أبي أشتري 4x4 محتار يا اخوان... أبي مساعدة

gwaiz @user_7567 · 07-09-2003

السلام عليكم
أنا لازم أشتري سيارة بعد أربع شهور و ناوي أشتري سيارة 4x4 و الصراحة محتار مررة

أبوضح استخدامي له كيف بيكون و انتم ارشدوني:

أنا أسافر خط كثير لأني أتنقل بسبب وظيفتي (يعني سيارة تصلح للخط)

أحب البر. بس للصيد و للكشتة و للتفرج على اللي يطعسون (أنا مانيب مطعس...يعني ما يحتاج قوة خارقة و منافسة) خل الماكينة على جنب

أهتم بالشكل الداخلي أكثر من الخارجي (طبلون....دركسون....مراتب حلوة.....فتحة فوق....مسجل.....مريح)

أبي مكيف بارد...... الله لا يحرمنا من حر السعودية

أبي يكون سعره معقول و رخيص (ما يعدي 90 ألف ريال) و لو أرخص بكثير أحسن

هذه المواصفات و أقرب شئ لقيته هو الباث فايندر (نيسان) و الروديو (إيسوزو) و الفور رنر (تويوتا)
طبعا الفور رنر ما ينزل في السعودية و لا أظن في الخليج.. ما أدري ليه مع انه حلو جدا

هذه صورة الفور رنر من أمريكا

http://www.toyota.com/images/vehicl...ior/photo_3.jpg
http://www.toyota.com/images/vehicl...ior/photo_5.jpg
http://www.toyota.com/images/vehicl...ior/photo_8.jpg
http://www.toyota.com/images/vehicl...ior/photo_4.jpg
http://www.toyota.com/images/vehicl...ior/photo_6.jpg

السيارة 6 سلندر حوالي 240 قوة حصان. أصغر من اللاندكروزر و أكبر من الراف فور. يعني بمستوى الباث فايندر. يكفي انها من تويوتا. سعرها حوالي 100 ألف ريال سعودي (أرخص نوع)
http://www.toyota.com/vehicles/2004/4runner/index.html

على العموم أنا فكرت أشحن من أمريكا فور رنر بس خف من مشاكل قطع الغيار لأن ماهي موجودة. وقفو يجيبونها من يمكن عام 95 أو شئ زي كذا

أهم شئ رايكم يا شباب. وش أشتري؟؟؟؟

تحياتي

على احمد محمد @user_7566 · 07-10-2003

اخووي تبغى جيب مريييح مررره
جــــيـــــب ربـــــع
وبــــس خاصتا ال2002 الخليجي اففففف حلو مررره

سبورتيفو2002 @user_5020 · 28-09-2003

السلام عليكم ورحمة الله وبركاته
بالمناسبة سعرة هذا أول مانزل104,194 أو على ماسمعت 117,000 أنزين ولازم تتأكد من إنها دقع رباعي وتطلب فتحة وشكرا تحياتي

الانفنيتي وبس @user_7865 · 28-09-2003

أخوي سوبرتيفو بصراحه الأنفوي أفضل بمليون مرررره من الباثفاندر

بس ما ندري عن استعماله وتحمله

ولا بصراحه سياااااره ما عليها كلام

بس حبيت اقولك بكم الفل أوبشن اللي جنوط نيكل وفتحه وجلد يعني أطلق نووووع ؟؟؟

سبورتيفو2002 @user_5020 · 28-09-2003

السلام عليكم تبي نصيتى خذلك إنفوي أول شي فخم من الداخل وصغير يعني مو كبير ومواصفاته حلوه بالمره حلوه حلوه يعني بصراحة أنا قلت لمن أطلع سيارة إنشالله بطلع إنفوي لأنه شبابي بالمره وفخم وغذا مانت مصدق روح الوكاله وشوف وعطنا رايك نصيحة لاتاخذ غير الفل أوبشن وطبعا دبل دفرنشين قولهم وشوف وحكم خذلك سيارة تجربة يعني خذلك موعد معهم ويعطونك تجربها وشوف وإحكم بنفسك

الانفنيتي وبس @user_7865 · 28-09-2003

صح أجزم عليها لأن سعرها يناسبك وحسب ما سمعت أنه ب 92 ألف قل كامل

مع جلد وفتحه ونصيحه خذ جلد يطلع موترك عسل زيك

خاصه مع اللون الاسود أو اللؤلوي

السايق @user_1361 · 28-09-2003

الصراحة اختيار موفق الباثفايندر سيارة لا بعلى عليها وكفايه انها من نيسان
سيارة قوية 250 حصان مريحة ..فخمة ..تصميم رائع مكيف عالي الاداء يكفي ان برودته توصل اقصى السيارة من الخلف..مشغل اسطوانات ..مكيف صديق للبيئة.. قوية على الرمال والطعوس ..التسارع 9.8 اعزم وتوكل على الله وتراك منت نادم

gwaiz @user_7567 صاحب الموضوع · 28-09-2003

شكله في 2005 الصراحة تعباااان مرة

بعدين أنا ما يهمني اذا تغير شكله. بالعكس أحسن علشان تطيح أسعارها. ما يهمني اذا الناس يسوقون الجديد و أنا اسوق القديم

اللي بينزل في السعودية 2005 هو نفسه اللي في أمريكا 2004
و كذلك بينزل نفس الشكل القديم في 2004 في امريكا. يعني بينزلون النوعين في 2004. لأن أصلا تقدر تقول السيارتين يختلفون.
ممكن يسوون كذا في السعودية في 2005. لأن الجديد غالي و كأنه جيب كدلك.

الانفنيتي وبس @user_7865 · 27-09-2003

عاد أخوي علمنا وش راح تشتري واذا شريت اكتب موضوع عشان نباركلك

بس أخوي الباثفاندر حلو بس يبي يتغير 2005 يعني حرام سنه ويتغير موترك

ويطيح من عينك

gwaiz @user_7567 صاحب الموضوع · 27-09-2003

ما قصرتو يا شباب
السيارات واجدة
و الاقتراحات كثيرة
حيرتوني الصراحة
أنا أفضل أسأل مجربين و موب معجبين
البارحة حلمت اني شاري باثفايندر مواصفات حلوة اوتوماتيك مخمل بدون فتحة (مع اني أبي فتحة و قير عايدي)
المهم كل ما جيت أبي أسوقه جاني واحد من الشباب و قال لي انه يبي يجربها و سمحتله و أجلس جنبه.....إلين ما خلص الحلم (قهر)

المهم جزاكم الله خير كلكم

براد @user_3638 · 27-09-2003

انا نصيحتي لك ..

الميركوري ماونتنير ..

V6
240 حصان
4,0
خمس سرعات ((مع خاصيه الاوفر درايف))
وطبعا مايجي للسعوديه الا بنوع واحد
اما النوع الثاني
V8
250 حصان
4,6
خمس سرعات ((مع خاصيه الاوفر درايف))

والنوع اللي عندنا فيه جلد ..جنوط المنيوم ..المنيوم بدال التخشيبه
دبل اوتوماتيك ..ثلاث مراتب

وشكله حلو ومميز ..وعزمه قوي .. ووذف يعني لاهو اللي صغير ولا كبير

وأنت وكيفك

الانفنيتي وبس @user_7865 · 22-09-2003

أنا أنصحك بأي جيب تشتريه من الوكاله ويكون فل كامل عشان ما تناظر واحد
معه نفسك موترك بس فل وتنقهر

وأخوي أنصحك أبعد عن الأمريكي وخذ ياباني وأبعد عن شي اسمه اسوزو بلا ديزل

الاسوزو دايم ديزل حتى البنزين تحسه ديزل

عاشق اللومينا @user_829 Registered User · 16-09-2003

هلا بك خوي ...

انا انصحك بالميتسوبيشي باجيرو هو الافضل ..

والراي رايك حبيبي ...

تحياتي ..

safari4x4ksa @user_5085 · 16-09-2003

غير.......النيسان سوبر سفاري...............لا تشتري...رفيع ..قوي...مايطيح صدامه مثل اللاند....فخم من الداخل.............................................مع احترامنا

بـsssــــررريد @user_2912 · 12-09-2003

انا انصحك ان تأخذ جيب انفوي ...
مميزاته:
(1) قوي
(2) ثابت على الطريق
(3)الفخامة
(3)السرعة
وسعر : ل 4في 2 94,000 ريال
ل4في 4 117,000 ريال
وشكرا تحيات بررريد

MR WRANGLER @user_5161 · 12-09-2003

انا انصحك انك تاخذ جيب رانجلر ونت كيفك

[/IMG]

تحياتي---->MR WRANGLER

TSS @user_5129 · 08-09-2003

..........هي البرادو حلوة .......لكن انا برايي .....

لو تاخذ بليزر سعره 80...الف ريال وحلو فخم وكشخه

هذا رايك ولا احد يقدر يغيره

N.M.N @user_4374 · 07-09-2003

اخوي gwaiz

انا انصحك بالهوندا هوندا MR-V

والاخ : LIMITED جاب لك كل المواصفات والصور بعد

وعندك ذا الموضوع ......... كل انواع الجيوب وبالمعلومات والصور ....... وهذا الرابط :
http://www.assayyaratnet.com/forums/showthread.php?s=&threadid=13795

تحياتي

LIMITED @user_1932 · 07-09-2003

لا اخوي الهوندا في منه 3 انواع
انا قلتلك ان اسمه MR-C بس هو اسمه MR-V
غلطه فنيه

بالنسبه لاسعار البرادو يبداء من 85 الف لمحرك الاربعه سلندر
ويوصل على ما اعتقد ل 115 الف للفل كامل.

gwaiz @user_7567 صاحب الموضوع · 07-09-2003

الظاهر اسم الهوندا CR-V