الكامري الامريكية

اخوي محتار يا الكامري.انا ثاني مره مدري ثالث مره اسمع بكامري امريكي وانا اقدر شي امريكي.واقولك اشترها وتوكل على الله بس الي ينخاف منه القطع تلاقيها واذا بعتها تجيب سعر لك على قولت الشباب واسف على الطاله

up

وينكم شباب

السلام عليكم شباب انا ركبتها وماشاء الله الموتر نظيف داخليته وبعطيكم المواصفات

أسود
4 سلندر
قير أوتماتيك
فتحة
مسجل كاسيت وسيدي
مثبت سرعه
كشنات الكتروني
ماشيه حسب كلامه 42 الف كيلو

وسعرها غالي ماثبت على السعر ولكن يقول 50 ألف


ياليت خبراتكم شباب ومشكورين

توكل على الله وخذه

up

لمشاركات الشباب

عربجي جده
----------------------
مشكور اخوي انا من الكويت وشفتها وان شاء الله بصورها وبنزل صورها هنا بالموضوع نفسه وبصراحة ماشفتها عدل بس مافيها اى فخامة او تخشيب كانت عاديه بس شكلها مرعب

----------------
blackss
ونعم بالله مشكور على كلامك الطيب وتسلم اخوي

---------------
فواز
هلاوغلا مادققت بداخليها لان خارجيها اسرني بجمالة وقوته والاسود عذابي ان شاء الله انزل صورها باجر

--------------
Bo SeeF

على راسي والله تسلم اهي بمعرض بصراحة وانت عارف اهل المعارض وهي نفس اللى بالصورة بالضبط اللهم اسود والمكيف مو الكتروني ولا فيها تخشيب ونفس المسجل لي رجعة وياك بصورها ومعلومات اكثر عنها

-----------
Octavia 2002

كلامك عين العقل وهذا اللى فكرت فيه وقاعد احسب حسابه واشوف المكينه نفس الساير(الوكيل عندنا )

على كل حال ان شاء الله بصورها وبجيب المعلومات والخبر الاكيد واقول لكل الشباب بيض الله وجيهكم وماقصرتو كفيتوني وافيتوني

تحياتي لكم

أخوي أحب أقول لك ... مع إحتراماتي لكل اللي ردوا ..

أخوي الأكبر مني عنده كامري أمريكي موديل 97 أو 98 .. أول ما خذاها قال بوديها الوكالة علشان يسوي لها صيانة .. قالوا له أمريكي ما نأخذ قالهم ليه .. قالوا يمكن مكينته غير .. و إذا إختربت عندك قطعة لازم تشوف محل يجيب لك قطع كامري وارد امريكي لأن الوكالة ما توفر لك القطع ..

و سوري إذا أزعجتك تحياتي

السلام عليكم ....

اخوي انا اقولك اصبر شوي .. واسال الي شرا الكامري الامريكيه من قبل ... شلون استعمالها ..
وبعدين شوف قطع غيارها اذا متوفره ... واخيرا شوف رغبتها بالسووق .. اذا فكرت تبيع السيارة بعدين ..


انا الي اعرفه ان الفرق .. السطبات لونها احمر زياده ... وقدام الاشارات صفر ...


وهذي بعض الصور عن الكامري الامريكية










والشبك يختلف بعد ...




هذي المكينه ... مادري اذا تشبه مكينه الخليج ولا لا ..

..




ونسيت اقولك ... بعد فيه على ما سمعته من الشباب ... انك اذا طقيت العالي يطفي الواطي او السكنات ..




بالنهايه .. اقولك فكر .... وصل صلاة الاستخاره

بعدها توكل على الله

اللي اعرفه انها ما تختلف الا بالمواصفات

واحد من الاصدقاء عنده معرض سيارات واذكر انه جاب كامري 2002 امريكية وفيها من المميزات اللي ماتلقاه بغيرها بس اكثر شي عجبني هو النافيغيتور ( الخريطه ) كنها ماتشتغل بالخليج :D

كذلك كان شكلها نفس شكل ال2003 اللي عندنا مع ان موديلها 2002 !!

توكل على الله وخذه

الكامري الامريكية ماتفرق عن السعودية الا في بعض القطع البسيطة
توكل على الله وخذه
على الاقل الكامري الامريكي ياباني ميه في الميه ومواصفاته افخم واعلى من اللي عندنا
والكامري السعودية ليست يابانية بل استرالية

ابشر بسعدك

لي رجعه معك اوكي

مستعجل من جد