السلام عليكم كيفكم ياشباب
أرجو منكم إفادتي بخبرتكم في أعطال السيارات
انا عندي كابريس 2008 v6 بالبداية كانت المشكلة لما تكون السيارة باردة يكون فيه نتعه قويه او دقه قويه في التعشيق خصوصاً من الأول للثاني وكان تجي هزة او رعشه او رجه في السيارة عند الترس الرابع او الخامس مابين سرعة 80 إلى 100 إلى 130 تقريباً حسب الدعسة
أنا ما اهتميت فيها طبعاً لاني قريت في موضوع هنا إنه حساس او حاجه زي كذا
المهم الان من اسبوع تقريباً الرجه اللي كانت تجي مابين سرعة 80 وانت رايح تحولت بدال الرجه صار يطلع لي صوت قوي مثل اللي يطلع وانت كأنك ماشي ع بطناج او كأنك ماشي ع مطبات التهديه الصغيره
طبعاً أنا صرت اتحكم في هالصوت ع حسب الدعسه اذا كنت مابيه يطلع ادعس لين تصل السرعه 140 وبعد كذا ارخي الدعسه واثبتها ع 120 بكذا مايطلع لي الصوت لانه الظاهر يطلع في الترس الخامس بمكان محدد
اما اذا كنت ماشي في تسارع بطي يطلع لي الصوت ع 80 او 100 بعد ماتعشق السياره للترس الاخير
وقبل يومين طلعت لي مشكله بالاول كانت نتعه في التعشيق من اول للثاني والسياره بارده ولو سخنت السياره تروح النتعه
اليوم صار مع النتعه فيه صوت دقه واضح مره يوم تعشق
ياليت اللي عنده خبره او فكره يفيدني هو الخلل قير او حساس او زيت مع العلم اني مغير الزيت والفلتر قبل 6 شهور بس مادري ليش احس ان اللي في الورشه حرامي ويمكن ماغيره يراودني هالشك من يومها
المهم وش تنصحوني فيه اغير زيت وفلتر والا ايش العله ياليت تفيدوني
