Infiniti Q70 Vs Audi A6 Vs Lexus Gs

نصيحتي جرب بنفسك كل واحدة من هذي السيارات
إما تجربة قيادة عند الوكالة أو من مكتب تأجير
تأكد راح تتغير قناعتك عند قيادة كل سيارة، وراح تعرف بنفسك السيارة المناسبة لك

مع اني من محبي انفينيتي
بس انصحك لا تاخذها
لأن الوكيل جديد وانتشاره سيء جدًا !
...
بالاضافة الى السيارة شكلها مستهلك لها 5 سنوات تقريبًا !
والمتوقع تغير قريبًا !
..
الاودي
وكيلها واللي اسمعه من ماليكها لا يقل سوءًا عن الغسان
..
في خيارات ثانية في نفس الفئة لو تفكر فيها
..
اللكزس سيارة الشعب المرفه ولا راح تكون مميز مرررة

والله كلها سيارات حلوه
مثل ماقترح اخونا رحال كاديلاك CTS خيار حلو و جميل
و الانفنتي و اللكزس كلهم طيبين و اشوفهم مسئلت ذوق بنسبه لك أنت
روح الوكالات و شوف و جرب السيارتين واللي ترتاح لها اكثر توكل على الله

شكل مجمل :wink:

من خياراتك اختار اللكزس + لكزس Ls تحصلها ب ٢٨٠ بالمعارض

http://www.saudisale.com/SS_a_car.aspx?carid=42365

ولو تبي خيارات ثانيه عندك بورش مكان ( لانها قريبه من السيدان حطيتها)
او بناميرا مخزنه مثل الي بالرابط
http://www.saudisale.com/SS_a_car.aspx?carid=44459

الخيار المناسب لك الانفنتي وكيلها سي بمعنى الكلمة ان كنت ستغامر مع الوكيل ستختار الانفنتي

واذا تبغى ترتاح ستاخذ اللكزس

لا أنصحك بالفئة الرابعة, ضيقة بحجم الفئة الثالثة بس بشكل جراند كوبية

إما الفئة السادسة أو الفئة الخامسة أو إنس الـ BMW

ال s6 فوق الميزانية اخوي و بالنسبة للكاديلاك مثل ما قلت ماني من محبين الامريكي و بالنسبة ل E كلاس على كلام موظف في نص 2017 بتجينا ..

شاكر لك تفاعلك يا غالي ..

بالعكس بعد مشورتكم استبعدت الاودي وصرنا على خيارين و جانا 3 BMW الفئة الرابعة و للمعلومية تهمني ارائكم جدا و انا متابع قديم جدا للموقع ولكن بصمت اعشق متابعة اخبار السيارات ولكن ما اتعمق فيها و بخبرتكم تفيدوني ان شاء الله :bigggrin:

اللكزس 2016 ابدا ما عجبني التحديث الجديد 2015 الي في راسي

الانفنتي نعم 8 سلندر Sport Package كامل المواصفات 2016 مع 5 سنين ضمان وصيانة ب 220 الف و اغلب الاراء الاحظ تقول انفنتي و 60% هي الاقرب

الله يكتب الي فيه الخير ..

ايه نعم الانفنتي 8 سلندر كامل المواصفات Sport Package هي الي في راسي 2016

بالنسبة ل لكزس ابدا لم اعجب بالتحديث الجديد لها موديل 2016 و الي في راسي 2015

الله يكتب الي فيه الخير شاكر لك تفاعلك كفيت و وفيت عساك عالقوة ..

تقدر تطلب الي تبغاه و تفصل تفصيل هنا ولكن يبالك جيب كبر شنطة الاودي :smile:

شاكر لك تفاعلك يا غالي والله يكتب الي فيه الخير

الوكيل هو احد اسباب ترددي في الاودي كثر ما اسمع ولكن من ناحية المحرك الي بتقصده ما يوفروه عندنا اتوقع

هي 3 محركات على حسب كلام الموظف :

TFSI 35 يولد 190 حصان 4 سلندر تيربو

35 FSI يولد 220 حصان 6 سلندر

50 TFSI يولد 333 حصان 6 سلندر تيربو

المحرك الي تقصده هو 40 TFSI يولد 252 حصان وهذا اشوفه من عيوب اودي كثرة المحركات و وجع الراس

وبعد كلام الموظف و مشورتكم استبعدت الاودي و جاني خيار اخر من احد الاقارب ب BMW الفئة الرابعة بكرا ان شاء الله نشوفها ..

عساك عالقوة اخوي اشكرك

شاكر لك تفاعلك يا غالي الله يبارك فيك مقدما و امين والله يعطيك العافية ..

اذا كنت تميل للاودي فتجه مباشرة الى S6 سيارة تشبع جميع رغابتك والانفنتي واللكزس خيارات ممتازة وجيدة

ايضا معاك الكاديلاك ctsv سيارة فوق الوصف ولو كنت مكانك الانتظار الى الفئة E كلاس افضل فهي ستكون القنبلة

شكل الحيرة زادت عند صاحب الموضوع :)

اخوي الكريم الاودي هو اكثر القطع غلاً ولا تنسى ان هناك شكل جديد قادم وبرضه كل مازدت في مواصفاته ارتفعت قيميتها بالالاف ...

اللكزس هناك شكل جديد في 2016 ماادري ان كنت اطلعت عليه واذا مااعجبك 2016 فخذ لكزس 2015

الانفينتي بصراحة هو يعتمد على الوكيل وانا قد قريت ان الغسان مسوي عرض على الصيانة المجانية وروح وتاكد بنفسك اذا كان نعم فاراح ارشح لك الانفنتي واذا كان لا فاراشح لك اللكزس

يا غالي حسب ، الانفنيتي الأفضل إذا كانت 8 سلندر فقط بالنسبة للسعر

الـGS قادمة بمحرك 8 سلندر و قوة 467 حصان ، لكن سعرها بيكون فوق الـ330 ألف ريال

إذا كنت تفكر بالـ6 سلندر بالتأكيد الـGS الأفضل ، لكن بشرط تاخذ الفل DD أو الـF-SPORT ،، و حاول تكون خليجية - مواصفات أكثر و سعر أفضل -

و السبب أن الفئات الأدنى من الـGS تتوفر بمستوى خامات صناعية طالبها الوكيل خصيصا لسوقنا البائس - هذه الخامامت لا تتوفر بالخارج -

و النتيجة بسبب خامات غير مختبرة راح تواجه مشاكل كبيرة بالعزل - حسب كلام المجربين جدا مزعج -

لكن الفئات اللي ذكرتها تتوفر بالخامات الأصلية ، و بالتالي لا تواجه مثل هذه المشاكل



بالعكس يا غالي ،، الـGS السيارة الوحيدة اللي نجحت بإزاحة الفئة الخامسة من لقب أفضل سيارة بالثبات و متعة القيادة

السبب انها الأخفف وزنا بفئتها + أول سيارة تطبقت عليها أبحاث LFA ،، يعني متعة لايمكن تصورها بهذه الفئة ،، كل اللي كانوا متعودين على لكزس سابقا بسياراتها المملة تفاجؤا من مستوى المتعة الموجود فيها ..

طبعا هذا كان اجماع من مختلف الخبراء ، و منهم موتور تريند رغم انحيازهم للأمريكي عادة ، لكن يقولون مستوى المتعة فيها أكبر من أن يتم تجاهله

http://www.assayyarat.com/forums/post2795230-4.html

الأودي الأفخم بشرط تكون طلبية خاصة حق تختار المواصفات و الشكل اللي تبيه و الماكينة تكون 333 حصان ، لأن الوكيل للأسف يجيبهم أقل ستاندرد للأسف لسيارة حتى الرؤية الليلية تقدر تركب فيها :

http://configurator.audi-me.com/controller?next=carline-page&mandant=accx-me-du


الخيار الثاني اللكزس GS


موفق إن شاء الله

هذا المحرك اكيد انه قديم ولا مشى معه ويبي يمشيه عليك ولا مايصير في ثلاث محركات بس الحاليين على a6
1.8 تيربو 190 حصان دفع امامي
2.0 تيربو 252 حصان دفع رباعي
3.0 تيربو 333 حصان كفع رباعي
عموما انا اشوف كل الوكلاء نصابين لو لي رغبة فعلا ما بشتري من اي وكيل ما عدا وكيل مازدا هو الي يستحق يمسك كل الوكالات عن نفسي بجيب السيارة من بره وانبسط لكن ما اتوقع انك تبي وجع الرأس فقولك خذ لكزس خليجي هو الخليجي
وبالتوفيق