السلام عليكم ورحمة الله وبركاته
شباب لاحظوا ان هدا المنتدى صار فيه عدد كبير من الاعضاء وصار كل موضوع لازم يصير فيه خلاف ما اله داعي عشان ويش عشان حديد و كل واحد متعصب الى نوع السيارة الي عنده و صراحة انا اشوف ان الخلافات في هدا المنتدى كثرت وصارت ما تخلص الا اذا قام احد المشرفين بحذف الموضوع:D وخاصة حزب اللومينا الي انا منهم ;) شباب خلاص لا احد يتكلم بشي على سيارة الثاني|5| و خصوصا اللومينا لان والله المنتدى الاحظ ان كثيرر من المنتديات يتكلموا على منتدى السيارات ويقولوا هدا منتدى لومينا مو منتدى سيارات امريكية. اذا عندك سؤال عن اللومينا اسال بس لا تحط موضوع اللومينا فيها وفيها حطوا مواضيع الواحد يستفيد منها و سوالف القومات انسوها خلاص ما في سيارة الا في سيارة اقوى منها يعني ما يحتاج كل واحد يجي انا سيارتي وسيارتي .المفروض كل الاعضاء يتناقشوا في مواضيع مهمة مثلا يجي واحد يحط موضوع عن هوندا تحصل اثنين يتحدوا بعض بمكسيما و لومينا وش جابهم الى الموضوع لا ووصلنا بعد في موضوع الي يقول اللومينا فيها مشاكل دخلوا الشباب في السياسة و مقاطعة و ما مقاطعة .يعني لو المشرفين بيركزوا على حذف كل موضوع يصير فيه خلاف( طبعا في اختلاف في وجهان النظر هدا عادي )انا اتوقع ما بيضل و لا موضوع في المنتدى
و نهاية هدا الكلام
1-شباب خلاص ما نبي خلافات في المنتدى و لا احد يزعل الثاني
2-اذا احد حط موضوع اتمنى ان يكون النقاش في الموضوع نفسه
3-اي احد عنده كلام ان في سيارة فيها عيب لو خلل في منتدى ثاني بتشوفه في قائمة المنتدى هدا
4-اتمنى ان المواضيع تتغير طريقتها يعني ما نبي مواضيع اتحدى و قومات و من هالكلام
5-اتوقع ان كثرت المواضيع بخصوص الخلافات بس للاسف ما احد يطبق اتمنى ان كل الاعضاء يغيروا اسلوبهم مع احترامي الى كل اعضاء منتدى السيارات
مع تحياتي
حمودي راعي الاس اس|3|
