أرتفاع البترول يحدد نوع سيارتك؟؟؟

منصور111 @user_19634 · 10-08-2005

السلام عليكم رحمة الله وبركاته :

ياشباب أشوف أسعار البترول ترتفع بشكل مستمر هل هذي الارتفاعات تحدد نوع السيارة الي يرغب الشخص فيها ؟

طبعاً جميع الشباب الي بالخليج يبي يقولون لالالالالالالالالالالالالالالا.

بس عندنا بأمريكاء الشمالية مفحطين من الغلاء ، تصدقون ياشباب أن السعر يرتفع بالثانية فية لوحة قدام كل محطة بنزين لسعر اللتر للبنزين يتغير تلقائياً مع التسعيرة الدولية للنفط ، أمس جيت أعبي سيارتي فورد صغيرة يمكن تأخذ أربعين لتر مولعة لمبة البنزين واشوف لوحة التسعيرة 1,11 دولار للتر يعني أربعين لتر تقريباً 45 دولار أحسبة سعودي كم ، لا بعد بنزينهم على طول يتبخر يعني كل خمسة أيام لازم تفلل ، أنا الصراحة ماعبيت رحت للبيت وقلت ياحبيبي الباص أرخص .

للمعلومية أسعار سيارات 6 سرندر رخيصة وغير مرغوبة بسبب استهلاكة للبنزين .

فقط حبيت أقدم بعض المعلومات للاعضاء عن تبعيات أرتفاع أسعار النفط على البنزين ، يمكن الي بالخليج مايحس بهذه التبعات للارتفاعات ..

وتحياتي لكم ،، ولو يفزعلي واحد بجركل بنزين ;) .

ماهر ls @user_5841 · 12-08-2005

سعر النفط وصل 62 دولار ويتوقعوا انه يوصل 80 دولار

وعندنا يقولوا انهم بيزيدوا في سعر البنزين والله حرااااااااااااااام

من المفترض عندنا البنزين ارخص من كذا بكثيييييييييييير وحنا اكبر دولة مصدرة للنفط

منصور111 @user_19634 صاحب الموضوع · 11-08-2005

السلام عليكم :

أشكر جميع الأخوان على مرورهم ومشاركتهم الراي ، وبالنسبة للدولار أقصد الدولار الكندي وسعرة معادلة الريال تقريباً الدولار الواحد يساوي 3,15 ريال تقريباً يعني لما أعبي سيارتي بــ 45 دولار كندي تساوي 142 ريال .

وسعره ياجماعة زاد شوي اليوم صار اللتر 1,16 ليتي معبي أمس كان وفرت شوي :mad: .

صراحة ياجماعة والله ثم والله أني كل ماشفتة زايد سعرة بالمحطات أني أفرح فرحة من كندا إلى السعودية لأن أدري أن سعره النفط زايد واليوم وصل للمعلومية 64 دولار وا، شاءالله يأصل 100 دولار ، قولوا آمين أهم شي يزود إيرادات دول مجلس الخليج وعلى راسها السعودية لان كل شي نلقاه مستقبلاً .

وتقبلوا تحياتي ،،،،

SaDSmiLe @user_15904 · 11-08-2005

أخوي العزيز و الله احنا بالسعوديه سعر البنزين عندنا ببلاش لو تقارنها بالدول الثانيه

يعني احمد ربك على النعمه الي انت فيها

دكتور / مجنون @user_18878 · 11-08-2005

l

lexus4ever

والله ياليت الاخوان اللي في السعودية من شباب الهجولة والتحلية والفرفرة يتعضون ويشوفون البنزين برى كيف وهنا كيف .

نتعض من ايش؟؟

احنا دوله مصدره للنفط .. يعني المفروض يكون اللتر تحت 50 هلله مو 90 :(

lexus4ever @user_10263 · 11-08-2005

والله ياليت الاخوان اللي في السعودية من شباب الهجولة والتحلية والفرفرة يتعضون ويشوفون البنزين برى كيف وهنا كيف .

NYC @user_12786 · 11-08-2005

الاخ العزيز منصور111

وعليكم السلام ورحمة الله وبركاته

اولاً نشكر لك مشاركتك الكريمة معنا من كندا وعلى حضورك للمنتدى ، وثانياً احببت ان اقول ان ارتفاع اسعار البترول هو السبب الرئيسي وراء جعل تويوتا اكبر صانع سيارات لأن مبيعاتها هي و الشركات التي تصنع سيارات ذو محركات صغيرة دائماً في الطليعة ، ايضاً رخص السيارة واقتصادها عامل في شهرتها ومبيعاتها ، وعلى فكرة جنرال موتورز التي عرفناها من سنين انها لا تقلل سعة محركاتها عن 5 ليتر قامت قبل عدة ايام بتقديم تصريح انها ستبدأ بصناعة سيارات بمحركات صغيرة اقتصادية لتكفي حاجة السوق الامريكي والعالمي من السيارات الاقتصادية بعد نوبات انخفاض المبيعات هي مع فورد .

ولكن استغرب منك تقول 45 دولار لمحرك 4 سلندر ؟ يعني 162 ريال سعودي ... بهذا المبلغ بالخليج اعبي مكينة 511 :D

لو حصل بالخليج ما يحصل بامريكا لوجدت 70% من سيارات ذو الـ V8 معروضة للبيع من الآن :)

دكتور / مجنون @user_18878 · 10-08-2005

أهم شئ دخل الدول النفطيه يرتفع بالاضعاف المضاعفه :)

CamSHAFT @user_6565 · 10-08-2005

دولار امريكي ولا كندي اخوي؟؟؟؟؟

bashar_255 @user_12025 · 10-08-2005

لو تروح لدول مثل بريطانيا و تركيا و هالدول دي بتحمد ربك مليون على سعر البترول في أمريكا :D