محتار بين ماكسيما 2016 و كيا كادينزا 2017

الرجال شكله قد شرى وباع هههههههه

بعطيكم خلفيه بسيطه عن الكوري
وخصوصا الكادينزا

من موديل 2011 الين موديل 2017 للاسف المكيف فيها يحتر في عز القايله .. بالعربي من الساعه 11 الظهر الين الساعه 3 العصر لاتحتري منه خير

السبب ..
ان الكادينزا من نزلت من موديل 2011 الين موديل 2017
مروحه فقط وحده .. وهذا اكبر خطاء ارتكبه الكوريين بحق هالسياره .. ولا السياره انا مجربها واشتريت كادينزا موديل 2011 وكاله .. وتعبني مكيفها كثير
لدرجه انه مرتين غيرت مروحتها ع الضمان في فصل الصيف .. لانها ماتتحمل للاسف .. ماتدري هل هي تلحق تبرد على المكينه ولا على المكيف .. سيئه بالمره
في الليل المكيف يبرد معك .. يعني اذا عندك مشوار بالصباح وبتتاخر لين الظهر شفلك حل غير موعدك ولا شفلك طريقه ثانيه استاجر سياره

لو حطوها مروحتين مثل نيسان وتويوتا .. كان السياره ميه بالميه .. بس العقل الكوري مادري كيف يفكر .. اهم شي يلهط دراهم ويمشي ..

اخر موديل نزل 2017 كنت ناوي اجدد السياره الي معي لانها جميله السياره رغم عيوبها في جودتها .. الكوالتي تعبان فيها .. الى اني حبيت السياره لان مواصفات السلامه فيها مرره ممتازه .. اول مانزلت السياره رحت اشوفها في الوكاله وفتحت الكبوت على طول قلت يمكن على كثر الخرابات الي جاتهم والشكاوي حطوها مروحتين .. الى اني اكتشفت كاني اشوف مكينة سيارتي .. بالضبط موديل 2011 .. مافيه اي شي تغير ماعدى الشكل الخارجي .. بعدها سحبت على الكادينزا والكوري بشكل عام ..

قلت بروح لتويوتا لقيت اسعارهم كاني بشتري لي مرسيدس وسحبت عليهم .. واتجهت للامريكي اعجبتني الامبالا . صحيح انها مروحه وحده في التبريد بس افضل طبعا من الكوري كا جوده وقوه .. بس ماالله كتب اشتريها .. اتجهت لنيسان .. ورحت اشوف الماكسيما وفتحت الكبوت لقيت مروحتين .. قلت بس هذا هو الشغل الصح .. وهذا هو الكلام الي يناسب اجوائنا الحاره في السعوديه .. ونيسان معروفه بالحراره .. دايم الحراره على الربع ترتاح نفسيا وصوت مراوحها اذا اشتغلت ماشاء الله جباره .. ف توكلت على الله وشريت نيسان ماكسيما 2017 فل كامل

تحياتي للجميع

بشر
شريت شي ؟

الماكسيما افضل بسنين ضوئيه وش جاب لجاب

وابعد عن الكوري مشاكل واعتماديه صفر غير كذا شبهه

امس شايف كادي يلد :bigggrin:

فاك الصدام الي ورا وحاط السناب حقه واللزقات ماشالها

غير كذا تخيل فاك جنوطها ومركب عليها جنوط هلل سودا وماشي باليد النهاري في الليل وغير

الفوطه الخورافيه الملونه حقتهم :bigggrin:

الله لا يبلانا يارجال ابد عن السيارات الي كذا بكره تنشب في تفتيش

الكادي اجمل وافضل مواصفات

وكلها بتخدمك حسب استخدامك

الماكسيما .. طال عمرك

دون أدنى تردد

بأعتقادي أن المكسيما بتكون أفضل أستخدام على المدى الطويل حتى وضع نيسان أفضل في عدم الأعتماد على الوكيل من ناحية قطع الغيار والصيانة :c0214:

أرشح لك المكسيما أكثر

ولا تنسى تجربة السيارتين والاستخارة

السيارتين من أجمل السيارات في فئتها

العيسى وبترومين جديدين على نيسان السعودية وما بانت أمورهم، ولكن بما أن فيه وكيلين فهذا يعني المنافسة

الجبر سيء جدًا قد ما تتصور بالرغم من روعة سيارات كيا إلا أنه ظلمهم بسوء التسويق وخدمات ما بعد البيع

وعلى قولة الشباب ميولك يحدد اختيارك، هل أنت انسان تحب الهدوء والبرستيج أو النَفَس الرياضي

وبخصوص صرفية البنزين للكادينزا شوف محرك GDI وليس MPI


بالتوفيق لك مقدمًا

ما الومك لمن تحتار كل وحده احلى من الثانيه انصحك تصلي استخاره و ربي يوفقك

كنت ابحث عن تصنيف استهلاك الوقود للسيارتين وردك افادني جدا، و فعلا، سمعت الكثير من الشكاوي عن الوكيل، شكرا لك.

+1

السيارتين عينين في رأس وطبيعي تحتار بينهم

الكادينزا يغلب عليها طابع الشكل الرسمي والماكسيما طابع رياضي

بخصوص الوكلاء كل واحد مستواه ماهو بذاك المستوى لكن وكيل كيا

الشكاوي عليه كثير وكثير من يقول هو سبب قتل العلامه عندنا في المملكه

الماكسيما البعض مايتجه لها بسبب القير CVT وإذا ماعندك إشكاليه معه وقيادتك

هاديه فهو مناسب لك جدا وهو السبب في قلة أستهلاك الوقود بالماكسيما .

الماكسيما بتصنيف جيد لأستهلاك الوقود

والكادينزا سيء جدا .

بالضبط اخي كلامك صحيح، استهلاك البنزين يعتمد على استعمالك و مشاويرك.

جزاك الله خيرا على ردك الوافي اخي، شكرا لك.

الماكسيما نادر تشوفها لأن الناس متخوفين من وكيلها وتوفر قطع الغيار ، الحين عندك وكيلين تختار اللي تبغى .

وبالنسبة للكادينزا أتوقع طبيعي تصرف لأنها 6 سلندر ولا تتخيل إنها الوحيدة اللي تصرف ، واستهلاك البنزين إجمالاً ما يحكمها غير رجلك ، سيارتي 4 سلندر ويوم أشد عليها في المشاوير تمشيني حول 450 كيلو ، لكن إذا سواقتي رايقة وخفيفة تمشيني 650 كيلو بالراحة وفي حالات نادره توصل 700 كيلو لاحظ الفرق تقريباً آكثر من 200 كيلو .

اخواني bo 3low،سكايبر وLOAIII. مشكورين و جزاكم الله خير على ردودكم افادتني جدا.

بالنسبة للماكسما انا متردد لان نادر ما اشوفها و للكادينزا سمعت انها تشرب بانزين و هذا سبب ترددي.

شكرا لكم

اثنين حلوين وانتقائك موفق بإذن الله ، ومن وجهة نظري إن الاثنين متساوين في العملانية والأمان ومستوى الجودة والمميزات والفرق بينهم :

1- ماكسيما : تجهيزها رياضي ولمحبين الإثارة والمتعة في القيادة .
2- كادينزا : تجهيزها يميل للهدوء والأناقة والرفاهية .

ميولك يحدد اختيارك والله يطرح البركة في مشتراك ..

كلهن مافيهن عيوب بس اللهم طيحة السعر وعدم توفر القطع بس ولا كل ماطلبته موجود فيهن