كيف حال الشباب؟
اليوم فيه تعديل جديد وغريب والاول من نوعه في هذا المنتدى...
القصة يا حبايبي وما فيها ان اخوي جاش اشترى سيارة اودي A3 سبورت...
واللون اصفر ليموني... وفي نفس الوقت زميل اخوي اشترى له ابوه سيارة لامبورجيني مورسيلاجو
اللون الاصفر اللؤلؤي...
طبعا اخوي جاته حالة نفسية سيئه وتحطم لان سيارة زميله احسن من سيارته...
المهم... جاني اخوي وقال ياخالد: انا طفشان وزهقان وكاره الدنيا وما فيها...
قلت له ليش؟ قال لان سيارة فلان احسن من سيارتي !!!
قلت : بس؟؟؟ هذه اللي مزعلك يبو فهد؟؟؟
ولا يهمك.. انت اخوي وتهمني مصلحتك... وزميلك الدلخ ذاك المبسوط بالمورسيلاجو انا اوريك فيه...
اهم شي يبو فهد ( جاش ) انك ما تكدر في خاطرك...واللي تبيه بيصير...
بس انت دخل سيارتك عندي في الورشة وبعدها خير انشالله... بس عطني خمسه ايام....
قال وش بتسوي بموتري؟؟؟؟ قلت له ماعليك انت عطني اياه وحط راسك...
والله قام ابو فهد وعطاني مفاتيح موتره الـ اودي A3
ودخلتها للورشة ... وبدأت افكر...
يالله ياخالد فكر ياخالد شغل راسك ياخالد
اممممممممممم ؟؟؟
وجاتني فكرة...
والله وادخل احد المواقع في الانترنت وطلبت من احدى الشركات الخاصة بالنقل بعض الاشياء:
***طلبت صدام لامبورجيني مورسيلاجو امامي كامل.
***طلبت جنوط لامبور جيني مورسيلاجو اصلية ( طقم ) .
***طلبت الفيابر الجانبية وبرواز فتحة التهوية الجانبية في المورسيلاجو.
***طلبت المرايا الخارجية للمورسيلاجو بس للاسف ما وصلت الى الان.
وبعد ما وصلت جميع الاغراض.. ورحت استلمتها من الميناء ( جده ) رجعت للطايف وهي كلها معي ماعدا المرايا
لانها ما وصلت...
وبدأ العمل...
فك وتركيب... طلوع ونزول... فوق تحت .. يمين يسار ... وفي النهاية انتهينا من العمل الخارجي ...
وباقي بس اللون....
والله وانزل لجدة مره ثانيه... واروح للعربة... وآخذ رقم اللون حق المورسيلاجو...
واطلع الطايف هواااااااااا
واشتري البويه واروح للورشة وارش ابو السيارة من اولها الى آخرها...
المهم.... انتهينا وما بقي غير التلميع... ولمعناها... وغيرت الاسطب الخلفي... وهبطت الموتر ... وشلت فتحة السقف العلوية لانها دقه قديمه..
وغيرت الكبوت والشبك الامامي... ومسحت الجلود الجانبية ومسحت مقابض الابواب وظللتها...
وانتهينااااااااااااااا
بعدها ناديت اخوي جاش وكان نايم قدام التلفزيون...
وقلت له تعال شوف موترك... وجا... ويوم شافه... يطيح على وجهه وننقله مستشفى الملك فيصل - الطوارئ
ويوم فاق وطلع بالسلامه رجعناه للبيت ووريته الموتر من بعيد عشان ما ترجع له الحاله النفسية الاولى.
ويوم اقتنع وصدق انها حقيقة ماهي حلم... تدرون اش قال لي؟؟؟ قال لي من طلبك تغير موتري؟؟؟ رجع لي موتري الاول...
بعدها صار شي من الافضل عدم ذكره لان اخوي الان رجع للمستشفى لانني باختصار (........)
وهذا شكل الموتر بعد التغيير...
تحياتي لكم جميعا.
وابي رايكم بصدق.
ملاحظة / قام العضو yellow golf بالتعديل على نفس الصورة الاصلية قبل فترة ليست بالقصيرة..
