توقعاتك من يقوم باترول × لاندكروزر ؟ ؟

الــمـــعــجـزة @user_11680 · 11-07-2004

السلااااااام عليكم

حي الله اخواني عشاق الدفع الربااااااااعي|3|

قبل امس كنت انا ومجموعه من الشباب

في ذاك الشارع الجديد (شارع المقاومات اللي في الرياض) عند المخططات

طبعا كنت راكب مع خويي معه VXR 2003 فل كامل قير توماتيك

ونقابل خويي ثاني معه باترول2003 SGL(هذا اللي تحت السفاري)

قير توماتيك...

المهم ونتحدى من اللي يقوم عالثاني.. اغلب الشباب كانو يرشحون الفكساار

انه يروح عالباترول ... الا انا وراعي الباترول |2|

ونتقاوم.. والله ويفحط الباترول في وجه الاند فحطه... ماعقبها فحطه:D

فأثبت الباترول بالفعل انه ملك الصحراء بلامنازع...

===========

للمعلومية فقط - -------

\ الاندكروزر 8سلندر والباترول 6سلندر وكلهم توماتيك

\ راعي الاندكروزر خويي ومفجره تفجير ومنشط وكل اسبوع وهو في خزام

===========

تحياتي للجميع..

وياعيني عليك يالباااااتروول |3|

راعي البيج @user_7284 · 20-09-2004

ر

راعي الكراون

مين هاذا الي يقول انه السدرك تفشخ الكراون؟
ياحبيب قلبي السدرك ابو150حصان تفشخ الكراون 239حصان والله تعرفها
اصلا من الشكل تعرف انه الكراون اقوى
السدرك89اقوى
من الكراون89 لكن الكراون من92اقوى من السدرك بفرق كبيييييييير

اخوي الكلام اللي قلته صحيح 100%

وازيدكم بعد واحد من الشباب عنده سدرك98 قدم على فتك4800 مديل2003
واذا يبي يجرب مع الجي اكسات بعضهم يقدمون عليه و بعضهم وراه..

يقول مافيه الا فتك واحد قدم عليه وهو كان يسابق فتك ثاني..

الفتك اللي قدم مديل2004..

واذا تتكلمون عن الطبلون كذاب ومادري ايش..

هذا على حسب حجم التواير..

كان عندي عراوي98 رنقاته"جنوطه"14 و توايره صغار كنت اجيب 180 ويمر علي هلكس2000 رنقاته15 و توايره عاديه يمشي160..

واقولك السبب الاول و الاخير بالسرعه اللي بالطبلون هي التواير..

اذا حاب تجرب جرب وانت مركب بوالين ومره وانت مركب مياجر..

وشوف الفرق بنفسك..

|240|

راعي البيج @user_7284 · 19-09-2004

اخوي النيسان معروف للقومه

لكن على الخط الفس اكس ار قدااااااااام..

N

NiCK

===============
ثالثا: انا كان معي 1999 مكينتة 4500 يجيب الـ200 زي سلام عليكم .. وقد قمت

على جي اكس آر موديل 99 و2000 .
==============

اخوي اذا تقول انت رايح عن جي اكس 2000

أنا أقولك اني مجرب مع واحد بددسني البخاخ جمدت له بس على الخط يروح..

وجربت مع واحد بالفي اكس ار97"اللي بالتوقيع" قير تماتيك ماحصل رقمي..

وجربت بالفكس ار مع 97 على خط الشمال وهذا كان اقوى نيسان جمد لي..كان في ذراي ولا قدر يقدم علي..

واي شي ثاني انا حاضر لكم.. |348|

الكاتب @user_14018 · 03-09-2004

مشكور اخوي المعجزه
وترى شي مو غريب
الاندكروزر 8سلندر 250 حصان
الباترول 6سلندر 280 حصان
الاند كروزر 4,500
الباترول 4,800

الباترول 10 ثواني تصل إلى سرعة 100
الاند كروزر 11ثانيه تصل إلى سرعة 100

max-GV30 @user_13573 · 31-08-2004

ياخوي الباترول معرووووف

في كل شي وصدق من قال عند الامتحان وحدها نيسان

راعي الكراون @user_5039 · 29-08-2004

مين هاذا الي يقول انه السدرك تفشخ الكراون؟
ياحبيب قلبي السدرك ابو150حصان تفشخ الكراون 239حصان والله تعرفها
اصلا من الشكل تعرف انه الكراون اقوى
السدرك89اقوى
من الكراون89 لكن الكراون من92اقوى من السدرك بفرق كبيييييييير

جالانت @user_6169 VIP · 24-08-2004

الللاند كروزر ثقيل

والباترول خفيف

كامري @user_798 · 24-08-2004

الباترول كله سنتين وفي التشليح
انا قصدي على الجديد الي من موديل 2000

VIPER LoVeR @user_2373 · 20-08-2004

البترول معدوم قومه وخط

وانا متاكد انو ال vxr هو الي يقوم

تحياتي : محب الفايبر

nxn @user_13525 · 20-08-2004

ما في شك ان الباترول يقوم على vxr والسبب ان الباترول خفيف
بس ان ودي المره الثانية يكون الباترول 8سلندر عشان يكون مافي فرق
ومو شرط ان كل مازادت السلندرات زادت القومة .............وشكرا

NiCK @user_11949 · 19-08-2004

im back :D

شف ساحق انا قلت ارداهم واقصد به الطبلون راجع كلامي وتعرف يعني اقول ان طبلونه مخرف من جدددد

ومافيه احد قال لك اعترف بكلامي رح للوكاله وخلهم يعبون راسك بمعلومات غلط :)

وبالنسبه للكراون قلت لك انت رح وجرب فيه في شوارع المقاومات اكثر من كراون رح جرب معها عشان تقتنع بس ولا انا ما ابي شي من هالمقاومات

عين خالد @user_9414 · 17-08-2004

تويوتا وبـــــــــــــــــــــــــــــــــــــــــــــــــــس

الــمـــعــجـزة @user_11680 صاحب الموضوع · 14-08-2004

ياجماعه خلو عنكم التعصب ! !

وترى هالموضوع عن الباترول والاند مهوب عن سيارات نيسان وتويوتا ؟ ؟ ؟

-----------------------------

للمعلومية فقط .. ! !

* الهايلكس بخاخ اقوى من الددسن .

*الهايلكس كربريتر يبطي ويعصي يقوم عالددسن بخاخ واسئل مجرررررب .

* راعي الاند خوي مسافر وهذا هو السبب وراء تأخير تسجيل المقاومه..

واذا جا بالسلامه ولقينا راعي السفاري اللي كسر راسه لكل حادث حديث .

* اتركو التعصب وابد وجهات نظركم بهدوء وعقلانية وبدون السخريه من احد .

* اتررررررررك التعصب وشجع النصررررر خخخخخخخخخخ :) :) :) :)

تحياتي للجميع , , ,

B.M.S @user_6218 · 11-08-2004

كاتب الرسالة الأصلية NiCK

اما بالنسبه للددسن والكورلا وما ادري ايش يكون بعلمك ان طبلون نيسان مهزله ومخرف ورب الكعبه ان الباترول يمشي 180 وحنا نمشي 160 ونتعداه معنى مرسدس وجربنا مع لاند ومع اكثر من سياره غير نيسان وكلهم مثلنا او فرق جزء بسيط جدا مو اكثر من 20 مثل نيسان وبالنسبه للمكسيما اللكزس ما راح اقول لك المرسدس اللكزس يسقط عليها وهو يمشي 230 وهي تمشي 250 وش رايك؟
والددسن ما يحتاج اتكلم ارداهم

رغم ان الموضوع عن اللاند والباترول

الا اني بأعلق على سالفة المكسيما وهي انه العضو صادق المكسيما ما تمشي

260 مثل ما هو مسجل فيها

والدليل ارجع الى المجلات تجد محركها ما يقدر تعدى 233

وايضا دليل اخر وهو انها مرة كنت مع راعي مرسيدس وما شين 240

ورعي المكسيما 260 ماشي وتعديناه

وبالنسبة للبترول انا عندي بترول وصدقني اكثر من مرة

اطرح لاندكروز يطرحني |3|

سـاحــق !!! @user_8173 · 11-08-2004

اخوي NICK

بالنسبة للأنفنتي وكل كلامك الي قلته عن الأنفنتي انا رديت

عليك في موضوع ( افضل سيارة يابانية لهذا العام )

روح شفه هناك وخلينا هناك بلا دوشة راس

اما عن الددسن والنيسان تراك زودتها حبتين

مرة تقول طبلون النيسان مهزلة

ومرة تقول طبلون النيسان مخرف ومدري ايش

وتقول الددسن ارداهم !!!

انت وش عرفك بالدداسن بالله عليك قل لي

الله يشفيك بس

والله ما ادري وش ارد عليك !!!

انا اصلاً ما اعترف بكلامك بدون زعل انا ما اعترف فيه اوكيه

انا اعترف بالواقع جيب لي كراون وكلمني على الخاص غير كذا

كلام هذره في هذره انا ما احب هذي السوالف

تبي تجرب اهلاً وسهلاً جيب لي كراون وارسل لي رسالة على الخاص

وانا اجيب لك زي ما قلت لك ماكس 98

والسلام عليكم ورحمة الله وبركاته

CAMRY2K @user_4753 · 11-08-2004

هلااااا بالجميع

يإخوان ارجو التكلم بهدوء حتى نطلع بنتيجة ;)

والكلام الحين على اللاند والسفاري :confused:

خلو الموضوع يتحسم ونعرف من اللي يقوم |1|

أما بالنسبة للسيارات الثانية خلوها على جنب مؤقتًا لو سمحتم |1|

تحياتي |3|
CAMRY2K

NiCK @user_11949 · 10-08-2004

هلا والله حبيبي ساحق

بالنسبه للكمرا ترى حتى ال 430 فيها يكون بعلمك بس بس انت فاهم الحساسات خطأ اخوي الحساسات لها مليون استعمال مو بس عشان توقف السياره عشان تثبيت السرعه بتقول وش دخلها بقول لك انها تقيس المسافه بينك وبين السياره اللي قدامك وتهدي وغيرها من الميزات اللي ما يحتاج نتطرق لها

وانا يوم قلت لك ان الانفنتي مو فاخره قصدت انها تفتقر لابسط مقومات السياره الفاخره
انت جب لي شي موجود في الانفنتي شي عليه كلام مو تقول لي طفاية ولا لمبة ابي شي فعلا يميزها عن اللكزس اذا حتى نور اللكزس صار افضل منها وش باقي بعد :|

وبالنسبه للقوه اخوي يكون في علمك بس ان عزم ال 430 اكثر من عزم الانفنتي ومو شرط يكون الحصان المعلن من شركة صحيح وفيه شركات يختلف قوة حصانها عن غيرها وايضا عندك القير ترى يلعب دور اللكزس 6 نمر والانفنتي 5 فيه ضروف كثيره تحكم هالشي وانا مجرب وشايف اللكزس تروح على الانفنتي انت رح جرب وشف

اما بالنسبه للددسن والكورلا وما ادري ايش يكون بعلمك ان طبلون نيسان مهزله ومخرف ورب الكعبه ان الباترول يمشي 180 وحنا نمشي 160 ونتعداه معنى مرسدس وجربنا مع لاند ومع اكثر من سياره غير نيسان وكلهم مثلنا او فرق جزء بسيط جدا مو اكثر من 20 مثل نيسان وبالنسبه للمكسيما اللكزس ما راح اقول لك المرسدس اللكزس يسقط عليها وهو يمشي 230 وهي تمشي 250 وش رايك؟
والددسن ما يحتاج اتكلم ارداهم

نجي للكراون اخوي فيه شارع مقاومات في الرياض رح انت وشف فيه اكثر من كراون هناك شف وشلون يروحون ويخلون المكسيما اللي ماخذ فيها مقلب انت مكسيما من 98 الى 2004 كلها ما تأكل عيش مع الكراون

انشالله انك استفدت من الكلام ومافيه احد بيعصب وش دعوه

وداعا

LIMITED @user_1932 · 10-08-2004

راح يتم حذف اي رد فيه سخريه او استهزاء او محاولة تجريح

بالنسبه للمقارنات اذا على القوه راح تكون اللومينا SS احسن من بنز S350
وهذا خطاء فادح .

الانفنتى سياره فاخره وقويه ولاكن
اللكزس افخم واكثر انتشار واكثر كفائه
ويكفي انه حصل على افضل محرك في العالم .

سـاحــق !!! @user_8173 · 10-08-2004

نسيت اقول لك انت تقول ان الأنفنتي ما فيها حساسات

ههههههههههههههههههههههههههههههههههههههه
ههههههههههههههههههههههههههههههههههههههه

انت تفكيرك قديم الناس تطورت كاميرات خلفية في الأنفنتي Q45

يعني الكاميرا تغـنيك عن الحساسات !!!

وانت تقول لي حساسات ههههههههههههههههه

واللكزس LS 430 لازال على الحساسات مثل الكامري

واللكزس ممكن بعد عشرين سنة تفكر شركة تويوتا توضع كامير

خلفية قال حساسات قال

سـاحــق !!! @user_8173 · 10-08-2004

لا تروح بعيد بالكلام وتقول الأنفنتي مش فاخرة

مدري ايش يا أخي اللكزس ما فيها كاميره خلفية هههههههههههههههههههه

انا ماتكلمت عن الفخامة يا عزيزي !!!

ولو تبي تقارن اللكزس بالأنفنتي انا اعطيك اكثر من عشر ميزات بالأنفنتي Q45

مش موجوده باللكزس الـ LS 430 فخليك ساكت احسن

اما عن الددسن فأقول لك( راااااحة ايامه) وشفيك تفكر الناس ما يتطورون

انا قلت لك اشرب عصير ليمون لكن ما تسمع

تراني امـزح معـك هههههههههههههههههه

تبي الحقيقة

اصلاً انت ما راح تقتنع بكلامي ولا أنا راح اقتنع بكلامك

يعني انا اقول من وجهة نظري أن محركات نيسان وقير النيسان

اقوى من محركات وقيور التويوتا

وانت تقول عكس هذا الكلام

انا والله اني أحترم رأيك يا عزيزي لكن بكل تأكيد انا مقتنع برأيي

عن محركات النيسان والتويوتا ولا احتاج احد يقول لي أو يحاول يقنعني

اما عن كلامك ان اللكزس LS 430 أقوى من الأنفنتي Q45

ما ادري من وين تجيب لي هذه المعلومات

يا أخي انت عندك دليل على ان الـ LS 430 أقوى من Q45

اما عن قوة التسارع الى الـ100 فهذا الكلام مش معترف فيه اصلاً

يعني لو جيت الى الواقع يختلف تماماً عن هذه الأرقام التي ذكرت

ادري انك بتقول لي انت بعد عندك دليل على أن الأنفنتي اقوى من اللكزس

انا اقول لك نعم !!!

اصلاً Q45 اكثر احصنة من LS 430 تقول لي هذا مش دليل

اقول لك معليش وصبرنا لله !!!

شف ثقل اللكزس الـLS 430

وشف ثقل الأنفنتي الـQ45 وشف الفرق هل هو طن ام ماذا ?

تقول لي هذا مش دليل

راح اقول لك هذا نيسان وهذا تويوتا

اما أنك تقول ان الكراون يفشخ الماكسيما !!!!!!!!!!!!

والله انا ما ودي اطول لكن راح اقول لك

ما فيه امل صدقني انا اتحداك واذا تبي على الواقع مش مشكلة جيب لي

اي كراون وانا اجيب لك ماكس 98 ويصير خير اذا شفت الأصطبات

اما بالنسبة للصني والكورولا انا ما ودي اجيب كلام من عندي لأني

ما جربت الصني بصراحة لكني جربت الكورولا 2003 والله العظيم

اني ما قدرت اتعدى الـ 180 فيها الددسن يتعدى الـ 180

ويجيب 190 بالراحة ما ادري يمكن عشان الكورولا كانت جديدة الله اعلم

اصلاً الكورولا القديمة اقوى من الكامري 4 سلندر

اما الكورولا الـ 2003 بصراحة عزمها طايح

واتمنى منك عدم اخذ الأمور بعصبية أو نرفزة لأننا اخوان في الله قبل كل شي

وشكرأ لك اخي ( NICK )