الموقع اللي ارسلته عنوانه "اقل 10 سيارات اعتمادية" لما قريت مقالهم عن التاهو واليوكن, هو عبارة عن وصف بشكل عام, ويمدح الشاشة اللمس, والنقد اللي مكتوب هو ان 1- الكاتب يحس ان المحرك ما يستجيب بسرعة كافية 2- وان القيادة فيها صلبه مع ان فيها تقنية "تحكم القيادة المغناطيسي" اللي يحسن الراحة ويسيطر على الاستجابة والقدرة.
للأمانه مو كاتبين انها كثيرة مشاكل. حتى النقد الموجودة في المقال, كثير ناس قالوا عكسه.
بس صحيح ممكن تكون قطع غيارها غالية او غير متوفرة والله اعلم.
شرايك في اللي يقول ان البرادو مصممة للبر اكثر من المدينة؟ وانا اغلب استخدامي للمدينة
وشرايك في اللي يقول ان مازدا ما تقدر تدخل البر؟ وانا ابي ادخل فيها البر بين فتره لفترة
يبدو لم تقرأ هذه النقطة
Trouble spots Steering vibrations, power equipment, in-car electronics
وطبيعي الامريكي مشهور بمشاكل الكهرباء والاكترونية
بأمكانك تشوف الاستدعاءات من 2015 إلى 2016
بخصوص سالفة البرادو مصمم أكثر للطرق الوعرة والمازدا ماتقدر تدخل به البر فهذا الكلام صحيح!
للمعلومية تخصيص البرادو أو مصمم أكثر للبر هذا لا يعني أطلاقا أنه مايصلح للمدينة حتى وأن كان أغلب أستخدامك مدينة
فيه فرق شاسع بين برادو وفرق بين هايلكس وفرق بين الشاص في الاستخدام بالمدينة رغم أنهم كلهم سيارات مخصصة للطرق الوعرة من الدرجة الاولى
انا معي باترول ولي فترة ما ادخل به البر زي أول! لانشغالي بالاغلب
البرادو تراه مريح جدا في المدينة وجربه بنفسك
لو كنت مكانك وراح مثلا بطلع البر فقط الشتاء ولو بس معدل طلعاتي مايتجاوز 10 مرات بالسنة لكن أطلع اماكن أحتاج فيها دبل والله ما ابعد عن البرادو ولا افكر اطلاقا بكروس أوفر!
قد جربت كروس أوفر بصراحة ما ارتحت له في شوارعنا المكسرة الي تقول تضاريس بر صايره محسوسة جدا بسبب هيكل السيارة في سيارات الكروس أوفر Unibody تخلي الاهتزازات محسوسة جدا لمقصورة الركاب وساعات تقلل مستوى الراحة تصير اقسى من سيارات SUV ذات هيكل Body on Frame
وش ابغى بسيارة كروس أوفر مخصصة فقط للشوارع وأن دخلت البر لازم ما امشي إلا في ردمية بسبب أن الموتر قدراته في الطرق الوعرة صفر!
الدفع الرباعي في جيب مازدا للأسف لايوجد أي قدرات تعزيزية للطرق الوعرة! لا دبل ثقيل ولا دفلوك ولا قفل وسطي ولا تراكشن كنترول مخصص للطرق الوعرة الموجود في البرادو والاف جي كروزر الي يسمى بـ A-TRAC (حقيقة لا ادري هل مازال موجود في البرادو او لا)
وقد ترى مستوى تماسك السيارة في الطرق المعبدة للبرادو أعلى قليلاً من المازدا بسبب ان نظام الدفع الرباعي في البرادو يعتبر Full time 4WD بينما في المازدا CX-9 يعتبر Automatic AWD اي بالاغلب يعمل عند الحاجة فقط وليس طوال الوقت
ما العيب في شراء سيارة SUV وأنت مو راعي بر؟
فيه ناس يشترون الباترول الجديد واللاندكروزر ومايعرفون وشو الدفلوك ووشو القفل الوسطي ووش نظام الدفع في السيارة ولا اي شيء وازيدك من الشعر بيت مايطلع البر إلا نادر جدا (وهم العينة أذا طلعو البر غرزو ولا عرفو يطلعون الموتر) وكنت أشره على هذه العينة لشراء سيارة مخصصة للطرق الوعرة بدلا من شراء يوكون أو تاهو أو اكسبدشن, لكن سألت بعضهم أكتشفت أنه شتراه لعدم ثقته بالمنتجات الامريكية (البعض جرب والبعض لا) فبصراحة لم أعد الومهم فكل واحد ينام على الجنب الي يريحه ولو مستقبلا ماراح اطلع إلا نادر للبر وأبي سيارة من فئة Full size SUV فلن أبتعد عن الباترول! لثقتي به بعد تجربتي الشخصية للجموس لفترة طويلة جدا ومعاناة مقرفه معه.
لذلك اخي الكريم عبدالله
في حالتك وأنت تبي تدخل البر بين فترة وفترة لا تبعد ابدا على البرادو
الرساوة والثبات والاستخدام في المدينة ليس محصور ابدا على سيارات الكروس أوفر, هي مجرد لديها بعض الافضلية في الاستخدام المدني فقط
افضلية الكروس أوفر المازدا CX-9 عن البرادو:
1- مركز الثقل منخفض معناه امان اكثر في السرعات العالية ونسبة أنقلاب اقل.
2- أنسيابية أفضل واقتصاد وقود أفضل بفضل تقنية المحرك المخصصة للمدينة.
3- في الحدوادث القوية قد يكون Unibody اكثر امان للركاب من Body on Frame لكن الحوادث القوية جدا والمريعة لا تعرف هيكل Unibody ولا هيكل Body on Frame فالافضل التقيد بالسرعة القانونية.
أفضلية SUV برادو عن مازدا CX-9:
1- محرك مخصص للجر وللطرق الوعرة حيث عزم عالي على عدد دورات منخفضة.
2- نظام دفع رباعي مخصص لتجاوزات الطرق الوعرة وخلوص ارضي يلبي احتياجات الطرق الوعرة.
3- نظام التعليق يتحمل الطرق المكسرة وقد يكون أكثر راحة وأقل اهتزاز في الطرق المعبدة الغير مستوية.
4- اذا كانت تنكيين بتعطيك مسافة أكثر في التعبية الواحدة ولا تنسى ترى البرادو الاستبنة فيه نفس جنط السيارة ومعظم سيارات الكروس أوفر الاستبنة حقتها ليست نفس جنط السيارة فراح تبتلش بلشة غير طبيعية لو صار للكفر شيء وأنت في مكان منقطع مثل طريق سفر ماراح تحصل نفس نوعية الكفر لموترك!!! صارت لواحد من اخوياي معه فورد أيدج, الاستبنة من هذا النوع ماتمشي عليها أكثر من 80 كيلومتر/ساعة ومحدود لك مسافة معينة! والسيارة ماراح تكون متساوية بسبب ان الاستبنة في سيارات الكروس اوفر يكون أرفع لكن الكفر نحيف جدا (ماعندهم المساحة الكافية لتخزين نفس جنط الوكالة بأطار نفس المقاس تماما!).
جرب السيارتين وشوف وش الفرق بينهم بنفسك ولا تنسى الاستخارة
ونصيحتي لك بالبرادو حق البازعي تحديداً علشان مسألة الضمان أو خليجي حيث المواصفات الافضل والتنكيين.
المازدا ماراح ينفعك ابدا اذا ناوي تدخل البر, قريت سالفة عن وفاة شخص طلع البر بمازدا CX-9 وغرز ولا قد يطلع نفسه وكان مقطوع هو وصاحبه فماتو من الجوع والعطش ولا حصلوهم أخوياه او الدفاع المدني إلا بعد فوات الاوان! ضروري تختار سيارة مخصصة للطرق الي تحتاج لها حتى ولو ماراح تستخدمها إلا قليل أهم شيء انها موجودة وقت الحاجة.
