مازدا 6 جير اوتماتيك

otc22 @user_13963 · 03-09-2004

السلام عليكم......
انشاء الله نويت اطلع مازدا 6 جير اوتماتيك صراحة لما شفت مميزات السيارة والسعر السيارة دشت مزاجي اولا محرك 2 لتر 145 حصان 2ايرباج جسم السيارة صلب شكل رياضي الصدام الامام يرجع لشكله عند الاصدام بسرعة 8 كم السرفس كل عشرةالاف كم ديكور داخل رياضي يوجد حول المكينة قضبان حديدية للحماية في حالة الحوادث القوية المكينة تسقط للاسفل ايظا البريك دسك في العجلات وليس طبلة ونظام خاص لمنع دخول الاهتزازات داخل السيارة يمكن فتح الكراسي الخلفية علي حقيبة السيارة بضغطة واحدة من داخل الحقيبة ثبات رائع بلكات السيارة تغير كل 100000 كم هذا اللي اتذكره الحين غير المميزات الاخرة يعني سيارة يابانية بمواصفات اوربية وهذا كله في الفئة السياحية يعني رقم 3 اما في مازدا 6 ذو محرك 2.3 لتر فالمواصفات اكثر و اكثر كل هذا وبسعر 55 الف ريال بس ياريت اللي عنده مازدا 6 يخبرنا عن عيوب السيارة وكيف العزل الصوتي والثبات وراحة السيارة

Eng.Anas @user_9093 · 18-12-2004

انا عندي 2.3 بالفعل سياره قويه ................. و سريعه و ما اظن مثل ما يقولو الشباب الموتر ضعيف بل بالعكس رياضي جدا مقارنه بسعه المحرك . و ايضا اقتصادي جدا انا قاومت موستنج ...... على الخط في الباديه طلعت عنه و لكن بعد مسافه طبعا بحكم انه عنده 5.7 لتر لحقني و طافني بس بعد ما عانى و زر على الموتر مسافه .

حبيت اقول هل المتال حتى يشوفه الشباب مدى قوه السياره خصوصا ال 2.3 و بالنسبه للراحه سياره جدا مريحه و بالفعل تحط فلوسك بمكانها الصحيح.

AF @user_15175 · 17-12-2004

مشاء الله تبارك الله

بصراحة مو غريب نسمع من الكلام هذا منك عن المازدا

لأن بصراحة سيارة رائعة جدا من ناحية جمال رياضي وثبات ورساوة

والله يعطيك خيرها ويكفيك شرها

تحياتي

اخوك عبدالله

Nsync @user_10187 · 05-10-2004

وهــذي صــورة لآخــر تعديــلات أخــوي ,,

طبعــاً السيـــــــارة مــاشاءاللــه تبــارك اللــه مايحتــاج !! قــوة وجمــال وريــاضيــة وشبابيــة ,,

والصــور هــذي قديمــة نوعــاً مــا لأنــه السيــارة رجعــت لشكلهــا الأصلــي |495| والشغــل صــار كلــه تلغيــم ,,

Nsync @user_10187 · 05-10-2004

وهــذي كــم صــورة ولاتزعــل يــا otc22

**الأكوردي** @user_5924 · 03-10-2004

شكرا على الموضوع

الكويتي17 @user_11540 · 03-10-2004

اتفق مع الاخ eagle بانه المحرك ضعيف نوعا ما...

بس هذا ما يمنع انه ال6 سلندر راح ينزل بمازدا 6 موديل 2005 (لانه على ما اعتقد مازدا 6 متوفر موديل 2004 حاليا ومازدا 3 نزل 2005 مباشرة)

بس عموما المحرك جيد وهاديييي والسيارة عموما ناعمة جدا على الطريق كانها سيارة اوروبية...

وبالنسبة للكراسي انا والله ما اشوف انها ضيقة..بالعكس صراحة لما ركبتها احس السكان"المقود" بعيد زيادة عن اللزوم .

صراحة السيارة روعة ومحظوظ جدا من يحصل عليها...

eagle @user_10906 · 03-10-2004

انا امس جربت المازدا 6 2.3 لكن شوي عالسريع

السياره زينه لكن الكراسي الامامية احس انها ضيقه نوعا ما يعني الكامري اللي عندي 99 كراسيها احس انها اوسع و ثاني شي تمنيت انه تنزل عدنا السته سلندر كان فعلا بتكون امسكته لكن الاربعه اشوف قوته مو لين هناك بس ما ادري عنكم لاني جربتها عالسريع مثل ما قلت و اتمنى من اصحاب المازدا يردون

تحياتي

الصابونة الحمرا @user_10267 · 03-10-2004

شيء حلو

لكن الأهم احنا نبحث عن مجربين يقولون ارائهم في السياره وخاصه اذا كانت السياره لها فترة عندهم

otc22 @user_13963 صاحب الموضوع · 02-10-2004

شفت الشباب مركزين على المازدا6 فحبيت ارفع الموضوع

otc22 @user_13963 صاحب الموضوع · 05-09-2004

يالاخوان ابي واحد عنده مازدا 6 يقول انطباعه من السيارة

تصدقوا انا حصلت موقع مشهور في تجربة السيارات يقول ان المازدا 6 اثبت من الاكورد والكامري
http://www.nctd.com/review-intro.cfm?ReviewID=1548

The Mazda 6 is sportier than the other cars in the mid-size class, both in its appearance and in its handling and driving dynamics. It's more agile and holds the road better than the Toyota Camry, Honda Accord, or Nissan Altima. The Mazda 6 is lighter on its feet and stops quicker. In short, it's a better driver's car. It's also the best sedan for the money that Mazda has ever built, and is available with four-cylinder and V6 engines. The zoom-zoom folks have really put a fine point on it this time.

otc22 @user_13963 صاحب الموضوع · 05-09-2004

saudimx
الجير الاتماتيك باربع سرعات هذا اللي يجي في الخليج بس في نوع من المازدا 6 يجي اوتماتيك بخمسة غيارات
NSYNC
يالاخو اذا عندك مازدا 6 ممكن تخبرنا عن مميزات وعيوب السيارة

LEGACY @user_3814 · 04-09-2004

مشكوور على هذا الموضوع ..

والمازدا 6 ... و3 ...

والله خشوا قلبي من اول نظرة ..

خصوصا 3.... شفت وحدة ...

الله يرزقك بشوفتها |10|

خظرا فاتحة ..عليها الجنوط ... اوووه .. جامدة من جد ..

الله يعطي راعيها خيرها ..ويكفيه الشر..

وبالتوفيق..

blackss @user_5214 · 04-09-2004

الســلام عليــكم ورحمــة اللـــه وبركــاتــه ,,

أخــوي otc22 المازدا 6 مايحتــاج ,,

إقتصــاديــة , رياضيــة , جــذابــة , شبابيـــة ,

وفيهــا مواصفــات جــداً رائعـــة ,,

وصدقنــي ماراح تنــدم على شرائهـــا ,,

أســأل مجرب ولا تســأل طبــيب ,,

ومبروك مقدمــاً ,, واللــه يعطيــك خيرهــا ويكفيــك شرهــا ,,

saudimx @user_4445 · 04-09-2004

السيارة حلوة جداً واقتصادية... لكن عندي سؤال دامك حاب تاخذ قير اوتوماتيك.. كم سرعة هو 5 او 4 سرعات؟

Nsync @user_10187 · 04-09-2004

الســلام عليــكم ورحمــة اللـــه وبركــاتــه ,,

أخــوي otc22 المازدا 6 مايحتــاج ,,

إقتصــاديــة , رياضيــة , جــذابــة , شبابيـــة ,

وفيهــا مواصفــات جــداً رائعـــة ,,

وصدقنــي ماراح تنــدم على شرائهـــا ,,

أســأل مجرب ولا تســأل طبــيب ,, |273|

ومبروك مقدمــاً ,, واللــه يعطيــك خيرهــا ويكفيــك شرهــا ,,

LAMBADA @user_13601 · 04-09-2004

بصراحة مالي خبرة بالمازدا ...

بس السيارة مسكته .. وديكورها بالداخل رااقي جدا ..

استخر ربك والله يوفقك باللي فيه الخير:)

مطفي النور @user_10866 · 04-09-2004

مشكور على الموضوع الحلو والمازدا ماعليها كلام معرووووفه .

otc22 @user_13963 صاحب الموضوع · 04-09-2004

مشكور يالاخو علي المساعدة واذا الشباب حابين صوراكثر عن المزدا 6 انا حاضر

NYC @user_12786 · 04-09-2004

اخوي اذا الصور على كمبيوترك الحين

دش هالموقع

http://www.filaq.com/upload/load.php

من الموقع:

عند الملف: اضغط على browse
من كمبيوترك دبل كلك على الصوره الاولى اللي تبي ترفعها ((يعني كل الصور اللي تبيها بالمنتدى لازم يكونون على موقع معين ويستحن هالشئ ))

المجلد المراد التحميل إليه: هذا لا تسوي فيه اي شي

اسم الملف الذي تريده عند التحميل: اكتب اهنى اسم الصوره اللي حطيتها بخانة ملف يعني مثلا اسم الصوره mazda 30
وكل صوره لازم يختلف اسمها عن الثاني وانتبه اذا قالك الصوره موجوده هذا لانه في صوره عندهم بالموقع اسمها mazda 30 فغيره او حط وراه خرابيط مثل 349654

نوع الملف: عاد شوف شنو نوع الصوره gif - jpg - jpeg - bmp - png وهذا بس المسموح فيه

بعدين اضغط تحميل وانتظر الصوره تطلع

راح تطلع لك الصوره انسخ الرابط اللي اهو فوق عندك

او اضغط كلك يمين على الصوره واختار الاخيره properties اتلاقي عندك Address URL انسخ الرابط اللي بجنبه

بعدين روح على الرد المتطور عندك بموضوعك واضغط على هالصوره

امسح الـhttp:// اللي بالمستطيل وحط الرابط اللي طلع لك مال الصوره

راح يطلع لك الرابط حوالينه على اليمين واليسار [IMG] خله

وبعدين نفس السالفه مع الصور الباقيه وبالتوفيق

اذا مو فاهم شي هذا ايميلي بالماسنجر اشرح لك بالتفصيل

[email]badx@hotmail.com[/email]