يا شباب اطارحت مع كابرس يوم الثلاثاء

الأخ Dr. Subaru

أنا طالب معاك في كلية الهندسة

وسيارتي سوبارو ليجاسي 2003 فل كامل مقاعد جلد قير عادي الخخخخ .

وبالنسبة لمطارحتك مع الكبرس ماهي غريبة مثل ما تفضلوا الأخوان الكابريس ثقيلة وكبيرة وانسيابيتها اقل من الليجاسي ..

بس حبيت اتعرف عليكم وعلى المجموعة الكريمة وأهل المنتدى الكريم ..


تحياتي

لاندكروزر vxr
معليش ما فهمتك عيك صح .....

Dr. Subaru
حياك عزيزي وفي الخدمة .... وتحياتي للجميع .....



مجنون الـLEGACY GT-B STI
تحياتي ..

اخوي LEGACY
أولاً كيف حالك ، وثانياً مشكور على الكلام اللي انت كاتبه في هدا الموضوع ،
وثالثاً أنا داري انه السيارة لمن يدخل عداد الاربي ام المنطقة الحمرا تبدا
السيارة تنقز لأنه كمبيوتر السيارة يبدأ يخلي البواجي تفصل علشان يحمي
المكينة ، عشان كدا تلاقي السارة تتفتف ( تناقز زي ما انت قايل ) بس انا حبيت
احول القير حق السيارة من اوتو لعادي ( يعني انا ابا اتحكم متا اغير القير )
وبصراحة عجبتني الحركة وبالعكس احس طلعتها لمن تنقل للجير اللي بعده قوية
بس ادري انها تتعب المكينة والجربوكس بس قلت نجرب .


وعلشان خاطرك خلاص المرة الجاية لمن اطارح مع واحد ادعس البنزين للأخير ولا تزعل :D :D |1|

الكابريس واللومينا انا عندي مو شي
والسبارو 0شي عادي اذا طلع على كابريس
تحياتي...

أنا غير مقصدي غير اللي تفكر فيه

أنا اقولك الحين بتسوي نقاشات وهذر كثير على ايش ؟؟

علشان لومينا وسوبارو ومين يطلع.

أنا احس انك انسان كبير وفاهم يعني ماله داعي تسوي>/<

على قل فايدة

تحياتي لك

أخوك لاندكروزر VXR

لاندكروزر vxr
اخي العزيز ان كان لديك اي اعتراض في الكلام فضع لنا قولك وهات لنا بالبراهين الدالة على ذالك وعطنا وجهة نظرك ايظا في الموضوع ((عزيز وغالي))

وترى مش احنا الي نسوق السيارات اليبانية التي تحمل محركات صغيرة زعطنا ونفخنا وقنا سيارتنا وسيارتنا ...

الا ما في احد سلماه ابوه وحصل له قرشين ((والحمد لله على كل حال)) وطلع له لومنيا والله كابريس وشفط بنزين من اول دعسة على البترول .. قال انا وانا وهذي اللومنيا وهذي الكابريس ... يا جماعة انتوا انتو ما قلنا شي .. بس خلي شوي يصير عندكم نفس للحوار والنقاش والتجارب وروح المنافسة ((باغير الله بالخير)) ((بس عطني البديل؟؟؟ ))

ارجوا انك تتفهم الموضوع عدل يعني قبل ما تقول السوبارو vs الكابريس او اللومنيا 6 سلندر.....


Dr. Subaru
بقولك شي بس لمصلحتك ومصلحة السيارة ....
اذا وصلت الى الأحمر ((عداد الأربي ام)) وانت بعدك ما تغير المفروض انك تخفف مش زين الطريقة الصح ....
قبل الأحمر بشرطتين تقوم تغير الجير من 1 الى 2
او من 2 الى 3 ...
ولا تفكر يعني ما بوصل الأر بي ام الى الأحمر
لا بيوصل وبغير على طول خصوصا اذا كنت كابس على الدوسة ...

لأنه اذا ما غيرت ما تشوف السيرة مثل الي تناقز وياك وما تطلع بالسرعة ....

كانك تسوق عادي بس رجلك على طول كابسة على الدوسة وبدون كلتش....


وتحياتي لك....

معليش انا في اليومين اللى فاتو كان عندي اختبار عشان كدة ما خشيت عالنت.


بعدين يا شباب انا ماقلت اني اطارحت مع كابريس 8 سلندر ، انا لمن عديت الكبرس بعد ال200 هديت وعطيته فلشر يمين ويسار لأنه الطريق خلص والا كان ممكن نكمل لبعد ال200 ونشوف مين يطرح ، المهم لمن دخلنا الجامعة دخل قدامي وقريت في الشنطة حقت سيارته LS V6 ، وانا قايل في بداية موضوعي انه الكابريس 6 سلندر ، واللى يجي يقللي ما في كابرس 6 سلندر يروح يمر المعارض بعدين يتكلم ، او عالاقل يقرا جرايد ويتثقف شوية ،واللي يقوللي الكابرس ما قام معاك مزبوط ، يعني هوة كان معاه في السيارة والا ايه ...؟؟؟؟

يا بويا الرجال من عند الاشارة وهوة يحنحن بسيارته تقول انها بورش مو كابريس ، وانا قلت خليني اجرب معاه ، وانا سيارتي قيرها اوتومتك بس انا رديته في القير الاول وقمت معاه والين يوصل عداد الار بي ام للمنطقة الحمرا وتبدا السيارة تتفتف انقل للقير اللي بعده وللعلم القير 4 سرعات والله عالثالث موصل فوق 190 ، يعني يادوب حطيت الرابع الا اشوف دخلة الجامعة قدامي وأبو الشباب ورايا في اليسار ، بعدي انا ما قلت رحت عنه بسيارتين والا ثلاث ، قبل اللفة حقت الجامعة بقليل وانا ساقط علية ومعطيله فلشر يمين ويسار.
وكمان للمعلومية انا سيارتي ستوك زي ما اخدتها من الوكالة وماشية 15 ألف ، والكابريس 2004 ولونه ابيض واللي سايقه واحد شبابا مو عجوز والا دكتور ( قٌال ايش قال اطارحت مع دكتور في الجامعة حلوة والله :) :) )

يلا شباب والحين كل واحد يجيب بيبسي وفشار

ويشاهد مسرحية شكسبير الجزء الثاني (lumina V6 vs SUBARU)

بعد ما انتهى الجزء الأول اللي كان عنوانه ( LUMINA SS VS MAXIMA)

الله الله بالخير >>> هذي أحلى كلمة في ردودك يا LEGACY

لا لا لا

عيب شباب على اللي تسوونه حتى السوبارو مع اللومينا

توه لسه ماقفلنا موضوع الماكسيما مع الاس اس يطلع واحد ثاني

الله الله بالخير

قفلوا الموضوع احسن مايكثر اللغط بين الأعضاء اذاهذا اللي انتم فالحين فيه

وسلامتكم

قرصان الجحيم
ربما يكون ذالك في السيارات الكبيرة او المتعددة الأستخدامات وليس في الصغيرة .....مثل السوبارو والفلكس واجون والأودي والمازدا6 ((برى طبعا مش هنا)) والسكايلان ....

اعتقد في هذا الموضوع او في مواضيع اخرى سبق و ذكرت


الدفع الرباعي ينفع علشان السرعة و الثبات في المنعطفات

اما من ناحية المطارحة بشكل مستقيم

المركز الاول للدفع الامامي

المركز الثاني للدفع الخلفي

المركز الاخير للدفع الرباعي

قرصان الجحيم .... خيرها في غيرها ان شاء الله اذا رجعت امريكا ..

بس ما ودي بعد انها ترجع امريكا ودي تروح بنجلادش على الأقل يربحون هالمساكين .... ويخلون الأمريكان يضرب اقتصادهم ... ههه ... حلوة ...

LUMINA 4EVER
كلامك عين الصواب الكابريس الأل اس يجي منها نوع 6 سلندر ولكن في الأصل هو 8 سلندر ...
ولكن لو بتشوف مبيعات الـ6 سلندر تفوق مبيعات الـ8 سلندر بالنسبة الى الأل اس ...
وترى يا جماعة انتوا مائملين كثير على الدفع الرباعي المستمر بينما بينه وبين الدفع الخلفي في القومه شي بسيط خصوصا اذا كانت حركة المحرك او دورانه باطية او شوي شوي يعني على خفيف... الدفع الرباعي في السوبارو ليس بالشي الكبير في القومات ولكنه مساعد اساسي لا نستطيع نكران فضله على السيارة....
فانت لو بتلاحظ دورات المحرك لكلا السيارتين والعزم ((شوف الفرق ))

هنا تستطيع ان تقول ان نشاط المحرك هو العامل الأساسي في قومة السوبارو ....
وترى دورات المحرك عموما في الأربعة سلندر بعد الـ180 او الـ160 تجدها منخفظة لأنها خلاص توصل الى نهايتها ...
بالنسبة للكابريس والومنيا ال اس لو يعدون الـ230 ك او 233 ك ... وكان الطريق مفتوح اقولك يطلعون على السوبارو ...

لأن السوبارو الجي اكس ياخذ فترة شوي شوي طويلة حتى يكمل طبلونه ويطبقه .. ((جاي السته سلندر ))

وتفضل يا عزيزي LUMINA 4EVER هذي اوزان السيارتين تكرم عيونك.. بس بالرطل تقدر تحولهم الى الكيلو ....
الكابريس ((ما ادري أي نوع بالظبط)) 3850 رطل.
والسوبارو السيدان وزنه 3100 رطل .

اخوي مزراتي حقيقتا ... انا لم اتكلم ويا واحد من عشاق الومنيا او الكابريس خصوصا الى عندهم اس اس ... فتخيل رده لي كيف؟؟؟
جالسين نستنى واحد من الشباب عنده اس اس 2001 فضي معدل خفيف في البحرين ... باقاوم وياه بزد اكس 300 موديل 91 ((للأسف باعه اخوي)) ...

فلما تقومنا وخلصنا وتقومنا وخلصنا والمرة الثالة بعد وهو كل مرة يفرق عني اذا مو 3 عواميد ونص اقولك اربعة عواميد خصوصا في القومه الأولى ... ((من الي يعرف الطريق الي يجي من البحاري الى الخط ويمر على القديح والخباقة في القطيف هذا هو الشارع
حتى اهل القديح يقلوا ويش فيه راعي الأس اس مصدق حاله كثير.
على العموم وقفنا في الأخير عند التوبي ((المدخل ))
وقلته ويش رايك يالنسيب زبطت السالفة ... تخيل الرد ؟؟؟؟






قصتني ما تقص كورفت ... ((رد واحد معقد بالسيارات الأمريكية ولله الحمد))
فقلت له حبيبي اذا حصلت كورفت اتصل لي جوال ....

يعني احنا في وين وهو في وين ((من اثار الهزيمة ))

بالنسبة لقضية الـ8 سلندر والأس اس انا قلت لك حبيبي لو عندي السيارة الي مكتوب اسمها تحت ...
LEGACY B4
او اختها الستين واجون.
LEGACY GT-B
اه يا قلبي لو يجون عندي .. ويصيرونفي كراجي...
وهما ربعة سلندرات ... فاقولك الطريق ابيض ياخوي وتعال قاوم ... والخط مفتوح كمان لأن السيارتين ذي تمشي 270 ك/س بالراحة وهم اربعة سلندرات وتفح طبلونها على 290 ك /س....

يا حرام وين الثمانية سلندر ما طبق الا 240 ك وبكلمة ((شق الأنفس ))

كل سيارة ولها قوتها وسمعت مكينتها ..... تحياتي لك
ولو حبيت تناقشني بالموضوع تفضل انا موجود ان شاء الله ياحبيبي وفي انتظار ردك ...


واسف اسف اسف يا جماعة على الأطالة و تحياتي لكم .

ليجاسي كسرت خاطرك
حبيبي احب اقولك وربي انت الي كسرت خاطري حبيبي رح تقاوم مع كابريس 8 سلندر
مو تقارن بـ6 سلندر ومسوي فيها كسرت خاطرك والله انت الي كسرت خاطري تتحدى على 6 سلندر وربي الـ8 سلندر يشق السوبارو شق والاس اس يقطعها نصيين

ياشباب اسف على التعصب الزايد بس وش نسوي بعض البشر يحدونك على كذا

شباب

اكبر غلطه ان الكابرس صار منها نوع 6 سلندر بعضكم فهم من هالكلام ان الكابرس ال اس 6 سلندر لا بس هالنوع انت تطلبه ولا الاصل بالكابرس 8سلندر

الكابرس تقيل وماتصير قوته الا في 8 سلندر اما 6 حقت سواقين ولا شركات عشان صرف البزين..

السوبارو سر قوتها كله في انها دفع رباعي مستمر بس وهذا اللي يخليه تكوون قوويه ومتماسكه في القومه

مثلا انا شفت قومه بين سوبر ولاندكروزر مجرد قومه اقريبا 30 متر كان السوبر دايما هو اللي يقوم وفجئه عادو القومه يمكن المره الثالثه ونقز الاند الكفرات اللي قدام تفر واللي ورا وراح اللند كروزر

يعني الزبده كل سالفه السوبارو انها قويه في القومه بس انا شايف قومه بين لومينا ال اس وسوبارو جديد والله فز السوبارو اليين 100 تقريبا بعدين اللومينا جابه وتعدااه ولا عاد قرب السوبارو اليين ماطبق اللومينا ولا جابه السوبارو بعد...

اللي ذكر مواصفات اللسوبارو والكابرس اتمنى انه يذكر اوزانهم وبتشوفون الفرق الشاسع.....‍!!

انا اقول لك كلامك صحيح و معقول

و الله الكابرس طاحت من عيني بعد ما استلمتها استراليا

عزيزي مزراتي لا سويت سيارتي فيراري ولا لمبرجيني ولا دتسن ولا هايلكس ...


واسف اسف يا رعاة الأل اس .... طبعا مش على اني قلت السوبارو يطلع ....


بالفعل السوبارو يطلع ولكن اسفي على انخداعي بالمعلومات ايظا .....




تدرون كم طلعت قوة الكابريس ال اس ...... 204 حصان .....


طيب وحصان زيادة على حساب مزراتي وقرصان الجحيم 205 حصان
ولو تلاحظون ويش مكتوب 215 حصان طلع الصافي 204 احصنة +1 لعيون الجماعة = 205 ....


وللأسف طبعا كتبت انا سابقا....
العزم 304 ن م/3600 دد
حق الكابريس طلع ... ويش تتوقعون فرق كبير جدا ....
224 ن م / 3600 دد ... يالأاسف والله رحتوا ونسيتونا .....
والسوبارو 223 ن م .... اظافة الى الوزن الي هو الى صالح السوبارو واظافة الى اشياء كثيرة لصالح السوبارو عدا القوة بالحصان ((حتى العزم الي حق الكابريس اقوى بنيوتن واحد بس))


على حسابكم بس غلطت وكتبت 215 حصان ... وعلى حسابكم بس كتبت 304 ن م ....


والا فالسيارة الله بالخير...

عزيزي مزراتي
تصدق كسرت خاطري انت تدافع عن سيارة الكلام عنها وفي عيوبها زايد ...

LEGACY ياويلي على الاحساس بالنقص اكيييد عندك ليجاسي وحاطها بعيونك انها الاقوى وانها فيراري F50 حبيبي تناقز من وراء وش يعرفك بالانسيابيه وش يعرفك بالهايدرولك اقوووووووووووووول لاتخلينا انت وسيارتك بعدين ياحبيبي تطير الكابريس من حقها اصلا انها تطير

بالمناسبة يا قرصان الجحيم تقدر تفكك مكينة كابريس وتشوف هل هي 12 صمام والله لا؟؟؟؟ وهي هي 6 سلندر والله كلام ثاني ؟؟؟

واقراء عيوب الجير الي حقها بس ((تكفيك))
احطه على الـD او الـR ما اشوفها الا تنقز من وراء شدعوه (بتطير) ويش هالجيور ؟؟؟

والشي الثاني كفاية صوتها لما تحط رجلك على البنزين صوت بدون شي... مزعجة ..


وتحياتي لك..

يا اخ قرصان الجحيم
هذي الموصفات مش انا اقولها ولا المصنع قولها .. الي جربوها والي ساقوها والي قاوموا بها يقولوها ...

واجوتبك على سؤالك بشكل عام ....

كل سيارة تاخذ المية كيلو اقل من 8 ثواني مع الجير العادي.
وفي الخط كل سيارة تروح بعد 233 مع الجير العادي للجاسي...


وتحياتي لك..