لماذا هذا الانتشار الواسع الكامري في دول الخليج ؟

والله انا اشوف سبب انتشارها انها جمعت كل المميزات شكل وقوة ورحابة واقتصاد وقطع رخيصة وقابلة للتقطيب بقوة وشيك مانقول انها في كل ميزة افضل شي بس جمعت الكل...

انا عندي كامري 2004 ماشية تقريبا 38 الف كيلو اغير زيت واعبي بنزين وامشي لاصيانه ولايحزنون ..وشكرا

يعمي انا اعتبرها وبكل صرااااااحه انتشاار الكامري يعتبر تخلــــف وتسكير للمخ من التفكير يعني اي واحد جيرانكم ولد عمك خالك اخوك شرا كامري تشتري وراااه علىى طووول ويييييييييين يخوووي الكامري صاارت اكثر من الذبااان بالبلد يخوووك ههههههههههه انا مثل ماقلت اعتبره تخلف وهذا رأيي الشخصي

أي نعم اخوي مخلب وهذا الكلام مايختلف عليه اثنين.....

لايجي احد ويقول لي شوف مبيعات الكامري ومدري ايش...صحيح الكامري منتشره وبقوه واكثر من الاكورد والالتيما بس سبق وقلنا ان الانتشار مو معناه انها الافضل.....

نقول تور ، يقولوا أحلبوه

من جد سار الموضوع هذا ممل ، ويجب ان يحذف أول ما ينشاف موضوع مماثل

الديموقراطية معدومة كل واحد يبع يفرض رأية بالغصب

ياجماعه انا ملاحظ انو من يكون محور كلامنا عن الكامري تصير فيه شوية زعل ومشاكل مع ان الموضوع مايستاهل...

خلاصة الموضوع من كلام الاعضاء:

الكامري كانت ولازالت السياره الشبابيه الاولى والاكثر انتشارا في الخليج بسبب رخص قطع الغيار مقارنة بالغير وخدمة الوكيل مابعد البيع وهي كذلك شيك في الجيب....

لكن هل الكامري الجديد من 2003 فمافوق افضل من السيارات الجديده الي بدت تنافس؟ طبعا لا لان السيارات الجديده مثل الالتيما والاكورد والماكسيما والزوم ازاحت الكامري الجديد....وانتشار الكامري ياجماعه مو دليل على انها افضل وان كانت بجد سياره الشباب الاولى ويكفي ان اسمها كامري.....

وهذا الكلام مافيه اي تعصب لاي سياره ثانيه احنا كلامنا بس عن الكامري....وبدون زعل ياجماعه ونعيد


من اول سنه لظهور الكامري وهي مسيطره فعلا على السوق وكانت افضل السيارات حتى عام 2002

من بعد هالسنه طاحت جودة الكامري وتغلبت عليها سيارات جديده...وهذا بس كلامنا

صدام امامي 380 ريال
شمعه امامية 450 ريال
فلتر زيت 17 ريال
فلتر بنزين مايعدي 115 ريال


و تبغ الناس تروح تدور على اكورد ، و مازدا و ماكسيما


ويكفيني من تويوتا رخص قطع غيارها ووكيلها اللي زي العسل ، وضمان على السياره ولا احلى ،،،، مغير ستارة السيارة و جهاز الحسساسات بالكامل بقيمة 2000 ريال وبدون ما ادفع ولا هلله


خدمات ما بعد البيع لعبداللطيف جميل سبب وحيد يكفي بان تفضل تويوتا عن باقي السيارات كلها

تويوتا غلطوا غلطة كبيرة وهو عدم تغييرهم لمحرك الكامري 2003 عن الموديل السابق 98 - 2002 ..
وهذا الشي اللي عطا الشركات الثانية فرصة انها تنهش الكامري نهش ولا لو محرك الكامري الاربعة سلندر 190 حصان والستة سلندر 250 حصان كان انسى احد يقرب من الكامري وكان ظلت الى يومك هذا السيارة الاولى بدون منافس ..
الشي الثاني واللي لازم تويوتا تفكر فيه هو انشاء اكثر من سيارة من نفس الفئة يعني تنزل كامري وكرسيدا نفس المحرك ونفس المواصفات لكن الشكل يختلف لان السوق ضخم والتنويع بالشكل امر مطلوب والناس اذواق اللي ماتعجبه الكامري يمكن تعجبة الكرسيدا والعكس لكن اذا مافي الا فئة وحدة فالشخص اذا ماعجبه شكل الكامري شرا التيما او اكورد بدالها ..

السلام عليكم ..

اخوي المخلب الكامري معروفه من زمان انها سياره عمليه واقتصاديه ومن القديم واهي مشهوره خاصتا انها عمليه في نفس الوقت كذلك يرجع الى سعرها المغري في وقت الشراء وشكلها الجذاب الذي يجعل الناس تشتريها بطريقه مو طبيعيه وتذكر انها من السيارات المربحه في دول الخليج والعالم ، ومدى الاقبال عليها بشكل مستمر والطلب عليها لعديد من الاغراض اليوميه ..
كذلك القطع الغيار لدى الكامري رخيصه ومتوفره مما يجعل الشركات والوزارات والاشخاص يقبلون عليها.
واكثر سياره تباع عند عبداللطيف جميل هي الكامري.
أما المصنوعة في استراليا فلا شك ان جودتها اقل وهذا من خلال مشاهداتي.


تحياتي
night

اخوي انا اقولك ايش الأسباب اللي تعجبني وتحببني وقد يحبها غيري في الكامري


اولاَ اسمها تويوتا

ثانيا وبصراحه شكلها بالنسبه لي حلو ووسيعه وهذا اهم شيء لأن بصراحه اذا ركبت الكامري تحس بالراحه في المقصوره الخلفيه

ثالثا السياره رفيعه ومتماسكه في المطبات

رابعا سعر ما بعد البيع يعني تشتري السياره وتلعن والديها واذا جيت تبي تبيع تلقى الناس تضارب عليها

خامسا قطع غيارها رخيصه مقارنة بغيرها

سادسا بصراحه السياره ما اعتقد في شيء يعيبها الا انها ينقصها شوي فخامه

واتحدى واحد يتكلم عليها

واحب اقول بأن الكامري لن تقل مبيعاتها بل راح تزيد يوم بعد ومو بس الكامري كل سيارات تويوتا لأن الناس عندهم ثقه كبيره في تويوتا وسياراتها

وبعدين كل هالمميزات وزياده وكيل زي العسل وتقوولن ليه منتشره ؟؟؟ والله سؤالك عجيب

بيكوز الزحف والتفحيط وانها تعيش وبس بأختصار الياباني يعيش ومطلوب