ايهم اقوى جيب النيسان الربع او التايوتا الربع؟؟؟؟؟؟؟؟؟؟

الافخم والافضل النيسان
هذا رايي
سلملم

ربع النيسان الجديد 2004 بخاخات .. |1|
والحمراني مسوي عليه عروض رائعة |1|


أخوي ليمتد ،
وش دخل الهمر بالموضوع :D

النيسان

تبي نصيحتي خذلك نيسان احسنلك وقول ستاندر اللي نصحني
ماعليك من التويوتا اقوى بقوة المكينه او الارقام هذي اللي يحطونها ربعنا احنا مجربين النياسين وصراحه محد قدها لا قومه ولا خط وحتى بالتطعيس بعد واذا شريت لك النيسان الجديد الربع بيطلع بخااااخ بس اااااااااااااخ ليته 4800 بس انه مايجي الا حق بابين ولو انه على الربع كان طار وهذي قصيده خذتها من اخواننا من منتدى دار الزين تقول شكى النيسان من تصاريف الاقدار ... يـقــول سـواقــي جلـبـلـي مــضــرة

عامين ساكت لـه علـى المـرّ صبـار.... فـي كـل ديـره لــي عـلامـه وجــرّه

محسـبـك يـاسـواق بالـحـيـل جـبــار.... رقيتـبـي فــي كـــل حـــزمٍ وحـــره

وخاطرت في مشيك على سكة القار ... ماتسـلـم الـجـرة تـــرى كـــل مـــره

قلـت انـت يافنـان مـن صـنـع كـفـار ... مصنعـك فـي اليابـان نـعـرف مـقـره

ماغـيـر لاتكـثـر سوالـيـف واعــذار ... تــرى الشـكـاوي مـاوراهـا مـســرّه

قال انت في ظهـري وبيديـك منظـار ... جالس علـى مخمـل وصوتـك تجـرّه

وانـا احتـرق ياسـيـدي نـارفـي نــار ... مكيـنـتـي فـــي خـدمـتـك مـسـتـمـرة

قلـت انـت يالنيسـان عثـره ومخسـار ... خـزانـكـم صـبــح وعـشـيــا نــغــرّه

عسانـي اتـوفـق بقـرنـاس الاحــرار .. واشري سواكـم كرز لجـل المكـرّة

وابيعكـم فـي السـوق باقـل الاسعـار ... يمـكـن مــع غـيـري تـلاقــي مـبــرّه

واشري سوزوكي كل شغله بمقـدار ... مــايـــصـــرف الــبــنــزيــن لله درّه

قـال انـت يبـن آدم مـخـادع وغــدار ...مضيـع المعـروف وهـرجـك مـغـرّه

ان بعتني تنـدم علـى خـس الاشـوار ... و تـذكـر زمــان وكــل دربٍ تـمــرّه

وترى السزوكـي لـو يناسبـك بـوّار ...مايحتمـل فـي الخـط لـو زدت زَرّه

إلـى مشـا ظلـى ينطنـط كـمـا الـفـار ... في الدرب يمشي بك كما مشـي ذرّه

وانا ترى يشهـد لـي الـدوج احفـار ...والقـنـفـذه والـبــرك بـحــره وبـــرّه

مشيـتـهـا بـامــرك ولانـــي بنـكّــار ...صـبـرت عالمـشـوار حـلـوه ومــرّه

واليـوم تنسانـي وتبـدي لــك انـظـار ...ياسـيـدي عالهـجـر نفـسـك مـصــره

قلـت العفـو ياموتـري كـيـف تنـهـار .... مـعـزتـك فـــي ظـامــري مسـتـقـرّه

زعّلتـنـي وانــا كـمـا هـبـة اعـصـار ... والـنـفـس مـمــا جـالـهـا مـسـتـحـرّه

كني كما طيـر الخـلا فـوق الاوكـار ... لامـسـى يـكـافـخ حـالـتـه مسـتـشـرّه

ماغيـر لاتزعـل تــرى الـكـون دوار ... الله يـكـفـيـنــا عــقــابـــه وشـــــــرّه

ابشر بمـا يرضيـك فـي كـل ماصـار... ابـعـتـرف يـامـوتـري لـــك واقـــرّه

وابشّرك في الخبت يقلـون مخضـار ...غــطــت نـبـاتـاتـه كـثـيـبـه وســــرّه

سحايـب الوسمـي سقتهـا بالامـطـار ... بامر الكريم اضحت وهـي مزدهـرّه

هيـا سـوى نـاخـذ لـنـا فـيـه مـشـوار .. بـعـد الـرضـى يـامـوتـري لاتـشــره

فقـال لــي مسـمـوح ياسـيـدي الـبـار ... إعــداد ماتـمـشـي نـجــوم الـمـجـرّه

تـم الجـواب وكمّـلـت كــل الاخـبـار ... فــي قـصـة النيـسـان والـلـي يفــرّه

النيسان الجديد يجي نكينة بخاخات 4500 وانا افضله من ناحية الشكل والراحه والمواصفات
اما التيوتا تحمللللللللل

لاكن تبي الشعبيه
والرساوه والتطعيس التويوتا واسئل مجرب

لاكن ماعندي اي خلفيه عن النيسان |3|

ليمتد وش جايك لووووووووووووووول
وش دخل الهمر منت طبيعي اول شي اليوكن لانه ياباني والحين الهمر :|

صراحه الهمر جبااااااااااااار
وقوي وشكله جميل

يعطيك الف عافيه على هذا الموضوع الرائع .

خذلك ربع تويوتا .. احلى شكل واقوى .. وبالطعوس ماشا الله..مايوقف..

ربع التويوتا اقوى بس ان شكله كأنه موديل 88 ..

بانسبة للقوة فكلهم مثل بعض
لكن التايوتا افضل لانه سيارة ما تعتمد على التكنولوجيا كثير
يعني بالعربي ما تخرب وتعمر معك

وشكرا

والله من ناحية القوة... كلهها قويه وماعليها خلاف.. وكل واحد يقول انا اطلق من الثاني , , ,

بس جيب تويوتا يتفوق من ناحية الخفه وانه بخاخات.. ولاماعليهم خلاااف .. . .

ثاني شي \ النيسان افضل من التويوتا من ناحية الراحة.. اما ربع تويوتا..فالله يعين ظهرررك .. .

تحياتي لك ,, , واسئل مجررررررررررررررب :)

والله كانك تبي تتأكد وش الاقوى رح لاي طعوس وشف وش بتلقى يرقى

اخوي مافيه اي مقارنه بينهم الربع تيوتا اقوى بمراحل مو بس اقوى
قوته 240 حصان اما النيسان قوته 200 اعتقد او اقل
غير كذا الربع تيوتا بخاخات والنيسان كلبليتر :D

اصلا ليه نقارن بالقوه شي معروفه اصلا مافيه سياره طبيعيه تتفوق عليه في الطعوس لحد يقول لي همر اتحدى الهمر يرقى ام دبابه وطعوس القصمان <--- قلاع مو طعوس

وبالنسبه للشكل كل واحد وذوقه بس النيسان يجي منه انواع اشكالها مثل الكبير حلوه اما ربع تيوتا يمدحون جنوط الاند واللكزس ولا ياهو شيين لووول

والله يالغالــي كلهم مثــــل بعض عندي






لكن أنا أفضل التويوتــــا لأنــه منتشر بين النـــاس بكثره ومرغوب التويوتا عمومـــا






وبالتوفيــــــــــــق...................