ناوي ع الأفالون ومتردد !

مـآج ـد @user_294165 · 08-07-2013

السلام عليكم

معي يا اخوان حدود 120 ألف

والخيارات المطروحة قدامي الآن
( أفالون 2013xle - تورس 2013 sel - ازيرا 2014 فل الفل )

طبعاً أكثر شي يهمني في الموتر انه يكون عملي وحق كد استخدام 4 سنين وحولها وأيضا قطع الغيار الاستهلاكية والبدي

ما أخفيكم اني اميل للازيرا بحكم مواصفتها وسعرها المعقول
بأنتظارككم

فتى الانتر @user_223389 · 11-07-2013

انا ما ادري لين الحين فيه ناس تشكك بجوده السيارات الكوريه ؟
شي عجيب يارجل نحن اقتربنا من عام2014
و مجربين الكوري من عام 2010 ولا قال شي .. يكد و جوده حلوه ! حتى الان

sr20de @user_8906 · 11-07-2013

بكون اكثر من صريح معاك صحيح الازيرا كوريه ولاكن حال الواقع يقول انها اكثر جوده من الافالون و الدليل بالرابط هذا و من ملاك الافالون نفسهم

http://www.toyota4arab.com/forum/t269956-4.html

اكثر المشاكل في الافالون
ردائه الديكور الداخلي و بشكل مخجل للاسف
ديكور السقف يطيح بدون سبب
ديكور المقاعد الجيب الخلفي ينكسر بدون سبب
ضعف نظام التعليق و عدم تحمل المطبات

ZEZ00-7 @user_288217 · 10-07-2013

من تجربة ل ازيرا 13 وبالمبلغ الي معك ف انصحك تاخذ لك كرايسلر 13 لمتيد ب 120 او تشارجر فلل كامل V6 وبالتوفيق.

salehhd @user_17805 · 10-07-2013

الاخوان ماقصرو والخيارين ممتازين ان شاء الله

مايميز الافالون تصميم جديد وداخلية انيقة لكن السعر للاستاندر مرتفع
في الختام انصحك بالاستخارة قبل الشراء
بالتوفيق

turkiq @user_18442 · 10-07-2013

خيار ممتاز بأذن الله
استخر الله ومبروك مقدماً

مـآج ـد @user_294165 صاحب الموضوع · 10-07-2013

مشكورين يا اخوان

اليوم استاجرت ازيرا وجربتها وبصراحه عجبتني ومحتار بينها وبين الافالون

كبرررررت الازيرا في عيني بعد التجربه

آبو مجودي_07 @user_294510 · 09-07-2013

بعد التحية والسلام ..

عن نفسي انصحك بالازيرا ..

فل الفل .مسساج , بصمة ,بانوراما , شاشة ..

وتقريبا بها كل شي ..مآنآقصها غير علامة لكزس ولا بي ام دبليو :D

الافلون بالنسبة لي مبالغ بسعرها كثييييييييييييييير..

ومواصفات الازيرا اكثر منها بكثيييييييير..

والسعر للإزيرا ..

الافلون بعد البيع فقط مفيده ..

لاكن ان كانك ماتبي تبيع خذ ازيرا بدون ماتشاااور..

جوده+سعر ممتاز+مواصفات+3وكلاء+سعر جيد عن البيع .

اما التورس مادخلت راسي خير ششر..أحسسها مكوك فضائي :D

بالتوفيق لك

turkiq @user_18442 · 09-07-2013

ارشح لك ازيرا لانها الاكثر عملية من بين خياراتك
والاكثر مواصفات والافضل سعراً بأختصار على قول الخواجة value for money

كل من يذم في الكوري ما سبق وجربه
واسعار إعادة البيع بالنسبة لسيارات هيونداي جيدة جداً خصوصاً اذا انت محافظ عليها

مليّت @user_256453 · 09-07-2013

توريس يا صاحبي

فتى الانتر @user_223389 · 09-07-2013

ماودك تضيف الكادينزا
لانها تعتبر افضل من الازيرا ـ كـخيار كوري "حصلت على نقاط اعلى من الازيرا في الاداء والتسارع و الهدوء الخ....

وايضا تفوقت على السيارات المذكوره جميعها حسب موتور تريند الامريكية

abo norah10 @user_291313 · 09-07-2013

اذا تبي النصيحة وكلآم العقل خذ أفالون , حرآم تقارن اقآلون بازيرا!!!

الأفالون جودة وشكل جديد ويمسك سعره بعد البيع والأفالون قوية مكينته بعكس الأزيرا ومكينتها الضعيفه والأفالون عزلهآ ورساوتها تفوق الأزيرا بمرآحل

آبعد عن الأزيرا والله بس اكسسورات وخرآبيط لآجودة ولارساوة ولا شي

انا أقولك خذ افألون سياحي ولا تاخذ ازيرا فل الفل لأنك انت تبي سيارة جودة وعمليه وقوية وراسيه وش تبي تنفعك زبرقة الازيرا

واذا تقدر تشتري الأفالون من قطر ترآ اررخص شوف موقع سيل قطر اول ماطلعت الأفالون شفت افالون نص فل ب 122 بسس

سيون tc @user_285804 · 09-07-2013

جربهم ثلاثتهم وأخذ الي ارتحت له أكثر

KOERU @user_291946 · 09-07-2013

الافالون رائعه لكن سعرها غالي , الازيرا مواصفات رائعه وسعر معقول لكن مكينتها مو قويه , التوروس افضل سياره بالنسبه لي في هالفئه

ارشح تووس ولو تكون فل ياسلام

موفق

ابوفارس1212 @user_280537 · 09-07-2013

الافالون ولو تحاول تزيدها شوي تاخذ لميتد بدون ملاحه

عزيز نفس @user_37932 · 08-07-2013

الافالون خاصة ان شكلها جديد

محجوب @user_23527 · 08-07-2013

ارشح الازيرا بقوة .. فل الفل وموتر عزل وراحة وقوة تصنيع حلوة وعلى قد ماتدفع بتحصل مواصفات
قطع استهلاكية رخيصة

بالراحة راح تدوم هال4 سنوات واكثر بعد

طبعا ميزة الافالون لو ناوي تبيع بعد 4 سنوات راح تكون الاعلى سعر

إرستقراطي @user_294408 · 08-07-2013

الخيارات المطروحه جميعها جميله و اخترت افضل الشركات المصنعه بدولها

كنت برشح لك التورس لكن ما اتوقع ان شكلها هذا بيدوم اربع الى خمس سنوات
اتوقع انه بيتغير وماراح تتهنى بها الا سنتين او ثلاثه

الافلون بالسعر اللي معك ماراح تجي مواصفات ممتازه ومميزه

انا ارشح الازيرا لانها فل الفل وشكلها جديد و تخدمك خمس سنين و انت مرتاح اقصى راحه وماراح تغير الا القطع الاستهلاكيه وصيانتها سهله

ابراهيم بوعركه @user_289232 · 08-07-2013

شف الاكورد 2013 والله كويسه

Concept-Design @user_291187 · 08-07-2013

التورس عن تجربة لايعلى عليها ..

لكن من بين الخيارات ارشح لك الافالون ..