محتار و ارجو المساعدة العاجلة ( لكزس )

والله يالغالي الجيب هذا من زمان وهو نفس الشكل مع تحسينات بسيطه ، بس يبقى الشكل مثل ما هو يعني طفشنا منه

بينما الجي اس تصميم جديد وعصري يختلف عن الشكل السابق كليا مو بس فيس لفت

ثانيا مثل ما تفضلت انت مكان القير ينرفز ، يحسسك ان معك فان مو جيب !

انا ما انصح فيه ابد لان فعلا شكله مستهلك وقديم .. خذ لك جي اس موتر جديد وبتقنيات جديده

شف ياخوي انت تقارن بين لكزس ولكزس يعني مافيه فرق بالتقنيات والجوده الفرق الوحيد هذي سيدان وهذيك كروس اوفر حتى برغم الجي اس دفع خلفي مايشكل فارق النقطه الوحيده المهمه وش رغبتك انت سيدان ولا سياره مرتفعه .. نصيحتي لك جرب استخدام سياره مرتفعه وشف اذا بترتاح او لا وبعدها قرر .. انا انصحك بالار اكس حجمه مناسب وماراح يضايقك وبالنهايه كلها 5 ركاب .. نسيت اذكرك ان الجي اس تميل للرياضيه اكثر من الرسميه بينما الار اكس يميل للنعومه والسلاسه

الله يعطيك العافية اخي سالم
نبغى نعرف المميزات والعيوب

شف السيارات المرتفعة حلوه ومريحة بالرياض
الجي اس ميزته انه دفع خلفي لكن مع ذلك ارشح لك الار اكس برغم انه دفع أمامي
إذا سيارتك الحاليه سيدان بترتاح كثير مع الار اكس وبتفرق معك

السيارتين فخامه وتقنيه
لكن مشكلتك عاجبتك الثنتين وكل شوي تميل نفسك لوحده فيهم
عندي لك حل ظريف
شاور حرمتك اذا انت متزوج وخالف ذوقها هههههههها امرح

الله يعطيك العافية يا ابوحمد

صحيح المقارنة غير عادلة .. بس وصلت الى خيارين لا ثالث لهما ..
انا ودي بالسيدان و في نفس الوقت نفسي تروح للجيب ..

عشان كذا ابغى اعرف الفرق من ناحية الفخامة والراحة بينهم ..
اخاف اشتري الجيب وبعدين اقول يا ليت اني شريت السيدان

او اشتري السيدان وبعدين اقول يا ليتني اشتريت الجيب ..

هو فيه عيب واحد شفته بالجيب م}ثر في منظر السيارة الا وهو القير فقط ..