المبلغ جاهز وانا شاري السياره خلال اسبوعين بس ابي رايكم

ابو مالك @user_18445 · 19-03-2005

السلام عليكم

يا جماعة الخير انا نويت وبعد جهد جهيد و تعب في جمع المال ان اشتري سياره للعايله طبعا المبلغ المطروح للسياره 130 الف ريال(الله لا يخسر) بس اني احترت بين السيارات الي موجوده في السوق اليكم الموصفات الي ابيها:

عدد افراد الاسره مع الشغاله :9 افراد
السياره يجب ان تكون ذات دفع رباعي
تاخذ افراد العايله براحه كبيره
وتعيش معي طبعا مع الاستخدام النظيف
تعامل الصيانه مع الزبائن ممتاز وسريع (يعني ما اخلي السياره عندهم اسبوع واطلعها واخر شي يرجع الخراب)

طبعا العايله اول ما قلت لهم قالو نبغى جمس فا رحت للوكاله وحسب فلوس والموصفات الي ابيها اخترت

مقاسه 1500
دبل
الفأه: SLE
اللون فضي
السعر127 الف

توني جاي ابي خلاص اشتري الا وينقز واحد من الجماعه يقول ليش ماتشتري الارمادا وقعد يمدح فيه ويركز على ان دبل السوبر بان ولا شي عن الارمادا لان السوبر الدبل حقه كثير خراباته

وبعد نصحني بالاكسبدشن وقام يجمعلي من السيارات حتى ضعت

والله النيسان مادري عن خدمت الصيانه والسياره هل تعيش مع صاحبها ولا لا

وكذلك يقول خويي ان الجمس كاتبين في الكتلوج ان قوته 327 حصان وهو على الطريق ما كأنه يسوى القوه هذي بينما الارمادا قوي مره بحيث انه يقطع من 0 الى 100 خلال ثمان ثواني تقريبا

ابغى تختارون لي سياره خلال هالاسبوعين و حسب الموصفات الي قلت ولكم جزيل الشكر

الـصـقـار @user_12505 · 08-04-2005

اذا تبي موتر بهالموصفات اللي قلت

خذ لاند كروزر هدد قطري

M7M @user_14870 · 21-03-2005

:confused: اسف اخوي كابرس واخوي ابو مالك على معلوماتي الخاظئة بس ولله انا كنت احسب انه طلع سنة 98 على العموم اسفين واذا كان الموتر مابيتغير شكله الا عام 2009 :D مايبيلها كلام اكيد سوبر بان

Caprice @user_9992 · 21-03-2005

M7M
الجمس ماطلع الا ب2000 موب 98
وثانيا الموتر موب متغير الا في 2009 :)

أبـوأسـد @user_15810 · 21-03-2005

خذلك سوبربان أما
فئة 1500 وهو الأقل أستهلاك.
أو فئة 2500 وهو الأقوى بس أعلى أستهلاك بشوي لمحرك 6 لتر واحد يقول من أخوياي يقول أنه سأل واحد عنه سوبربان مكينة 6 لتر كيف صرفيتة يقول 10 ريال تمشيك بين 65 إلى 80 كيلومتر يعني حلو على حجم السيارة وقوتها الممتازة

قلم أزرق @user_15272 · 20-03-2005

السوبر وبس

تحياتي

M7M @user_14870 · 20-03-2005

اخوي كاتب الموضوع ترا فيه شي غفل عنه الشباب اللي ردوا عليك وهي ان الجمس ماتغير شكله من سنة 98 يعني مصيره يتغير قرييب واذا انتظرت راح ترجع في نفس المشكله اللي انت خايف منها في الارمادا وهي ان السيارة شكل جديد ولا جربتها ولا تقدر تحكم

بالنسبه للارمادا فالسيارة مجربه بالخارج من سنتين يعني ماتخاف من مشاكلها ثاني شي السيارة ياباني و نيسان يعني اكرف الين تتعب انت وهي بتقولك اكرف زيادة وفي النهاية تذكر ان انت بتدفع مبلغ كبيير يعني تاني في الاختيار وعليك بالاستخارة

والله يوفقك

كابـــSSـــرس @user_6060 · 20-03-2005

يالغالي مايبي لها سؤال

راحه في الخط و مواصفات وقوه ورساوة

جمس بكل تأكيد

HEMI @user_4440 HeMi 4 EvEr · 20-03-2005

اخوي توكل على الله وخذ الجمس لأنه مشهود له بالقوة و كل قطعه متوفره بالسوق و الموتر حق كرف..الارمادا جديد لسه طالع وينخاف منه...والارمادا ما يكفي عائلة ماشالله مكونه من 9 اشخاص..لا تنسى ان مافيه مكان لتحميل الأغراض..اما الجمس فيه السعه والراحه الكافية

اخوي دكتور سوبارو عندك غلطه ابي اصلحها بعد إذنك..الدورانجو الجديد عندي اياه وهو على السرعات المنخفضة ما يشغل 4 سلندرات..ال8 كلهم 24 ساعه شغالين سواء بسرعه منخفضه او عالية...النظام اللي تتكلم عنه موجود بالكرايزلر 300 سي..كنت ابي آخذها لكن وقتها ماكانت متوفره بالوكالة..فأخذت الدورانجو...وهي جيب ممتازة..لكن مش مضبوطة لتسع اشخاص..يعني ما تكفيهم ولا في مكان لأغراض 9 اشخاص...وصرفية البنزين اعلى حتى من الجمس 1500

mortally @user_10232 · 20-03-2005

لو سمحت اخوي انت فاهم ردي غلط انا ما قصدت انة يستحي يقول اسم سيارتة انا قصدت اذا قال عندي جمس اما اي واحد فالاسم فقط يكفي اما الارمادا سيارة جديدة وبكل صراحة شكلها رائع ولكنها سيارة جديدة واول مرة تنزل يعني لازم ننتظر قبل ما نحكم عليها وحتى نتاكد من نجاحها وبشكل عام سيارات نيسان كلها ناجحة بس انا اقول لو ياخذ جمس او يوكن xl افضل لانهم اكبر وهذا رايي الشخصي

بندر بستن @user_17047 · 20-03-2005

للقوه هيبتها GMC 2500

الهاشمي1 @user_11954 · 20-03-2005

الارمادا الارمادا عليك بالارمادا
والله يوفقك

جامح 998 @user_17570 · 20-03-2005

السلام عليكم

خذ يوكون XL بودي طويل و مكينة يوكون

هذا هو الحل المناسب

والله يعطيك خيرها ويكفيك شرها

شكرا

W126 @user_12314 · 20-03-2005

بسم الله

القول ما قال أخي صاحب الرد الثاني
قبل يومين أنا كنت الجميح..
اليوكون سيارة ممتازة وتاخذ 9 ركاب بالراحة (إلا إذا كانت عائلتكم من العمالقة !! |10| )
أما الأسعار..
اليوكون دبل أقل نوع بـ 118 ألف (نوع سياحي :) )
النوع اللي أعلى منه بـ 135 ألف (مواصفات أعلى |1| )
أما أحسن نوع (أعتقد اسمه الدينالي ومكينته 2500) فهو بـ 153 ألف لكن فيه كل شيء، حتى لو تبي سرير لشغالتكم :D (خلاص ما فيه داعي تصرف الشغالة :D )
أسمع أنا راعي عائلة وأعرف احتياجاتهم
الرااااااااااااااااااااااااااااااحة قبل كل شيء
واليوكون من عائلة الجموس .. يعني بالعربي مرييييييييح جدا ويسوى كل قرش تدفعه

وسلامي

ملاحظة: الجميح ما عنده سيارات يوكون هالأيام .. يقول انتظر شهر إلى أن تصل الدفعة الثانية (عليها طلب مو طبيعي)

راعي الكراون @user_5039 · 20-03-2005

اذا للعائله الكريمه خذ الجمس
راحه في الركوب-وفخامه وكل شي تحتاجه للسفر

اما اذا لك فأفضل انك تاخذ جيب النيسان لانه في الشكل ماشالله تبارك الله خطير وفخم وكل شي

تحيتي
راعي الكراون

Polite @user_1346 · 20-03-2005

م

مخربهـــــااا

ماعليك منهم يا انك تصرف الشغاله وتشتري ارمادا

رد قطع قلبي من الضحك :D :D :D الله يخرب بيت شيطانك ..

أخي الكريم [COLOR=DarkRed]أبا مالك ..
إبتداءً مرحبا بك معنا وآمل أن تجد من بين أعضاء المنتدى من يفيدك ويقدم لك النصح والمشورة الطيبة ..

برأيي أن الأرمادا خيار ناجح وموفق ..
هو موجود في السوق العالمية من سنتين تقريبا .. ومشاكله تم تلافيها إبان تلك الفترة ..
وقوته وماكينته وسعته وحداثة منظره المصحوبة بالأناقة .. كلها مؤهلات تشجع على إقتنائه ..
أما الجمس فهو خيار طيب ولاشك .. لكن شكله مستهلك وموجود بكثرة في شوارعنا ..
وكذل الحال مع اليوكن ، وإن كنت قد فهمت منك بأن اليوكن مساحته لا تناسبك ..

أنصحك أخي الحبيب بزيارة كل الوكالات المعنية .. فهذه 130.000 وتستاهل أن تتعب لأجل أن تظفر بما يستحقك أنت وعائلتك الكريمة .. ولا حرج في أن تصحب معك من ذوي الخبرة والأراء المتزنة من يختار لك الإختيار الصائب والموفق ..
ولا ملامة عليك أن تطلب تجربة كل السيارات التي وقع إختيارك عليها ، وتصحب أهلك بالسيارات حتى يروا أي السيارات ناسبتهم وحازت على إعجابهم ..
وإن أخذت السيارات للتجربة .. فأنصحك بالسير بها - بمفردك - بسرعات عالية حتى ترى ثباتها ، ولا مانع من أن تسير على المطبات بسرعة بطيئة ليست متوقفة حتى ترى قابلية السيارة للمواقف المفاجئة والتعرجات المتعددة التي تعج بها شوارع بلادنا الحبيبة ..

وأؤكد ختاما على ضرورة الإستخارة ،
فقد كان الرسول يستخير في أموره كلها ..
ولن تجد في الإستخارة إلا مايسرك ويشرح صدرك بإذن الله ..

تحياتي لك أخي الكريم وأرحب بك مجددا ،
وآمل أن يستمر تواجدك معنا بالمنتدى بعد إقتنائك للسيارة ..

محبك Polite ..[/color]

T.N.T @user_8264 · 19-03-2005

تفكيريك يخوي mortally احسة على قدك

مع احترامي الشديد لك

يعني يستحي يقول اسم سيارتة

يحبيبي كل الناس عندها جموس

انا انصحك يخوي بالارمادا بشدة صدقني شركة نيسان لها باع طويل في السيارات يعني لاتشيل هم من ناحية جديد ولا قديم
الجمس اول شي تصميمه عت تق (عتق) وصار قديم اما الارمادا هو اللي داخل بقوة ..

عموما زيارة للوكالة نيسان راح تغير نظرتك للسيارة

رح لهم واسالهم قله يخوي انا بشتري جمس عطني الاسباب اللي تخليني ابطل من الجمس واشتري الارمادا وصدقني ماراح يقصرون معك

والف مبروك مقدما

الوليد الطائر @user_17749 · 19-03-2005

ارمادا سيارة جديدة وشكلها حلو

mortally @user_10232 · 19-03-2005

حبيبي اذا انت حاط في بالك جمس فلا تتردد الجمس وبس معروف وما عليه كلام وهذا كلام ناس مجربين مو اي كلام بعدين الارمادا اصغر من الجمس وحجمة مثل حجم اليوكن والتاهو حبيبي غير هالسيارتين لاتدور ترا ما تلقى احسن منهم واحسبها بالعقل تاخذ لك جمس اذا سالك احد شنو موترك تقولة جمس مو.................................. عالعموم الله يوفقك

مخربهـــــااا @user_16486 · 19-03-2005

ماعليك منهم يا انك تصرف الشغاله وتشتري ارمادا

او انك تخذ جمس 2500 عودي وجلد بيج من جوه

وسلا متك ولا تحتار الا بين الجمس والارمادا والباقي

اسحب عليه سيـ........ المهم

الله يعطيك خيرها ويكفيك شرها مقدما