وكاله المتحده في السعوديه

يوجد اتفاقية تجارة حره بين البحرين وامريكا ومن ضمنها سيارات جيب ما يدفع لها جمرك لدخول البحرين، عشان كذا لا يشملها الوحده الجمركية الخليجية مثل باقي السيارات. وهالشي متأكد منه 100%.
يعني لو حسبتها بتطلع نفس سعر السعودية واللي بيفرق معك الجنوط فقط.

اخوي يزيد اللي اعرفه السيارات الجديده ماتدفع عليها جمرك والله اعلم ..
وثاني شي سعر السياره في البحرين ارخص من السعوديه ب 10000 تقريبا

انا مثلك اخوي ناوي على جراند شيروكي ليميتد وأمس اتصلت بوكالات البحرين البهبهاني والزياني،
البهبهاني: السعر 160 ألف ريـال ، والفرق جنوط 20 فقط.
الزياني: 166 ألف ريـال ، الفرق جنوط 20 و شاشتين DVD خلف مقعد السائق والراكب.

علماً ان اثنينهم بتحتاج تدفع جمارك للسعودية (5%)، والضمان واحد اللي هو ضمان المصنع ويلتزم فيه الوكيل المحلي.

بالنسبة لي شلت الفكره من بالي لأني من الرياض ومشوار للبحرين ما يسوى على هالفرق بالسعر.

نقطة اخيرة وهي ان صيانة المتحدة الدورية ارخص من صيانة فورد للتورس واسرع خدمة. ولكن توفر قطع الغيار قد يعتبر مشكلة .

وبالاخير ربي يوفقك ويكتب لك الصالح.

انا اكثر شخص احتقر واكره وكالة تويوتا عبداللطيف جميل تلاعب في المواصفات وتشليح وغلاء اسعار ...لكن توفر قطع الغيار عندها وتوفر مراكز الصيانه الصراحه هذا الشي الوحيد اللي صنع من هذه الشركه اسطوره في السعوديه وقطعة غيار بسيطه مثل جلده مساحه مالقيتها عندهم اعتقد انها قويه شويه..وسامحنا ..

الخدمه بعد البيع فاشله
اسعار الصيانه غاليه
تتعدا 1000 ريال
المشكله سياراتهم ممتازه وخدمتهم ضعيفه
يبي له قرصه اذن من وزاره التجاره
او سحب الوكاله منه مثل الحمراني ونيسان

اخي الحبيب
دام نفسك في السيارة لايردك الوكيل جميع وكلاء السيارات عندنا سيئين همهم الوحيد الربح
والمتحدة الان فتحت فروع للصيانة السريعة

بخصوص توفر قطع غيار
انا معي تويوتا
وخربت عليّ جلدة المساحه
رحت دورت عند الموزعين مالقيت
رحت للوكاله مالقيت إلا بطلبيه وبمبلغ خيالي عشان طلبيه
اضطريت اغير المساحه كلها وبسعر ارخص
كل الشركات زي بعضها

اشكركم على ردودكم .. والله يكتب اللى فيه الخير

سياره بدون قطع غيار متوفره تعتبر مجرد قطعة خرده ...وجع راس وهم وتصير زبون دائم عند شركات تأجير السيارات

بالنسبة للصيانة الدورية ، المتحدة حسب ما سمعت انهم ممتازين ، وأخوي عنده قراند شيروكي 2012 ومرتاح معهم بالصيانة ..


توفير بعض القطع يتأخر أحيانا ، وكذلك الصيانات الكبيرة ..

موفق ،

المتحدة توسعت كثير في فتح صالات العرض ومراكز الصيانة , لكن تبقى المشكلة الاكبر توفير قطع الغيار , المتحده نفسها ووكلاء الخليج يعانون من الشركة الأم كرايسلر في تزويدهم بقطع الغيار والتأخير عليهم في الطلبيات , وعدم توفر بديل في السوق المحلي , عندك مثلا تويوتا وجي إم وشفرولية وهونداي , إذا لم تجد طلبك في الوكاله ستجده في السوق لكن قطع غيار كرايسلر ودودج وجيب ورام شبه معدومه من السوق ولايوجد موزعين

الغالي خذها من البحرين وسو لها صيانة هم في البحرين

عندك وكيلين :

1- بهبهاني

2- الزياني

من الافضل الله أعلم

الله يكتب لك مافي الخير