أنصح بعدم شراء اليوكن الدينالي 2015 الجديدة فيها عيوب كثيرة عن تجربة شخصية. وسيارتي من الدفعة الثانية
الدينالي الجديدة فيها عيوب الجير والتكييف ضايع في العيد، المشكلة خبرت الوكالة بعيب الجير ولكن من دون جدوى حرام دافع ريال عماني 29300 والسيارة فيها كل هالعيوب. ..خدمتهم فاشله يبقون السيارة 2 إلى 5 أيام وبعد كل هالايام تشل السيارة وتكتشف إنه لم يتم تصليح العيب يعني حرام السيارة ماشيه فقط 50 ألف. والغم معرف وش فائدة الضمان كان عندي مشكلة ف البريك قالوا لي تدفع 26 ريال عماني للتصليح.
وأتمنى الرسالة توصل لأولاد موسى عبدالرحمن، حرام شاري سيارة جديدة علشان أرتاح من صدعة الصناعية.
10 أيام في العيد ما سقت السيارة من المسؤول عن هذا؟؟
* من 3 أيام ظهرت مشكلة أخرى ف السيارة بتاريخ 9/8/2017. السيارة تنتفض ع السرعه /80/120/100. والله مذلة؟ بشلها مره الوكالة فقط سقتها 2000 كم
* السيارة شليتها الوكالة بتاريخ 2017/9/3 وطلعت المشلكة في converter ولين الحين حصلت 4 أشخاص يعانون هالمشكة في سياراتهم غالي جدا ب 460 ريال عماني قبل التخفيض على ممشى 50 ألف كم
*وضاع علي السفايف الأمامية والبطارية بعد ممشى 60 ألف كم السفايف ب 40 ريال عماني والتغيير في الوكالة 40 ريال عماني والبطارية ب 90 ر.ع
* وضاع علي فلتر البترول بعد ممشى 70 ألف Fuel injector سعره ب 100 ريال عماني
*وتم تغيير السفايف الخلفية ب 31 ر.ع خارج الوكالة و التغير ب 7 ر.ع
الأعطال اللي صادفتها إلى الحين:
1. تعطل نظام تشغيل عن بعد وتثبيت السرعة وظهور ليت المكينة والسبب عطل في السنسر بتاريخ 6/6/2016 كم 30192 مرتين الى 3 مرات وتم التغيير. 4 أيام السيارة في الوكالة
2. صوت في نظام البريك بشكل خفيف بتاريخ 30/4/2017 كم 50031 وتم التصليح 4 أيام
3. تعطل المكيف والسبب الكمبريسر بتاريخ 11/8/2017 كم 52516 وتم التغيير 6 أيام (بعد معاناه لين ما اكتشفوا العيب)
4- السيارة تهتز/تنتفض ع سرعة 80/10/120 كم والسبب قطعة بين المكينة والجير يسمى (converter) بتاريخ 12/9/2017 كم 55177 وتم التغير خلال 17 يوم (ع كلامهم إن زيت الجير ما يتغير أبدا علشان كذية تأخرنا) بصراحه اللي أعرفه إن كل زيت له عمر أفتراضي. ولكن بحثت في الموضوع كثير وتواصلت مع شركة ليكوي مولي الألمانية الزيت إللي معهم ATF TOP TEC 1800 أو ATF TOP TEC 1800 R يتغير كل 157 ألف (كم km) وأنا أنصح بتغيره كل 150 ألف.
5. عطل في السنسر بتاريخ 12/12/2017 كم 56721 كم مره ثانية
6. ظهر عطل السنسر مرة أخرى بعد 60 ألف. السيارة فيها عيب كبير. الخبر المفرح إن وقسم جي إم سي الشرق الأوسط شافوا تعليقي عن عيوب الدينالي في إعلان حالهم في الإنستجرام وتواصلو معي وعملوا طلب شكوى ورسلوها للوكالة. بكره بشل السيارة الوكالة الممشى 70 ألف.
7. بخصوص الإنجكترات قالوا لي عندك 4 إنجكترات ضايعات ما يعملن بشكل سليم. يحتاج لهن إستبدال قلت نظفوهن قالوا نظفناهن ولكن ما نفع.... هذا كلامهم "كله كذب في كذب" قالوا بيكلفك تغيرهن 250 ر.ع. ثم تظفتهن الإنجكترات برع بجهاز GDI بصراحة إبداع التنظيف وراحن كل العيوب حاليا صار لي اسبوعيين مرتاح البال والسيارة عال العال. ( نصحية قبل عمل تنظيف الإنجكترات عن طريق جهاز GDI إعمل منتجات/منظفات التنظيف عن طريق خزان الوقود من أي شركة أنا أفضل شركة ليكوي مولي الألمانية أو شركة BG) وبتشكروني بإذن الله...
صور عداد السيارة لمختلف التواريخ طبعا.
المشكلة ظهرت على 20 ألف كم وأخبرتهم بهذا على سرفيس 30 ألف كم
470608058.png" alt="" loading="lazy" class="post-attachment">
ظهر السنسر بعد سرفيس 60 ألف ع طول
ظهر العيب (ظهور ليت المكينه، check engine) مرة أخرى بعد إخراج السيارة من الوكالة على الممشى ظ§ظ، الف
وهذه تكاليف بعض القطع علشان إللي يريد يشتري السيارة يحط في باله القطع في الوكالة غالية جدا.
والوكالة لا تستطيع تصليح بعض العيوب والأعطال للعلم...
هذا آخر تقرير لي تنبيه للجميع الوكالة لا تستطيع تصليح بعض العيوب والأعطال لذلك إجعل اختيارك سيارة ثانية
شوف أيضا هذا التقرير لاخونا السعودي المشرف على جروب التاهو واليوكن أبوجهاد
https://youtu.be/qaqqofwIEB8
وممكن متابعت حسابي في الإنستجرام لشروحات وتوضيحات وفيديوهات أكثر
Liqui_Moly_King
والله ولي التوفيق
