باجيرو سبورت vs دورانجو

إذا أنت راعي بران ومطامر خذ الباجيرو بأنواعه ممتاز

أما إذا معك عائلة وأستخدامك خطوط ومدينة أكثر أكيد

الدرانقو أفضل لأنه مصمم للعائلة والسفر وخلافه ، فيه

فرق كبير بين السيارتين ، وإذا مصمم علئ الباجيــرو

عليك بالباجيرو محرك 3.8 لأنه بصراحة هو الأفضل بيـن

سيارات الدفع في اليابان بهذا الحجم ، والله يوفقك .

معليش مقارنه غريبه او بالاصح لا يوجد ماقرنه الباجيرو سياره تعتمد على الكثير من سيارت الطرقات الوعره الرمل ممكن يتم مقارنتها مع التويوتا الفورنشر ومع البليزر وحسب اخر اختبارات تفوقت البليزر مع اختبار عملي من شركة الجميح والتوكيلات والشركة الام
ام الوحش الامريكي درانجو فهو يعد من اريح السيارات ( العائليه ) والرحبه والسلامه والسلاسه والقوه فهو مزيج تقنية السياراة الالمانيه من الهيكل الشاصي يستخدم مابين مرسيدس ودرانجو من كثر ماهو ناجح اما القير بوكس فهو 8 نسب وسلس جدا وهو نفسه الذي يستخدم في شركة bmw وجاكور ورنج روفر ويعد افضل قير بوكس حاليا اما المحرك اذا كان 8 سلندر فهو همي اي وحش القوة ويعمل بشكل اقتصادي جدا يبداء عند الانطلاق 4 سلندر ثم مع السرعه يتحول الى 6 سلندر ثم الى 8 سلندر اما قي حال السرعه المباشره يعمل بكامل طاقته الوحشيه 8 سلندر مع صوة جبار زئيرررررر اما التعليق فهو دفع مستمر رباعي ثبات دائم
وهناك العديد من المواصفات الداخليه ناهيك عن الشكل الجميل
وعلى هذا الاساس لا توجد ابدا مقارنه حقيقيه فهذه سيارت عائله مريحه قويه ووسعه من الداخل حتى على الكرسي الثالث فهو يستعمل للكبار
اما الباجيرو فهو سيارت طرقات وعره بشكل كبير

حسب استخدامك
الباجيرو تصميمة اقضل للبر والمناطق الوعرة ولكن لايوجد شكل ولا تكنلوجيا
الدورانجو عصري وجذاب وتكنولوجيا في الاستاندر لا توجد في الفل كامل في بعض الشركات المشهورة باستثناء الكوري

انا اشوف انك تبعد عن ميتسو بيشي مو عشان تعبانه او مو تعبانه لا عشان مايجيك ملل

لاءن عدادات الباجيرو تقريباً نفس عدادات الجالنت حتى في الوان الاضاءة الوان احمر برتقالي كلها نفس الاضاءة ,, يعني لو اشتريت الباجيرو الاسبورت بتحس كائنك راكب جالنت مرفعه وبخصوص القير اتوقع انها 4 نمر زي الجالنت يعني مافي اختلاف

كان نفسي اقولك جيب الفورد ايدج بس احس انو مايتحمل لاءنو مليان تكلونجيا ونااعمه السيارة

اصبر الى رمضان قبل لاتشتري اي سياره عشان بتجيك العروض القوية

أنا عندي باجيرو سبورت 2014 اشتريتها قبل 6 شهور بسعر 109 الف ريال من وكالة العيسائي فرع الخبر نص فل ناقصنها جلد وفتحة وممشاها الان 17600 كيلو

مواصفات السيارة: المكينة 6 سلندر 186 حصان فقط حجم المكينة 3.5 لتر , دبل , بلوتوث و اقدر اتحكم بالمكالمات من الدركسون , مثبت سرعة , تكييف مركزي حتى السيت الثالث فيه تكييف بالاعلى و المسجل شاشة 5 بوصة لمس يوجد وصلة لتشغيل الايبود او يو اس بي لتشغيل مقاطع صوت.

-من عيوب السيارة المكينة ضعيفة على انها 6 سلندر ولكن 186 حصان فقط. التسارع بطئ جدا بس تعودت على هالشي.

-التكييف الخلفي اول 5 دقايق تكون برودة خفيفة بس بعدين يصير بارد جدا.

-السيارة ناعمة في المطبات ومريحة في السفر وانا جربت هالشي وسافرت بها دبي و الكويت و قطر.

-صرفية البزين احسها عادية ما اقدر اقول محرقة بس من واقع تجربة قبل شهر رحت الخبر مرتين في اليوم من القطيف الى الخبر تقريبا 60 كيلو المسافة لمدة اسبوع البنزين يكفيني يوم ونص فقط.

- السيت الثالث ضيق جدا ماينفع الا للاطفال.

-قبل يومين بدلت قماشات السيارة لانها انتهت وقامت تطلع صوت مزعج وصارت عندي رجهه في البريك اذا اسرع 120 بس هالمشكلة راحت بعد خراط الهوبات وتبديل القماشات. وعلى فكرة سعر القماشات الامامية 350 والخلفية نفس السعر. وصناعتها تايلندية.

-ماعمري جربت الوكيل العيسائي في الصيانة الا مرة وحده في صيانة ال1000 كيلو فقط وبعدها مارحت له بسبب بعد المسافة والصيانة تاخذ وقت لمدة يومين او 3 ايام علشان تبديل زيت فقط !

-الى الان ماجربت السيارة في البر بس اتوقع ان ادائها بيكون جيد.

وان شاء الله راح ارفق صور بكره للسيارة و أي سؤال انا حاضر
تحياتي

يا الطيب. ابعد عن البجيرو سبوت وخلي مكانه البجيرو العائلي

عندنا بالشركة اخذنا دفعة بجيرو سبورت و فورشنر

واغلب المستخدمين يفضلون الفورشنر على البجيرو لانه مقاعده اريح و صرفيته للبنزين اخف

انا جربته البجيرو سبورت وجربت موتر اخوي البجيرو العائلي.. وفيه فرق بين الاثنين في الراحة والقوة لصالح البجيرو العائلي

والبجيرو بشكل عام عضلاته قاسية على الحفر والمطبات وتحس بيها بشكل واضح

اما الدورانجو فانا ماعندي علم عنه ولا جربته.. لكن اغلب اللي يستخدمونه يتعلقو فيه وتذمرهم فقط من الوكيل.

وكذلك يقولون عنه ان قطع غياره قوية وتدوم معك


وعلى فكرة.. الدورانجو في العرض اكثر من البجيرو سبورت والعرض يزيد من كفائة السيارة في الانعطافات والمناورات المفاجئة ويعطي الركاب رحابة اكثر داخل السيارة

وياما تقلبت سيارات الشركة (بجيرو سبورت - فورشنر) وراحو اتلاف على التامين، وانا اعطي اللوم لقلة العرض في هذي السيارتين مقارنة بارتفاعهما الكلي

وشكرا

وش تفيدني هالمواصفات وإذا دخلت المعارض الشريطية يتنحشون عني ؟
أبي موتر أول ما أدخل المعارض الشريطية يثتجمعون علي

شوف يالغالي اغلب الردود الي بتجيك من حقون الياباني
اشتري عشان ابيع .. ف لا تاخذ بكلامهم الدودج افضل بكثير من السيارات الي انت ذكرتها و بمراحل يارجل يكفيك رساوه الدودج رغم انها جيب الا انك تحس انك راكب سيدان راسيه جدا ماشاء الله من تجارب الناس لها و لاتنسى ان السياره الي انت ذكرتها مالها سوق عندنا

والي يجي يقول لك فورنتشنر ؟ معليش ردود غريبه اراها هنا يقارن الفورتشنر بالوحش دورانجوو ؟؟؟؟؟! هل يعقل ذلك

بنسبه للباجيرو سبورت عزمه تعبان وقريب من عزم الفورتشر اربع سرندل قير عادي
رايي لو تتوجه الى تايوتا او نيسان افضل لك بماان ميزانيك 120 الف

انصحك بالباجيرو العادي

اوسع وافضل وعملي أكثر ومرغوب في السوق

نفس كلام الاخوان انا قارنت الباجيرو العادي والباجيرو سبورت
فرق السما والارض

زي الفرق بين تويوتا الشاص وتندرا :bigggrin:

ارشح باجيرو عادي بقوة

والله داري انه الدورانجو مايتقارن مع التايلاندي ذا بس عيبه الوحيد في نظري

الواجهة مررررة نااازلة

ياخي معليش مقارنتك ظالمه ؟؟؟

مافيه مقارنه والله الدورانقو افضل في كل شي؟؟!!

رساوه ومتعه قياده ومواصفات وقطع داخليه المانيه بالمشاركه مع العملاق مرسيدس وشركه موبار الخ الخ من المميزات وحش امريكي و يعتبر من المسلز اذذا بتاخذ 8 سلندر قير 8 نمر من شركه زد اف العملاقه نفس قيور الالماني سستم صوتي من شركه البينا حقت مرسيدس

للأسف ما أقتنعت بالباجيرو العادي