مقارنة بين البرادو والباثفيندر

اهلا فيك في المنتدى

البارادو يا اخوي تعتبر من فصيلة الاند كروزر

لوانت بغيت من القوة شيل البرادو

اما اذا بغيتمن ناحية الاقتصاد في الفلوس شيل البثفندر ;)

عفو ياشباب تسمحون لي على المداخلة هذي

انا بصراحة ممن جرب سيارات تويوتا وفعلا ماعليها غبار
تحمل وكرف وتعد من افضل السيارات في العالم

لكن في الآونة الاخيرة شركة عبداللطيف جميل استغلت الناس استغلال غير عادي
انوااااااع الضحك على الدقون في اسعار السيارات

بالله احد يقدر يقنعني ان سعر البرادو او الجي اكس آر منطقي ومعقول؟
ولا الفي اكس ار؟ طق فوق الميتين الف؟ :eek:
الادهى والامر انك تشوف مسجل الجي اكس آر قسم بالله بعشرة ريال مااشتريه من الحراج
فعلا شي مخجل وعيب والله العظيم على شركة عبداللطيف جميل تجيب سيارات بمثل هذي المواصفات ثم تبيعها بهالاسعار الخيالية
وكله كوم والاكسسوارات اللي يركبونها في جدة على انها شد بلد مثل الحساسات وغيره

انا مثل ماقلت ماعندي ادنى شك ان تويوتا شركة عملاقة وسياراتها فعلا عمليه
لكن الورطة لما تطيح في وكيل جشع ويستغل الناس

روحو شوفو الجيوب الخليجية وشوفو مواصفاتها وقارنو اسعارها باسعار ابو جميل النصاب
عشان كذا انا لو مايبقى في العالم غير التويوتا مااشتريها
موب عشان السيارة, عشان لاانضم لقائمة الملهوفة دراهمهم من غير وجه حق

نرجع لشركة نيسان
التاريخ اثبت ان محركاتها افضل واقوى بكثير من تويوتا
عيبها انها ليست بتحمل سيارات تويوتا
سيارات نيسان تهربد بشكل اسرع من سيارات تويوتا
قطع غيارها اغلى على حد مااسمع

نرجع لمحور حديثنا (صادوووووه |11|)
هناك اوجه قوة للبرادو ونقاط ضعف والكلام نفسه ينطبق على الباث فايندر

لكن النقطة الاهم واللي ماتكلم عنها سوى القليل من الاعضاء هي السعر وماادراك مالسعر
يعني الفرق يوصل إلى 50 الف ريال, يعني قيمة سيارة جديدة
بذمتكم نيسان ماهي قادرة بهالخمسين الف تجهز الباث فايندر وتطلعه اطلق من الفي اكس ار5؟

يعني مع احترامي للي جالسين يعددون مواصفات البرادو, ماناظرتو سعر الباث فايندر بكم؟

عشان كذا البرادو ماله اي ميزة بتعدد مواصفاته مع سعره المبالغ فيه جدا

واذا تبغون تكون المقارنة عادلة وفي نفس رينج السعر والمسألة مسألة مواصفات فقط, اجل قارنو البرادو بجيب الانفينيتي وخل ابو جميل يبكي لين بكرة
وعلى فكرة
نيسان اخذت منحنى جديد في التسويق في السنوات الاخيرة
فعلا بدت تطلع مواصفات سيارات عالية بمعنى الكلمة وباسعار معقولة
ولو استمرت على هالمنهج راح تكتسح تويوتا وبقوة

وعلى فكرة, ا ذا صاحبنا من هواة التطعيس ترا التويوتا لاتقارن بالنيسان في هذا المجال
قارن الباترول بالفي اكس
وقارن الباثفايندر بالبرادو
وقارن النيسان بيك اب بالهايلكس
صراحة مافيه اي وجه مقارنة
النيسان اخففففففففففففففففففف واكثر سلاسة بالطعوس

اما اذا البيئة اللي انت فيها جبلية فماراح يعيش معك الا تويوتا
ا
عشان كذا اقول لصاحب الموضوع

اذا كان موضوع السعر مهم بالنسبة لك فانصحك وبدون اي تردد انك تطق الباثفايندر

اما لو كانت الفلوس ماتهمك ابدا فانا.....






ماانصحك بالبرادو ابدا ابداا |13|


تحياتي لك ولجميع من شارك بالموضوع

البرادو احسن مواصفات اوكي ما قلنا شي ؟؟؟

بس بكم سعره ؟؟

141 الف ريال !!!

هالمبلغ هذا مستحيل ادفعه بدفش تويوتا :(

والفرق بينه وبين سعر الباثفايندر اكثر من شاسع ,,

أقول لصاحب الموضوع ..

اذا كنت شخص مستعد تدفع هالمبلغ للبرادو اشتره بدون تردد لأنه أفضل ..

اما اذا كنت تبي سيارة يكون سعرها فيها خذ الباثفايندر :)

على فكرة بسعر البرادو تجيب لك سيارات كثيرة افضل ..

وافضل بمراااااااااااااااااحل واقدر اقول ما فيه مقارنة بينه وبينهم :rolleyes:

اخوي والله لو اني بمكانك بشري برادو....


لأنه افضل ضمان وشركة واوسع واقوى على ما اظن

مشكلتك يا اخ NICK انك متعصب جدا للتويوتا (راجعوا ملفه الشخصي)
والنقاش معك ما راح يجيب نتيجة.
لاكن كدليل على صدقي ودقتي في المعلومة بالنسبة للايرباق اليك هذه الصور (عد الايرباقات الي في الصور)

وهناك فئه من نيسان ستصل الخليج خلال شهر وتسمى نيسان ارمادا وهي بحجم السوبربان تقريباً واكبر من الفورد الاكسبيديشن







المحرك 4x2 | 4x4 الرمزVK56DE الطراز ثماني أسطوانات ، صمام علوي الشوط x القطر مم98/92
السعة 5.6 Liters أقصى قدره( إجمالي إس إيه أي )340/4900
أقصى عزم (إجمالي إس إيه أي )57.1/3600
نسبة الإنضباط9.8:1
نظام الوقود تحكم نيسان الإلكتروني في حقن الوقود

هل يمكن لبرادو انها تنافس باثفايندر الجديده او الارمادا بكل سيارات تويوتا
ممكن رد

السلام عليكم
هادي اول مشاركه لي بالمنتدى
والي جدبني هذا الموضوع
لقد تم تغيير شكل الباثفايندر لستة 2005 بامريكا واحتمال يطرح بالخليج سنة 2006

مميزات المحرك
6سلندر ,
4,0لتر
270حصان
ثلاثة صفوف من المقاعد من الجلد الفاخر











يتبع

شف اخوي

مافيه اي وجه مقارنه بين البرادو والباثفندر وحرام تقارنهم صراحه الا يمكن الشكل

البرادو احسن في كل شي واقوى واوسع وافخم واقل صرفيه

ويين والله حرام تقارن وبالنسبه للي يقولون مككتوب في الكتلوج ينقلب ممكن تورينا؟

لاني متأكد ان اللي يقولون هالكلام يرددون حكي يسمعونه وبس
وعلى فكره توب جير مصنفته احسن سياره متعددت المهام اللي هم الانجليز اللي ما يعجبهم العجب

واللي يقول لي الباثفندر فيه 6 ايرباق مع احترامي لك حبيبي لكن معلومة خطأ
الانفنتي مافيه 6 عشان يجي في الباثفندر
واذا الباثفندر فيه abs
البرادو فيه abs +ebd + ed + vsc وهيدروليك ونظام نزول وطلوع مرتفعات وغيره وغيره

اخوي واللللللله حرااام تقارن كانك تقدر على البرادو ومعجبك شكله فلا تتردد ابدااا فيه
لاني اشوف ان شكله مش ولا بد

تحياتي

حلوة ذي تتهمني بالكذب وليش اكذب السيارة موجودة في الوكالة واي واحد يقدر يروح ويتأكد من الي قلت
اقول قم بس قم
الله يهديك يا اخوي شكلك ما قد شفت نعمة ولا تعرف ان فيه شيء اسمه مواصفات فيه شيء يجي
standered (سياحي) ويجي نص فل ويجي full option (كامل المواصفات)
والABS ما يجي الا في الفل
بعدين هذي أول مشاركة لك شكلك ما سجلت الا لأجل ان ترد علي هههههههه

والله ان كانك تبي القوه معروفه نيسان

اخوي معه باث فندر قابله ددسن وش ددسن قابله ايش مدري وش اقول لك الصراحه

انا بنفسي مطعس فيه والله كويس مررررررررررررره وما فيه وجه مقارنه بينه وبين البرادو والبرادو فيه بعض المميزات اللي يضيفها الوكيل لاكن اذا انت عندك عيال كثير انصحك بالبرادو اما اذا انت شباب الباث فندر حتى ميزته خفيف وبرضوا كفراته كبيره
بس 2005 فيه ميزة بايخه القزازتين الخلفيتين حقت المقعد الخلفي والقزاز الخلفيه مظلل تظليل من نفس القزاز بس مدري تقدر تشيله ولالا
ولا نفس مكينه 2002

اسمحلي 6 ايرباج و abs وون قاعدين اجل ويش ظل حق الانفينتي


وانا عند عمي واحد واحد من الشباب ما فيه الا اير باج واحد ولا فيه abs

وفيه عيوب كثيرة (تعد المحاسن اصرف)

الباث فايندر
نبدا بالميزات اول
اقوا من البرادو 250 حصان من 3.5 قدام حوالي 240 للبرادو من 4.0 (vx) حسب معلوماتي
وزن اخف وشكل اصغر (في البر انسا شي اسمه تغريز |6| نسم الكفرات الى 10 وطعس بالريوس)
وغيرها من الميزات الداخلية الثانوية
عليها ضمان سنه شامل لدي الوكيل
السعر المعقول جدا مقابل مواصفات عالية(انا معي 2003 فل كامل ب 85000 ريال مقابل ABS و 6 ايرباق و CD وتخشيبة
وريموت ونظام ضد السرقةوقفل دفرنس)
بالنسبة للبنزين عادي جدا تعبيه ب 60 ريال يمشيك 460 كلم
يمسك سعره لاجيت تبيعه لأن عليه طلب

العيوب
مافيها مرتبة 3 يعني 5 مقاعد بس
قطغ غيارها نار
بعض الأصوات الخفيفة من وقت لاخر(عيب النيسان)
ما فيه تانكي بنزين ثاني
منتشر انتشار مهب صاحي


البرادو
الميزات
تو شكله متغير لاكن الباث شبابي أكثر
8 مقاعد ومكيفين
قطع غياره رخيص
من الداخل وسيع

العيوب
سمعت ان فيه مشكلة في عمود التوازن
خلف المرتبة الثالثه مافيه مساحه ابد
شكله غبي مرة تقول كنه علبة كبريت
الارتفاع اللي مهب صاحي(في الكتلوج تحصل تحذير من الشركة انك ما تمشي اكثر من 80 في اللفات)
السعر الغالي جدا 140000 (اطقلي GXR ازين)واقل فئة منه ب90 الف وبها السعر تقدر تشتري باث فل كامل
................................................

كانك بتاخذ شوري اشترلك باث اصرف
وانت ابوها وسمها

البرادو ممتاز ويتفوق على الباثفاندر بس حط في معلومك

البرادو 4 سلندر قير تماتيك 3صفوف من المقاعد وسياحي المواصفات فقط 99 ألف ريال سعودي:mad:
البرادو 6 سلندر قير تماتيك 3صفوف من المقاعد فل أبشن 141 ألف ريال سعودي:mad: :mad:
بينما الباثفاندر فل أبشن ب93 ألف ريال:)
فرق شاسع في السعر
وكالة عبداللطيف تقول(إذا وجدنا أقبال كبير على نوع معين نقوم برفع سعرة) ودك تسحب منهم الشركة وتاخذها شركة أحسن منها:mad:

البرادو أفضل بكثير اذا كان 6 سلندر

عيب البرادو الوحيد أن سعره مبالغ فيه جدا جدا جدا جدا جدا جدا جدا جدا جدا جدا جدا جدا :D

وبالتوفيق :)

أخي إذا تبي تشتري اشتر البرادو في إكس:

من مزاياه: 2 تانكي بنزين- صف أخير للمقاعد غير موجود في الباث = 3 صفوف (يعني يركب في السيارة 6-8 أشخاص!!) - رحابة السيارة من داخل- ارتفاعها ممتاز سواء للطعوس أو للطين أو الماء- مكيف وراء وقدام...-مشغل سي دي - شاشة نظام معلومات (بوصلة- معدل استهلاك البنزين- الحرارة الخارجية- الارتفاع.....الخ) غير الأنظمة في موديل 2005 مثل التحكم في ثبات السيارة والصعود والنزول من المنحدرات...حساس للتنبيه عند الرجوع للخلف بالسيارة...

من عيوبه: صوت الهواء- الارتفاع قد يزيد من احتمال الانقلاب (أغلب الجيوب معرضة لهذا)

عن تجربة.....مريح ويصبر معك...

الباثفايندر....يقولون أنه يشفط بنزين شفط....يتفكك بسهولة....الشاصي أضعف من شاصي البرادو...من داخل ضيق جدا..صفين من المقاعد فقط..سعر قطع الغيار نار حمراء..ومن محاسنه أفخم من داخل ...أقوى عزم مكينة... و في الطعوس أقوى (بشيء لايذكر)

بالوفيييييييييييييييق

ياهلا وغلا عزيزي اصيل ..

وحياك الله في منتدى السيارات ومنور اصيل هالمنتدى ..


وانشالله تستفيد ونستفيد منك انشالله ....


اخوي اصيل بالنسبه للبرادو فهذا الجيب سريع الانقلاب بالاضافه انه مايتحمل ومو حق سوالف طعوس فقط حق شارع ..

لانه مايتحمل ومو بقوه الباثفندر ..

والبرادو مو ثبات في المنحنيات وعالي وبالخط مايمشي اذا كان فيه هوا قوي لانه تصميمه مو حق سرعه ولا طعوس ..


فقط شكل ومظهر وعلو على الفاضي ...


لكن الباثفندر يقدر في كل شي .. وقوي ويتحمل بالاضافه الا انه ضغطه عالي وقوي ..



وتحياتي لك اخوي اصيل

وياهلا وغلا فيك .



night

البرادو يتوفق في على البايث فاندر

من ناحية السعه والرحابه

والفخامه والشكل الخارجي




ويكفي انه تويوتا