هل تكون مقارنة عادلة ----------- اكورد و اكورد

تبون الحق افضل شي يتركب في السياره اهو الجنوط اما التخشيب والدركسون هاذا انا ما اعترف فيه بتاتا انا معك حط جلد وجنوط ويكفي الموتر جديد وما انصحك تركب تخشيب تجاري وفيه موضوع اخونا XL عت التخشيب الردىىىىىىىىىء

silver_Accord


حياك الله اخوي silver_Accord ومشكور على مرروك

تغيير لمبات المسجل والطبلون وكل شي تقدر تغيره بس وين الناس الفاهمين اللي يفكون ويركبون !!!!!!

=====================

المثبت فكره سهله جداً جداً

يتكون من قطعتين :

قطعة السحب - لضغط الدعسة



وحدة التحكم



ويدخل كهرباء فيه وسلك نور فرامل "الفصل " وحساس السرعة وحساس لسرعة المكينة وخلاص

لدرجة شفت مقالات لتركيبه على دباب |10| |521|


والمفاجأه انك تقدر تركبه على نفس ازرار الوكالة |300|

وحالياً شفت مركب على لاندكرزوز وباثفايندر و ددسن و سيارات كثير مايمنع الاكورد والكامري والكوريلا

والسيارات اللي طايح حظها من المثبت |580|


بحاول ابحث عن افضل مكان وورشة توفر المثبت بشكل افضل واخبركم

تحياتي
محمد

مرحباً اخوي محمد
أنــا معك في اللي قلته حرفياً
وفكرتي نفس فكرتك وأنا مستمتع بتعديل السيارة على مزاجي
وأول شي سويته الجلد
ركبت جلد لونين بشكل رياضي
إن شاء الله اصورها واحطها في المنتدى
وقريباً جنوط 17 مثل اللي في التوقيع

بس حبيت اسألك ,, هل ممكن تغير لون شاشة المسجل ؟
وبالنسبة لمثبت الســرعه ,, هل أقدر اركب في الوكالة؟
لأني أتعب كثير في الخط بدون مثبت السرعه واخوك راعي خطوط ,, اسبوعياً اقطع 600 كلم خــط
وشي مُتعب بدون مثبت سرعه

مع خالص الشكر والتقدير لك لموضوعك المميز
على فكرة,, أنا شفت الموضوع من زمان وكل ما كتبت رد ينمسح وانقهر:)
اخوك SILVER ACCORD

لكل الاختيار اذا كان يهمك الازياق النيكل والمراتب الكهرباء ومالك نية ونفس تركب وتزيد خذ لك فل كامل

اما اذا شفت نفسك ذويق ولك خبرة بالتعديل والسوق انصحك بسياحي واقلبها فل فل كامل




تحياتي

محمد

شباب اش تنصحوني اشتري التيما فل ولا اقل نوع اقلبها فل ؟؟؟؟؟

السلام عليكم

اكورد وبس

حياك الله في الموضوع ومشكور على مشاركتك


ندخل في الموضوع

كلمة " مقدس " لاتطلق على المصحف او الحرمين

فما تقول المصحف المقدس "؟؟"

ولاتقول الكعبة المقدسة او الحرم المقدس ..........

والقُدُس : الطهارة والتقديس هو التطهير وذكرت ان كلمة وكالة او شد بلد لايمكن تدنيسها بالتوليف والتعبيث

وكلمة القدس او القدس بتشديد الدال ذكرت في اسم روح القدس وهو اسم لجبريل عليه السلام المعنى مااختص بها الله

كصفة مثل الخالق والرازق واستخدمت لخلقة او كاسم مدينة في فلسطين

ادري طالت المساله بس انت مستقعد لا عاد تدقق |243|


==============================
===============================

نرجع لموضوع المقارنة

انت الى الان تقارن الفل كامل بالسياحي واقصد بالسياحي اللى من الوكالة على طول بدون تعديل ولا اضافات


==================

والقيمة اللي ذكرتها أنت للجنوط هي قيمة لجنوط مع الكفرات ، بينما أنا ذكرت قيمة الجنوط فقط ، لأنك إذا جيت تركب جنوط مع الكفرات من الوكالة يركبون لك كفرات ميشلان ، فتصير القيمة الكلية 7500 أو أكثر ، وتعرف الفرق بين شد البلد وبين التجاري


الوكالة بامريكا منزله مقاس 17 مو 16 بس وانا بحط نفس مقاسات الوكالة

وقيمة الجنوط 17 نفس مقاس الوكالة ونفس مقاس مسامير الوكالة ونفس وزن جنط الوكالة ب 2500 ريال واصل السعودية

ومن ناحية الرساوة الجنوط تكون جنوط Racing جنوط رياضية = سرعة +ثبات+تحمل

والكفرات مستوى متوسط 220 ريال * 4 = 900 ريال مع اضافة 20 ريال ترصيص

المجموع = 3500 ريال - 7500 = وبكذا انا حاط 4 الف ريال في جيبي بالراحة



==================

أما التلبيسة فمهما ركبت فأنت مركب شي من الخارج ، مب شد بلد

مااقول شي |326| يعني الوكالة صانعين المرتبه جلد والا ملبسينها جلد



================

ومشغل السيديات اللي أقصده إن في الفل يشغل 6 سيديات ، بينما في السياحي يشغل سيدي واحد فقط ، والشاشة تختلف ، فشاشة الفل تكون كحلية والكتابة بأبيض تمام مثل عداد المسافة ، بينما السياحي شاشته عادي

اللى يشوف مسجل الوكالة ووصفك عليه يحسب انه DVD ونظام ملاحة

اشوى انه اصحابه متاذين من التقطيع والتعليق


فاذا كان مسجل الوكالة يشغل 6 سيديات فا مبدلات بايونير تبدل 12 سيدي ولك الحرية بتشغيل فديو

واذا كان مسجل الوكالة شاشته ضوئية وكنها اله حاسبة

فا مسجلات الخارجية شاشتها ملونه



==============

أما سالفة الزوائد ، فأنت قلت بنفسك بـ 200 رال ، يعني لازم تدفع عليها :D

ولاحظ إنك ترشها في أحد ورش الرياض بينما الفل تجي مرشوشة من هوندا ، ولاحظ الفرق


اممم مااتوقع هوندا او اي شركة ثانيه تصنع القطعة بلونها

تصنع كاخامة والرش يكون برى

ومن ناحية الفرق في اللون فالالوان تكون بكود جاهز موب صبه احقنه

يعني اللون واحد و بنسبة 100&


=================

فكره المثبت سهله جداً ومتحتاج شي كلها جهاز على سلك الابنص مع منظم وفاصل فرامل وانتهى الموضوع
قيمة 1000 ريال او حولها من الانترنت وعلى فكره الوكالات تطلب من نفس الشركة انظمة تثبيت سرعة

============

سماعات الوكالة حدها حدها سنة وخصوصاً للاستعمال المكروف صوت عالى وبيس يعني السياحي والفل لازم يغيرون السماعات


=============


الباقى فكرة المكيفين الصراحة تافه جداً يعني اللي مايبي المكيف وجه المكيف فوق والا وجه المكيف لك وخلاص

والسيارة كلها متر في متر ومكيفين وش خليت للفانات والجموس


والمراتب الكهرباء بتغيرها وضعيتها مره في السنة وموب كل يوم بتعدل وتضبط وللعلم الاكورد مافيه ذاكره للمراتب عشان ماتقول اخوي يركب المواتر وله ذوقه


بكل الاضافات هذي وانا موفر على الاقل 15 الف او 10 الف

بالسياحي اوصل مستويات من التعديل والاضافات اللى تناسبني كامستخدم واقارن بسيارات فخمة جداً وانا موفر

والفل مكانك سر


اما سعر السياحي فدائماُ اعلى من الفل الكامل في البيع وفي التشليح وبكل مكان

وتقدر تسأل بنفسك شوف سعر الكامري سياحي والفل كم مستعمل والاكورد سياحي بكم والفل بكم


والتعديلات اللى باسويه بنقلها لسيارة ثانية نظام الصوت والجنوط والزينون والشاشات

وغيرها

بينما الفل كامل بتبيعها كماهي



تحياتي للجميع

محمد

أقول وبالله التوفيق

تحس إني ناوي هوشة |527|

بالنسبة لكلمة ( مقدس ) فلا تقال هذه الكلمة إلا لما له قداسة شرعية ، كالحرمين الشريفين والقرآن الكريم أما إطلاقها بهذا الشكل فليس بصحيح أبدا

ولا رميت الكلام جزافا ، وهذا الشي ما تدخل فيه الآراء الشخصية بل هو شرع


وبالنسبة لأسلوبي ، فأحيانا طريقة القراءة تخلي الواحد يتصور إحساس الكاتب ، بسبب طريقة القرىءة الخاطئة

فهمتا ؟

وأنا طول ردي أتكلم عن الأربعة سلندر ، يمكن أخطيت بجزئية بسيييطة وهي مرشح الهواء ، مدري يمكن أخطيت

وعلى فكرة ، فأنا أذكر أي فرق لو بسيط بين الفل والسياحي ، عشان تحط ببالك إن كل الفروق هذي لازم تدفع عليها فلوس عشان تغيرها ، وأنت احسب قيمة الفلوس بنفسك

والقيمة اللي ذكرتها أنت للجنوط هي قيمة لجنوط مع الكفرات ، بينما أنا ذكرت قيمة الجنوط فقط ، لأنك إذا جيت تركب جنوط مع الكفرات من الوكالة يركبون لك كفرات ميشلان ، فتصير القيمة الكلية 7500 أو أكثر ، وتعرف الفرق بين شد البلد وبين التجاري

أما التلبيسة فمهما ركبت فأنت مركب شي من الخارج ، مب شد بلد

ومشغل السيديات اللي أقصده إن في الفل يشغل 6 سيديات ، بينما في السياحي يشغل سيدي واحد فقط ، والشاشة تختلف ، فشاشة الفل تكون كحلية والكتابة بأبيض تمام مثل عداد المسافة ، بينما السياحي شاشته عادي

أما المرآة الوسطية فمهما كانت في أي موديل فهي تعتبر فرق الآآآآن

أما سالفة الزوائد ، فأنت قلت بنفسك بـ 200 رال ، يعني لازم تدفع عليها :D

ولاحظ إنك ترشها في أحد ورش الرياض بينما الفل تجي مرشوشة من هوندا ، ولاحظ الفرق

مثبت الرسعة ، مرة أخرى أقول إنك لازم تدفع فلوس عليه ، وأقل شي بـ 1500 ريال تقريبا ، ونرجع لسافة إن مثبت السرعة اللي في الفل شد بلد

بعدين دلني على محل يركب على هوندا وأنا أروح أركب اليوم قبل بكرا

لاحظ هوندا

والسماعات ، أنا ما زلت أكرر كلامي إنك لازم تدفع فلوس على تغييرها

أما اللمسات الداخلية فأنا أذكر لك فروق عشان تعرف إنك لا يمكن تصير مثل الفل بنفس القيمة ، بالذات المراتب اللي على كهرباء ولمبات المرايا

طيب ، وين الرد الباقي على نقاطي اللي ذكرتها لك :)

وين الرد على المكيف الالكتروني ؟

وأيضا أبغاك تجيب لي جلد مثل جلد الوكالة ، وبقيمة غير مكلفة :)

كذلك ، لاتنسى إن التحكم في المكيف في الفل مزدوج ، يعني للسائق تحكم وللراكب تحكم ، طيب وين تبي تدبرها في السياحي :)

والجنوط ، لا يمكن تجيب شي أفضل من صناعة الشركة نفسها ، لأنها هي اللي صنعت السيارة وحطت جنوط بمقاسات مدروسة ، ولاحظ إنك إذا ركبت جنوط تجارية إن ثبات السيارة بيختلف ، والتجاري يبقى تجاري

أما إذا بغيت أصلي من شركة معروف فعليك إنك تتأمل في السعر

وشي أخير ، لا تنسى الجهد اللي بتبذله لكل هذي التغييرات ، شي مب سهل

وأيضا ، رح للمعارض وقل لهم إني غيرت كل شي عشان تصير مثل الفل ، وشف كم تجيب لك

وأنا ودي إنك تجمع المبالغ اللي بتحطها في التغييرات وتقارن

أنا معك إن قيمة الأكورد مرتفعة بشكل مخيف ، وأنا منقهر من الشي هذا ، لكن أنت قلت إنك تقدر تخليها مثل الفل بقيمة أرخص ، وهذا اللي ما أوافقك عليه

تحياتي

الله يهيدك

والله لو حنا نتهاوش عشان أجمع :D

تدري عاد

بنفس الوقت اللي رديت علي فيه كتبت رد ، وبينما أنا أكتبه وقطعت مشوار فيه انفصل السك عن الجهاز ، تعرف شغل المقاهي خايس ، وإلى الحين وأنا متحطم |284|

لكن أبشر شوي والرد جاي :)

سيارة


مشكور مرروك والمرشح المقصود هو مرشح هواء المكيف

والا الفلتر العادي في الددسن 79


حارش مارش

مشكور مرروك


فواز

مشكور مرروك وردك دسم جداً ويبرد القلب

مثل منت ملاحظ من حطيت الموضوع و اصحاب الفل كامل قطعوني |484|

واللي معهم سياحي |291|


اضافة على كلامك ارجو من الجميع الدخول الى sounddomain
وستجد سيارات فارهة جداً مغير نظام الصوت بالكامل الى شركات من السوق بايونير - الباين


أكورد وبس

حياك الله
ووعندي احساس انك تجمع |542|

بس اهم شي وسع صدرك تراها سواليف


AhmadBaroo

1000 ريال هذا احسن شي مرررره وناصب عليك بعد
انا مركب ب 300 ريال بس وتركيبها خيالى وناس كثير اول ماشافة يحسب اني مغير المراتب من جودة التركيب

بالنسبة لي الجلد احبه مررررره وماكملت السيارة عندي يومين الا انا مركبه




حياكم جميع

اخوكم

محمد

اخوي AhmadBaroo انا من الكويت وهذي الاسعار الموجوده بالسوق

بحفظ الله

اخوي انتا متأكد من الاسعار وخاصة الجلد ؟

وانت من وين انا عندي التيما ابغى اركب لها جلد يريت تقلي المكان بالظبط لو تكرمت

انا من جدة

ممممممممممممم

طيب أنا بمقهى لكن أذن ولا يمديني أكتب رد

أجي في وقت أوسع إن شاء الله وأوسع صدري :D

أخوي محمد أنا أؤيدك بكل اللي قلته والتوفير يكون اقل بكثير

وعلى تخشيبة الدركسون ... فهي أمرها جدا بسيط بس لايزم يكون عند واحد فاهم والجلد متوفر بكثرة وينباع جاهز بعد ( مع ان جونا مايتحمل الجلد )

النظام الصوتي انا ابصم بالعشره أن الموجود بالسوق أفضل بكثير من الموجود بأي سيارة ( شد بلد ) والدليل كل الاجانب اول شيء يعملوه بغيرون النظام الصوتي في سياراتهم حتى لو كانت لكزس او مرسيدس

الجنوط ... يعني ايش الجنط 16 هذا اللي يسوا اكثر من 1700 ريال !!

اربع جنوط مقاس 16 ماركة عالمية معروفه سعرهم مايتعدى 2000 ريال ( حسب ماشوف بالسوق )


عموما كل شخص وله وجهة نظر ... مثال في ناس ماتحب تعمل بالسيارة اي شيء مهما كان بسيط هذولا يصلح لهم السيارات الفل ... اما الناس اللي تحب تبدع في السيارة فهذا يصلح له السياحي ويعدل بسيارته على كيفه


ومشكور ياغالي على الموضوع :)




اخوي سيارة

الفني اللي قال لك هالكلام غلطان ... المرشح هو مجرد فلتر عن الغبار ويحتاج تبديل كل 50 الف كيلو على أكثر تقدير والدليل خليه يوريك المرشح الموجود في سيارتك اذا كانت سيارتك ماشيه اكثر من 40 الف كيلو وشوف كيف حالته


بحفظ الله :)

انا اضم صوتي للأخ 922 ...

فعلا الوكالة نصابة ....

في موديلات 2003 سعر الفل 71 الف ريال والحين سعره 86 الف ريال !!!!!

شي مو معقول أبدا ..

لكن بدامهم ضامنين المبيعات وش وراهم :)

ألف شكر لك أخوي 922

أخوي أكورد وبس :
بالنسبة لنقطة رقم 11 وش تقصد بها ؟

---------------------------------------------------------------------------

أخوي محمد :

بالنسبة لمرشح الهواء يتغير كل 50000 كلم , لما طلعت لصيانة 50ألف سألت الوكالة عنة قالوا هذا ما يتغير ابداً !! إلا فى البلاد الباردة .

السلام عليكم

اخ اكورد ليش معصب وداخل وسال سيفك

تراه نقاش ودي ومافيه شي يزعل |243|


باستخدامي كلمة مقدس ماخالفت الشريعة والسنة ولاضاهيت الخالق فيها

وياليت ترى الامور من كل الجهات قبل ماترمي الاحكام جزافاً

ولكل انسان وجهة نظر ولازم نحترمها |502|


نجي للنقاط اللي ذكرتها :

اولاً انت خلطت في الكلام ودخلت السته سلندر

والكلام فرق ال 10 الف = 4 سلندر فل كامل
السته فرق 20 الف

وبعدين قيمة الجنوط 7 الف مو 5500 4 جنوط ايضاُ يمكن خلطت بين ال 4 وال 6
وتلبيسة الشنطة اللي ب 20 ريال من التنجيد مو موجودة بالاربعة سلندر فل كامل

ومشغل السيديات في كل الانواع

ولو قريت بداية الموضوع المقارنة تمت بعد اضافة الاكسسوارت والاضافات للسياحي
وليس المقارنة بالستوك شد البلد


طيب نجي للباقى :



7- مرشح هواء موجود خلف الدرج الموجود أمام الراكب الأمامي ، موجود في الفل وغير موجود في السياحي
نزل كتلوج الصيانة في الوكالة سالت عنه مانزل الا كاتلوج القطع فقط وموب للبيع|408|


في موديلات 2005 ، مرآة السواق الوسطية تختلف عن السياحي ، لأن فيها تعتيم النور العالي
نزل في الاصل من موديلات 2003 كاكسسوار في امريكا ومانزل على الفل نهائياً الا على 2005 وفي الخليج بس
يعني تتركب ومن الوكالة شد بلد

8- الزوائد بلون الهيكل ، بينما السياحي يجي أسود
200 ريال مرشوشة في الوكالة بعد ونفس اللون شد بلد فل كامل وكالة

6- ومن أهم الأشياء مثبت السرعة
موجود تركيبه في محلات متخصصة ونص الجيوب يركبونها ويركب على تحكم شد البلد فل كامل وكالة

7- السماعات والمسجل والنظام الصوتي
بالنسبة لي تعديت مستوى الفل كامل وسيارات كثيرة اعلى من الاكورد من زمان

اما

3- اللمسات الداخلية اللي ما يمكن تضاف للسياحي إلا بصعوبة بالغة ، منها النيكل الموجود على فتحات المكيف ، وجميع أزرار النوافذ مضاءة في الفل بينما في السياحي بس اللي عند السواق فيها لمبات

4- لمبات المرايا اللي قدام السواق والراكب

5- مرتبة السواق على كهرباء


هذي تذكرني باللي شرى كامري عشان فيها حساسات وستارة |408|


عموماً النقاش بيكون عقيم لان صاحب الفل بيزعل ويقول شلون وشلون وماتصير
وصاحب السياحي بيأيد ويقول لا صح كذا التوفير




تحياتي للجميع

محمد

تذكرت .. السماعات في الفل 6 سماعات ، وفي السياحي 4 سماعات

أولا .. أحب أنبه إلى كلمة ( مقدس ) حاول ما تستعملها إلا لشي له قداسة شرعية

ثانيا ، من قال إن الفرق في الاكسسوارات

فيه فروق رئيسية مهمة

1- المكيف الالكتروني

2- الكفرات والجنوط ، خمس ، وبالوكمالة أربع بـ 5500 ريال بدون الكفرات

3- اللمسات الداخلية اللي ما يمكن تضاف للسياحي إلا بصعوبة بالغة ، منها النيكل الموجود على فتحات المكيف ، وجميع أزرار النوافذ مضاءة في الفل بينما في السياحي بس اللي عند السواق فيها لمبات

4- لمبات المرايا اللي قدام السواق والراكب

5- مرتبة السواق على كهرباء

6- ومن أهم الأشياء مثبت السرعة

7- مرشح هواء موجود خلف الدرج الموجود أمام الراكب الأمامي ، موجود في الفل وغير موجود في السياحي

8- الزوائد بلون الهيكل ، بينما السياحي يجي أسود

9- في موديلات 2005 ، مرآة السواق الوسطية تختلف عن السياحي ، لأن فيها تعتيم النور العالي

10 -طبعا التخشيبة

11- مشغل السيديات

12- تلبيسة الشنطة

هذا اللي أذكره الحين ، وش رايك كل هذا بـ 9 آلاف ريال

هذا غير إن الفل شد بلد وكل اللي بتركبه شي إضافي

تحياتي :)