السلام عليكم ورحمة الله وبركاته
أنا يا أيها الأعزاء بطلع اللي بقلبي
كنت طالع من النادي وصادفت واحد من الأصدقاء بالشارع.
طلب مني أوصله لبيتهم
وكان بيتهم في منطقة سكنية حديثة بالتحديد في غرب مشرف بالكويت
وصلته ورحت أنا بطريقي أحاول أطلع من هالمنطقة اللي مافيها لوحات أرشادية أو أضواء على الشارع.
طبعا كان الوقت ليل وكانت الرؤية صعبة علي حتى وأنا فاتح الضوء العالي
كانت سرعتي 80 كلم وأنا كنت لاهي أدور على مخرج من هالمنطقة اللي أول مرة أدخلها.
وفجأة!!!!!
تفاجأت بطفل يركض لاحق له (عزكم الله) كلب
أنا من الخوف دست بنزين ورحت يمين بعيد عن الطفل ودخلت في الدوار اللي كان جدامي وما انتبهت له
انقلبت فيني السيارة وودخلت بحديقة منزل
الحمدالله أن الولد اللي كان يركض بلغ ابوه وابوه بلغ الاسعاف
والحمدلله ان ماصار لي شي خطير
على فكرة كانت سيارتي كامري|3|
هذا الموقف اللي صارلي واذا في أي عضو يحب يشارك حياه الله
والله يبعد عنكم شر الحوادث قولوا امين;)
