حبيت اذكر مميزات البرنامج اولا :
البرنامج عربي 100%
البرنامج مجاااااااااني
البرنامج لا يحتاج كراك
ولا يحتاج واحد فاهم باللغة الانجليزيه علشان يتعلمه
ويقوم بتحويل صيغ اكثر من 20 ملف صوتي دفعه واحده (( مو مثل الستريم بوكس كل 20 ملف صوتي ))
يحول ملفات الريل بلاير والريل ون RM إلى WAV
يحول ملفات الريل بلاير والريل ون RM الى MP3 بجودة من 32 إلى 320 كيلو / ثانيه وقنوات سمعيه نوع ستيرويو أو مونو وموجه من 8000 إلى 44100 هرتز
حجم الملف: 2.20 MB
تم نزول هذا البرنامج في 20-Mar-2004
ملاحظه :1- لازم يكون عندك ريل بلاير أو ريل ون
2- والبرنامج يحول صوتيات الريل بلاير والريل ون RM
اسم البرنامج : محول صوتيات الريال بلاير
وهذي هي وصلة البرنامج : اضغط هنا
بعد التنزيل والتثبيت
هذي صوره للواجهه الرئيسيه للبرنامج : اضغط هنا
راح يكون له ايقونيه على سطح المكتب وهي عباره عن سماعه بنفسجيه وتحتها سهم ازرق صغير ومقدمه لصاحب البرنامج
بعد ما تفتح البرنامج :
تلاقي فوق مكتوب إضافة ملفات صوتيه تضغط عليها وبكل سهوله تحدد الملفات الصوتيه اللي تبي تحولها وطبعا ريل بلاير او ريل ون
بعدها راح ينزلون عندك بلسته داخل البرنامج وراح يكون عندك على يسار اللسته اختيارين وهما : حذف و حذف الكل اذا بغيت تلغى واحد من اللسته
وبعدها عندك تحت اللسته في مكتوب :
حفظ الملفات المحوله في : المجلد : وفي مستطيل فراغ وفي كلمة اختيار اضغط على كلمة اختيار علشان تختار مكان للملفات الصوتيه اللي راح تكون على هيئة WAV او MP3
بعد ذلك في تحته مكان الحفظ مكتوب :
صيغة الحفظ :
حفظ الملفات المحوله على هيئة ملفات :
وهني تختار إما WAV
أو MP3 وفي MP3 قنوات سمعيه نوع ستيرويو و مونو وفي الموجه من 8000 إلى 44100 هرتز
انصح تخلي وضعيات الـ MP3 مثل ما اهي وهي الجوده 128 كيلو / ثانيه والقناة السمعيه STERO والموجه 44100 هرتز
وبعدها تضغط على : بدء التحويل
وهذي صوره له وهو يحول اضغط هنا
واهني راح يقوم يحول واحد بعدين يصكر البرنامج بعدين يفتح ويحول الثاني ويصكر ويفتح حق الثالث ويصكر وهكذا إلى ان يقولك تم بعدها تشوف انت وين محدد يصيرون تروح لهم تحصلهم عندك بنفس الاسم اللي اهما عليه بالاصل بس زياده نقطه .
وانشالله يكون شرحي واضح
وانا العاده اذا بسوي سي دي حق مشغل السيديات اللي بالسياره احط نوع WAV
واي مساعده هذا ايميلي
[email]badx@hotmail.com[/email]
واللي يبي شرح برنامج السيدي رايتر Nero Express انا حاظر
وبالتوفيق إن شاء الله
