الفحمات و المساعد / كابرس 2012

عبدالله() @user_299323 · 22-02-2014

السلام عليكم ورحمة الله وبركاته
سيارتي كابرس 2012 ماشي 75 الف تقريباً عندي مشاكل ومنها
1- عندي مشكله في الفحمات عقب ما غيرتها على 60 الف غيرتها اسيديلكو وخرطت الهوبات الامامي والخلفي
الامامي صار فيه صوت صفير وفيه صوت ثاني اذا بغيت اوقف وانا ضاغط على الفرامل صوت مثل احتكاك الحديد في الحديد :smilie20:
المهم رحت اشوف وش مشكلتها قالوا غير فحمات GM قلت تم وغيرتها ونفس الصفير الاول واحتكاك الحديد في الحديد
ثم رحت اشوفها ثاني مره قال اخرط الهوبات مره ثاني وقلت تم واخرطها ونفس الاصوات :a120(115): انا ما ضيق صدري الا من هالصوت الحديد في الحديد مثل الاحتكاك قوي :smilie20::smilie20: ولا ادري وش السوات في شههر واحد هالمشاكل ؟ عطوني الحلول الله يجزاكم خير ويرحم. والديكم

2- رحت اشوف السياره من تحت اشوف المساعدات والركب والاشياء هذي قالي ان المساعد الايسر مفجور يصب زيييت واسمع فيه اصوات من زمان هل هو طبيعي انه يخرب مع ان السياره ماشيه 75 الف ؟؟؟؟
وهل اغيره هو لحاله ولا اغير الثنين الاماميه كلها لاني سمع اذا غيرت واحد يطلع الموتر غير متزن ؟؟؟ وياليت تفيدوني بكم سعر المساعد مع التركيب طبعاً اصلي وكاله

3- فحصت الموتر يقول الفحص ان السياره تحتاج لتصفيت مكينه تغيير بواجي وتغيير صفاية البنزين ( لانه يقول انها تصرف عليك بنزين واجد ويقول اكيد متعطله خربانه ) ؟؟؟ ليت تفيدوني بكم اسعارها في الوكاله اصلي

4- السياره ماشيه 75 هل في هالفتره اغير زيت القير ولا ؟؟؟ لان فيه ناس يقولون لو تغير الزيت بيخبط القير :confused1::confused1:
واحترت قلت اسأل اهل الخبره

ياليت تلقولي حل مع هالمشاكل وخصوصاً سالفت الفحمات لاني بغضت الموتر من هالفحمات
الله يرحم والديكم والله يجمعنا في الجنة. اللهم امييين

والسلام عليكم ورحمه الله وبركاته

عبدالله() @user_299323 صاحب الموضوع · 07-03-2014

Up up up up

عبدالله() @user_299323 صاحب الموضوع · 06-03-2014

السلام عليكم شريت بخاخ wd40 واستخدمته وضبط يجي الصوت شوي ثم يختفي
والمكيف صار فيه نقص في الفريون وعبيناه وضبط
اللي قاهرتي الحين المساعد وراه يخرب ؟؟؟؟؟ معا اني ما صدمت على الكفره اليسرى وادخل التراب بشويش
ابي اعرف ليش يخرب واكتشفت انه خربان بداية الشتاء اسمع اصوات فيه احسبها من البرد ؟؟؟
شريت اسلاك بواجي من مركز اسيدلكو بـ 394 ريال ؟؟ وش هالغلا لا حول ولا قوه الا بالله ويبيع فحمات GM بـ 593 ريال
وانا شاريها GM بـ 320 ريال
مراكز اسيديلكو فيها غلاء فاحش توافقوني الرأي ؟؟!

i36allah @user_295560 · 03-03-2014

تبي تفتك من اصوات الفحمات دور فحمات سيراميك أمريكيه وركبها وإن شاء الله بيروح الصوت !

عبدالعزيز 8 @user_231972 · 02-03-2014

بالنسبة لبخاخwd40 تلقاه في ساكو او أي محل مواد بناء
اما سالفة مكيف الراكب فالسيارة محتاجه اعادة برمجة افصل اصبع البطارية الموجب ربع ساعة ومن ثم اشبكه وشده وانتظر دقيقتين قبل التشغيل
لاعادة برمجة السيارة وان شاء الله تضبط

موفق اخوي

سليم سسليم @user_289350 · 02-03-2014

السلام عليكم ادا المساعد يطلع زيت من المحتمل ان يكون الصوت منه هوا لان حركته سريعه بس السؤال ليش المساعد يطلع زيت هل حدت وقوع في مطب او اي صدمه للكفر لايسر عليك تغيير المساعد بسرعه لانه قد يؤتر علي قطع اخراء والكشف علي بقيت القطع لانه يبدو ان الكفر لايسر قد تعرض لصدمه ماء .. المكيف يمكن تشغيل المكيف واتركه قليلا تم قم بلمس لانابيب في حجرت المحرك هناك عدد اتنين انبوب خارجه من الكمبراسوري . ادا وجدت انهما باردان فهدا يعني نقص في الغاز .

عبدالله() @user_299323 صاحب الموضوع · 02-03-2014

اشكركم الف شكر على الردود ( البخاخ هذا wd40 وين احصله )

انا اكتشفت شي بس مدري هو صح علي ولا
المساعد الايسر يهرب زيت يعني خربان والاصوات الفحمات اسمعها من الكفره اليسرى
هل تتوقعونه انه من المساعد ؟

مشكله اخرى في المكيف التحكم حق السواق مضبوط وبارد وحق الراكب مهب بارد :a120(115):
ويطلع صوت مثل صوت الاستشوار يخف ويقوى
رح كم واحد حقيت الفريون ىالمكيفات يقولون ناقص فريون بس السيارة لسا جديده ؟؟؟ تونا على المكيفات والامور هذي ؟؟؟

شكراً

عبدالعزيز 8 @user_231972 · 26-02-2014

الحل

امشي عليها اسبوع وان شاء الله الصوت يروح من نفسه
واذا مستعجل رش بخاخ wd40 على الهوبات ما منه أي ضرر وعن تجربه وراح يختفي الصوت
الشيء الثاني هل وزن لك فحمات الجلنط لا يكون ما ضبط وزنيتها

بالتوفيق

speeed1 @user_47102 · 26-02-2014

الغالب و الله اعلم هوبات الكابريس بس تتخرط الصوت راح يكون ملازم لك

وبما انك خرطه مرتين فاتوقع الحل تبديله بهوب جديد حتى لو تجاري يمكن الاثنين بحدود 200-250 واتوقع بيخف الصوت اذا الفحمات مازالت نظفية ومع تغييره نظف الفرامل ببخاخ الفرامل قبل التركيب موجود بساكو انواع كثيرة

المساعد غالبا يطلع صوت قربعة واما اذا طقة قوية غالبا كرسي المساعد مكسور برضوا و المساعد نعم اذا خربان بطلع زيت وعموما شوارعنا تدمر المساعدات
بالنسبة لنوعية مساعدات مونورا فهي الاصلية حقت المصنع حتى لو تلاحظ تفكها من سيارتك راح تلاقيها مونورا سعرها بحدود 400-450

زيت القير اهم شي تحط نفس اللزوجة لالبعض يخبط معاهم لان الورش تحط اي شي حتى لو زيت فرامل ماعندهم مشكلة

super_safari @user_201024 · 26-02-2014

مشكور أخ Bonaparte
للتصحيح: بواجي الروديوم تعيش 100 ألف كم. العادية تعيش نصف العمر تقريبًا أو أقل , طبعًا السعر فرق لا يوصف! لكن الواحد مضطر يلتزم بمواصفات شد البلد.
زيت القير أخوي في سيارات GM من 2006 و نازل زيت القير اسمه dexron3 و يعيش 50 ألف كم. و الأحدث من ذلك dexron4 الي هو بالصورة عندك , و تعيش 60 ألف ميل أو 100 ألف كم .. حسب ما يُذكر في كتالوج أي سيارة تستخدم هذا الزيت.
حسب ما اطلعت في النت لا توجد سيارة تستخدم الصنف dexron5 أو 6 (و هما جديدين لم يُستخدموا في السيارات الشائعة) إلا في بعض السيارات الألمانية. يمكن البعض ما سمع فيهم حتى!

الوكالات شغلهم تجاري أكثر مما هو التزام بجدول الصيانة! مثال صغير للتوضيح فقط: في كتالوج أحد السيارات (و مثلها جداول الصيانة لدى بعض الوكلاء) ذُكر أن زيت الدفرنس يتغير كل 40 ألف كم!! زيت الدفرنس عمره طويل جدًّا , هو و زيت الفرامل أكثر شيء تعمر. بعض الكتالوجات تقول 100 ألف و البعض 150 ألف كم. يعني في أسوأ الأحوال مائة ألف خلينا نقول.

تنبيه أخير للأخ عبد الله:
من الجيد جدًّا تنظيف الثروتل كما ذكر أخونا Bonaparte بمعية حساس الهواء و هذا أنت تسويه بيدك. لكن الأهم أنك تفصل البطارية تمامًا قبل لا تبدأ الشغل. و إلا سنرى لك موضوع هنا في قسم الورشة بهذا الخصوص :smile: . المواضيع بهذا الشأن كثيرة. الدعسة الحين إلكترونية. و تتغير برمجتها بمجرد التنظيف بدون فصل البطارية ,, الذي هو الإجراء السليم.

Bonaparte @user_275455 · 25-02-2014

1 : الفحمات مثل ماذكر super safari الله يجزاه خير , انه احتمال من كلبسات الفحمات . طبعا هي تجي مع الفحمات مايمديك تشتريها قطعه منفصلة ,

هذا كليبر الكابرس والفحمات , لاحظ رقم 5 الفحمات تجي طقم فحمات يمين يسار (امامي) مع الكلبسات ,
ركب الكلبسات الي جات مع فحمات GM . وإن شاء الله يختفي الصوت . بالنسبه للهوبات وقف عن الخرط مستقبلا , كل ماجيت تغير فحمات اذا كان الهوب تعبان صنفره اذا لا ركب على طول . لان الفحمات هي تخرط وتعدل الهوب .

2 : بالنسبه للمساعد اذا غيرت واحد ما أتوقع يغير الوزنية اذا كان نفس حق البلد بالبارت نمبر , يمكن قصدك اليايات هي يمكن تغيره لين تتلين .
وتأكد قبل لاتغير يمكن يكون الصوت من كراسي المساعدات , أو جلد أو مسمار .

3 : صفاية البنزين تجي مدموجه مع طرمبة البنزين وصعب تغييرها, , وما اظن تنباع لوحدها تجي طقم طربمة وصفاية مع بعض . يعني خلها مره وحده بعدين اذا خربت لاسمح الله .
الحين فقط تحتاج للتصفيه : بواجي + تنظيف بخاخات ( بواجي الكابرس ريديوم عمرها من 50 الف الى 80 الف ) واكيد الحين تحتاج تغيير , فغيرها ونظف بخاخات عند ايسي ديلكو .
بس البواجي انتبه خذ نفس حقت البلد : ايسي ديلكو 41110 , طقم 8 حبات
لانك اذا رحت قطع الغيار الجميح او التوكيلات او بالبيد أو ايسي ديلكو احتمال يعطيك نوع ثاني بلانتينيوم , راح تركب , لكن بتسبب لك تفتفه ويختلف اداءها عن الريديوم ,
اذا بتتأكد , تقدر تدخل موقع ايسي ديلكو وتختار الموديل أو
http://www.tonkinonlineparts.com/p/Chevrolet_2012_Caprice-FFV-8-Cylinder-60L/SPARK-PLUG-Glow-Spark-Ignition/5991387/12621258.html

وبواجي سيارتي كابرس 2013 حقت البلد رقمها 41110

لاتنسى تنظف ثروتل بدي (بوابه الهواء ) مع حساس الهواء Maf Sensor وتأكد من فلتر الهواء

4 : بالنسبه لزيت القير اذا انك مستمر مع الوكالة فالصيانه اكيد غيروه على 60 الف
طبعا زيت القير يتغير كل 30 الف الى 60 الف كحد اقصى حسب الاستخدام .
يعني حتى ولو استخدام نظيف لازم يتيغير على 60 الف
انا غيرته على 40 الف (زيت + فلتر + وجه كارتير )
نوع الزيت ديكسرون 6 , اللي كتبه سوبر سفاري حق موديلات 2006 ونازل .

اذا ما غيرته غيره بأسرع وقت , وان شاء الله مافي ضرر , وغيره فالوكالة افضل , عشان التركيب وكميه الزيت + ضمان
بعد التغيير اول 1000 كيلو لاتسرع فالسيارة , عشان تتعود الكلتشات على اللزوجه الجديده .

ان شاء الله اذا سويت هذي الأشياء راح تختلف معك السيارة فسلاسة التعشيقات والعزم .

super_safari @user_201024 · 24-02-2014

و عليكم السلام

1- أقصد أنك لما تدعس الفرامل يزول الصوت (بغض النظر عن الصفير المعروف هذا طبيعي). و طالما لا يوجد استخدام فرامل و السيارة ماشية يصدر صوت حك الحديد (الصوت: تخيل أنك ماسك ماسورة حديد و تسحبها وراك على بلاط), فهي بسبب الكلبسات الي أتكلم عنها.
إذا الكلبسات موجودة فهذا شيء غريب! لا سيما أن الهوب سطحه سليم و انخرط كما تقول!
يمكن -و هذا توقع و الله اعلم- إذا كل شيء سليم , قد يكون الكليبر يحتاج تنظيف البستن مع تغيير إصلاح في حال إذا لاحظت إن إحدى الفحمتين على نفس الهوب تتآكل أسرع من الثانية.
رأيي أن تعرض السيارة على كم محل ميزان. المعاينة ليست كالوصف. و إن شاء الله تكون سهلة.

2- توقعت أن سعر امساعد بهذي الحدود. محلات مونرو و جابريل في الصناعية القديمة. أنا أتكلم عن الرياض , ما وضحت أنت وين. و لكن:
جابريل على شارع الأمير سلمان (المدينة حاليًّا) بداخل الحارة خلف محلات قطع المازدا .. يعني قريبًا من إشارة التقاطع مع شارع الظهران.
مونرو: في نهاية شارع الخليفة المأمون.. الي هو شارع محلات القيرات: ترايستار و تشاللنجر و ديكسول و جيركو ... إلخ. أقرب شيء عليه جيركو.

3- صفاية البنزين شيء أساسي في أي سيارة. لكنه يقصد أنها مدمجة في طرمبة البنزين من أسفلها. نعم يوجد سيارات بهذه الطريقة. لكنها أيضًا تُـشرى و تـُغيَّر.
انظر روابط الصورتين:

http://i77.photobucket.com/albums/j67/sakataj/Me/Cars/2001%20Gs430%20Lexus/DIY/Fuel%20Filter%20With%20Sock/FuelPumpWithPreFilterNextToNewPreFi.jpg

http://www.gonicd.com/intankinstall/intankbottomsock_l.jpg

يعني لازم فك الطرمبة علشان تغييرها. مو مثل البعض الآخر من السيارات تكون مستقلة تحت باب الراكب و بعضها في الكبوت عند البخاخات.

سليم سسليم @user_289350 · 24-02-2014

السلام عليكم . يريت اتوضح انت قلت لما ادوس فرامل تسمع صوت صفير ومفيش صوت احتكاك وبعدين قلت لما اقوف السياره اسمع صوت لاحتكاك اخوي الكلام مش واظح يريت اتوظح اكتر . بالنسبه للصوت ربما يكون صوت شي تاني يجب رفع السياره من لامام اقصد لاطارات لاماميه ترتفع فوق سطح لارضو عشق السياره كانك ماشي بيها بعدين فرمل سوف يظهر الصوت ويمكنك تحديد موقعه بس خليك حدر لان السياره قد تسقط لارض وتتقدم فجاه يريت اتخلي العمليه هدي تتم في ورشه

عبدالله() @user_299323 صاحب الموضوع · 23-02-2014

السلام عليكم ( مساء الخير )

1-الكلبسات موجوه وشايفها بعيني اما السؤال ما فهمت ولكن عند الضغط على الفرامل لا يوجد صوت لحك الحديد مجر صفييير مزعج ولكن عند وقوف السياره وانا ضاغط على الفرامل اسمع صوت الحديد في الحديد

2-ابي اعرف وين اماكن مونرو و جابريل وين احصلها ( طبعا حصلت المساعد الواحد في الوكاله حدود 495 ريال )

3-انا فحصت الموتر كمبيوتر طلع لي في الفحص تصفية مكينه وتغيير صفاية البنزين لاني سويت حادث بسيط مع الرفرف بجانب فتحت البنزين ويمكن اثرت عليها الصدمة ( دقيت على الوكاله لقطع الغيار سألتهم عن صفاية البنزين يقول الموظف لايوجد صفاية بنزين في الموديلات الحديثة ؟؟؟؟؟)

super_safari @user_201024 · 23-02-2014

و عليكم السلام و رحمة الله و بركاته

تم نقل الموضوع إلى الورشة

1- أكاد أجزم أن الفحمات تركبت عندك بدون الكلبسات حقها الي في زاويتي الفحمة! هل تأكدت من ذلك؟ الورشات يهملوها جهلاً منهم بما هي أصلاً. هذه يا عزيزي تلغي الفضاوة الي بين الفحمة و الهوب , و بالتالي منع الاستهلاك السريع + منع أكل الهوب و حفره بسرعة + منع صوت حك الحديد هذا الذي تسمعه بالضبط.
للتأكيد: هل صوت الحديد يزول بمجرد الفرملة؟ أنتظر الجواب.
معلومة: فحمات Gm أطول عمرًا من إيسيدلكو بالتأكيد. إذا فرق السعر أكثر من فرق العمر فخليك على الإيسيدلكو. عاد انت احسبها.

2- إذا طلع الزيت خلاص لازم تغيير.
احين لو بتركب مساعد أصلي فلا داعي تغيير الثاني. لكن لو شفت الأصلي غالي (و أظنه كذلك في سيارات GM عمومًا) فتوجه لمحلات مونرو أو جابريل. جودة ممتاز و يخدم إن شاء الله و فرق كبير في السعر. الواحد بحدود الـ 100 ريال. بس وقتها لازم تغير الاثنين ؛ لأن قساوة التجاري أكثر شوي , و يمكن حتى المقاس ما أتوقع يكون نفسه بالدقة 100 % , فالأضمن تغير الاثنين و الله يعين.

3- البواجي معلش لو تاخذها تجاري. ما يضر. الصفاية ما عندي علم عنها لكنها قطعة استهلاكية و تعود أنك تغيرها مع البواجي. بس تأكد من جدول الصيانة عندك في الكتالوج , بعض السيارات الحديثة -و قد تكون سيارتك منها و العلم عند الله- البواجي فيها روديوم و تتغير كل 100 ألف كم و قد تخدمك أكثر حتى. و هي غالية يطلع حق الواحد بـ 50 ريال تقريبًا !! فتأكد يمكن البواجي عندك منها , و ساعتها لا توسوس بالكلام التجاري للورشات!
و بعدين يا الطيب كيف هو قاس صرفية البنزين؟! أنت راعي السيارة و تعرف ممشاها.
هل تجد دخان أسود , أو ريحة بنزين حفيفة من الشكمان؟
با عمي لو تروح الورشات الي جنب الفحص الدوري , و أنت واقف يقيس لك الكربون و مدى حرق الوقود من الشكمان , و اترك التخمينات و الفلسفة الي سمعتها منهم.

4- زيت القير في كل سيارات GM من 2007 و طالع هو ATF4 , و هذا سلمك الله يعيش 100 ألف كم. فليس الآن وقته.