او تحب الكشخه ولا ايش بالضبط عشان توصل لنتيجة واضحه وما تندم في الاخير

ههههه .. انا استخدامي بسيط
يعني لاني راعي مطارحات او قومات .. الا احيانن ^^
ميولي للبوش اكثر بحكم اني شبابي وماعندي عايله ..

تسلم اخوي على الرد وربي يعطيك العافيه