هلا شباب هذي اول مشاركه لي واطلب فيها رايكم في السيات كوردبا
هل تستاهل اني اشتريها وكيف وكيلها اللي هو سفاري
لو ان رايكم مايهمني ما كان سجلت ماودي احد يدخل وما يرد
انتظر ردودكم قبل مااتورط
اذا تبغى سيارة اوروبية 100% وتدعيلي ولا منها مشاكل ومجربة وممتازة ؟
وقطع غيارها معقولة ؟ واكبر ومن الكوردوبا بشويه ؟ وخدمة وكيلها جدا ممتازة ومميزة ؟ ولا تبغى دواخة الراس ؟
ولا تبغى صرفية البنزين ؟
وحتى اذا جيت تبيعها تلاقي لها زباين كثير؟
السيات والشكودا هي شركات تابعة لاضخم مجموعة سيارات بالمانيا ومن اضخم مجموعات السيارات بالعالم بالنسبة للمحركات لا تخشى شي وللهيكل ايضا متانة شي برفع الراس ...
السيات معروفة بانها ذات طابع رياضي سواء بالمحرك او الشكل او حتى المقصورة الداخلية
الشكودا تميل الى الشكل الكلاسيكي ومحركاتها عملانية جدا وقطع غيارها ارخص من السيات
والقرار يعود لك اخي بين السيات والشكودا (رياضي ام كلاسيكي )
اتمنى انني استطعت ان اصل الفكرة
عندك اللنك اللي حطه اخوي مونديو فيه صور سكودا 2005 ..
شوف بنفسك الفرق مااعتقد انه كبير ..
بس ابعطيك نصيحة لاتاخذ من الاوروبي الا سكودا لانها من التشيك والتشيك الى الان ماانضمت انضمام كامل للاتحاد الاوروبي يعني عملتها مازالت العملة التشيكية مو اليورو ..
لكن اذا غيروا عملتهم وقتها بتشوف السكودا اللي بـ 55 الف بيوصل سعرها 80 الف وفوق ..
كيف مافي فرق؟
انا سمعت ان الاكتافيا 2005 يعتبر جيل جديد وفي مواضيع في المنتدى تتكلم عن
السياره القادمه بالتفصيل بس يريت توضحلي ياالنايم يمكن انا غلطان.
قريب ان شاء الله راح تنزل سكودا 2005 ..
بس على فكرة ترا مافي فرق كبير بين 2004 و 2005 يعني اذا كنت مستعجل خذها من الحين اما اذا كنت مروق اصبر شهر شهرين وخذ لك 2005 ..
لايوجد شيء تخاف منه .. الكودوربا .. من سيات التي هي مملوكه لدى فولكس واجن
..
يعني حط ببطنك بطيخة صيفي .. أرتاح على الأخر ..
..
مواصفات عنها ..
محرك قوي 1.4 بقوة 100 حصان .. ومحرك أختياري بقوة 156 بسعة 1.8
أنظمة سلامه منها ABS + TCS
..
مجموعة متكاملة من للسلامه داخل المقصوره ..
..
تحياتي
النايم و ابوسعد
مشكورين وما قصرتو
انا قاعد افكر اخذ السيات كوردبا بحكم انها سيارة صغيره واقتصاديه وتقنيتها المانيه
واهم شي الجوده اوروبيه بس المشكله ان السياره غامضه شوي بسبب انها جديده على السوق السعودي وغير مجربه بالشكل الكافي بس البركه في بقية الاعضاء انهم يكشفولنا هذا الغموض ويعطونا التحليل الكافي لهذي السياره واللي يساعدني باذن الله في اتخاذ القرار بشراء السياره او التحول الى بديل ثاني.
سيات مواتر عليها القيمة ..
لكن انصحك بالسكودا ..
مو تقليلا من سيات بس لان السكودا مجربة وموثوق منها ..
اتمنى من احد الاعضاء اللي له تجربه مع السيات يكلمنا عنها ..
