استفسارات عن الكامري ؟؟؟

مــــوادع @user_10390 · 10-12-2004

السلام عليكم
كيفكم شباب ؟

السالفه ياطوال الاعامر اني رجال نويت اشتري كامري جي ال اكس فتحه قير عادي 2005 فجاء على بالي بعض الاسئله وقلت مالي الا منتدى السيارات منتدى الخبراء لذلك رايكم يهمنا ...

الي معه كامري فتحه هلى فعلا زي مايقولون انك اذا كنت مسكر الفتحه وماسك خط تسمع صوت تنسيم ؟ وهل اصوات التنسيم مع الدرايش مازالت موجودة والا تلافوها في 2004 و2005 ؟

للي معه كامري 2003 او 2004 او 2005 كم مشيت بموترك الى الان وهل اشتكيت من مشاكل في الموتر ؟

واخيرا واسفين على الاطاله وش رايكم انا محتار بين ثلاثه الوان الفضي والابيض والبحري ؟

*الـسـفـيـر* @user_7407 Banned · 11-12-2004

اهم شي بالنسبة للألوان انك ما تآخذ أبيض ... بعدين الناس يأشرون عليك على بالهم تكسي |300|

الحنون 2000 @user_5663 · 11-12-2004

انا معي كامري 2003 وماني مشتكي الا من الاقمشة ياخي عذاب كل 3 شهور لازم تتغير والصوت موجود عندي صوت التنسيم ووديتها الوكالة وقالو لي خلاص حلينا المشكلة وطلع كلامهم اي كلام..امشي 160 يبدا يطلع الصوت ......

غير كذا الكامري ينشد بها الظهر بس عيبها الوحيد انها مع كل الناس يعني تطالع يمين يسار كامري فوق تحت كامري وبصراحة انا ديت ازهق من كثرتها او افكر اني اعدل السيارة عشان تصير مختلفة على الاقل

سلممممممملم

blackss @user_5214 · 11-12-2004

2004 الدفعات الأخيرة حلو المشكلة وبالنسبه للون انصحك بلون البحري بعدين اسود

أبو عبدالعزيز @user_6640 · 11-12-2004

تسلم أخوي الصقار
أحرجتني.........( بعد قلبي والله )
أما أخوي CAMR_GLX
فشكرا على تأكيد المعلومة

CAMR_GLX @user_16099 Banned · 11-12-2004

2004 الدفعات الأخيرة حلو المشكلة أخوي أنا معي 2004 ما فيها تنسيم

وأنصحك بالأبيض

الـصـقـار @user_12505 · 10-12-2004

والله اخوي ابو عبد العزيز انت وابو عبدالله مراجع للكامري وحنا مانسوى شي قدام معرفتكم بس واحد من اخوياي معه 2004 بحري عنده هالمشكله بس راح للوكاله وضبطوها

Ghonaim.a @user_5082 · 10-12-2004

السلام عليكم

هلا اخوي مــــوادع

اول شي احب اهنيك على اختيارك الموفق للكامري

بالنسبه لاستفساراتك

الفتحه لا يوجد بها صوت يتناقش فيه ....يعني فيها صوت لكن مو محسوس او ملحوظ لكن اذا دققت فيه راح تسمع الصوت وهذا الصوت

لا تخلى سياره بفتحه منه ابدا

اما التنسيم بالفتحه هذه سالفه قديمه جدا وقد تم حلها مع 2004

وانا اعرف اكثر من شخص معهم كامري وما اشتكوا منها في شي يذكر

والكامري من السيارات اللي تاخذها بدون ما تسال عنها اصلا

اما اللون انا افضل الابيض وبعده الاسود والبحري مو عاجبني وراح يصير قديم

اخوك كــــ717ــــام

أبو عبدالعزيز @user_6640 · 10-12-2004

كفيت ووفيت أخوي الصقار
وهذا مهب غريب عليك
وكأني سمعت أنهم تلافوا المشكلة في آخر دفعه في 2004 ( ماني متأكد )
أخوك أبو عبدالعزيز

الـصـقـار @user_12505 · 10-12-2004

الي معه كامري فتحه هلى فعلا زي مايقولون انك اذا كنت مسكر الفتحه وماسك خط تسمع صوت تنسيم ؟ وهل اصوات التنسيم مع الدرايش مازالت موجودة والا تلافوها في 2004 و2005 ؟

لا تنسيم بالفتحه اما في الابواب فحد علمي بها في 2004 اما 2005 مادري هل تلافوها ام لا؟

للي معه كامري 2003 او 2004 او 2005 كم مشيت بموترك الى الان وهل اشتكيت من مشاكل في الموتر ؟

الكامري موتر ممتاز بل التيوتا عامة والكثير من معارفي معهم كوامري بل واحد منهم والله معه 2003 ماشي فيها 150 الف كم والله العظيم ماشتكا منها

واخيرا واسفين على الاطاله وش رايكم انا محتار بين ثلاثه الوان الفضي والابيض والبحري

انا اقولك الاسود بعدين البحري بعدين الابيض