تحيه طيبه لكم من مجرب قديم لانوار الزنون والمعاناة معها
الاخ السائل
انا عندي كامري 2001 مطلعها عام 2002
حريص جدا عليها
ولكن شغفي بمنظر انوار الزينون ابهرني واعماني
ركبت زنون واطي في البدايه وكان الوضع اوكي غير ان نور العالي حق الوكاله الي هو الكشافات الصغيره اللي قريب من الشبك ما تكفي حيث انه وكما تفضلت الواطي يفصل ويشتغل العالي
رحت واشتريت نور زنون عالي
وركبته في العالي
وخليته اليماني الله لا يبارك فيه يشبكها مع بعض في حالة العالي
المهم
ضيع مسامير ووردة الوزن حقت العالي عشان يركب شمعاته
مره من المرات
احترقت الظفيره بسبب الجهد العالي عليها من الزنون
وبالمناسبه
الميناء أو العاكس اللي داخل الشمعه واللي يكون لونه فضي بهت لونه وتقشر من قوة الزنون وصار ابيض
يعني راحت فيها الشمعه
جبت كهربائي وصلح الظفيره ب 500 ريال
لاني سألت عن قيمتها في الوكاله طلعت بحدود 1500 ريال واجره يد ب 1250 ريال تقريبا
ومن فيوز تنصهر الى كتاوت تحترق الى معاناه ما كان لأمها داعي عشان ارضي شغفي ورغبتي بالتميز الزائف بتركيب تلك الانوار الله لا يبارك فيها
وان كنت تبي الحقيقه,,,, نو رالكامري حق الوكاله مافيه مثله ولا فيه اقوى منه في سيارات السيدان يا طويل العمر
اذا كان الوضع باقي عندك اوكي فتخلص منها وارجع لنور الوكاله قبل ما تندم مثلي ,,,, االان الظفيره حالتها تشكى الى الله تقول انها مكرونه سباغيتي من كثر الاسلاك اللي لعبو فيها الكهربائيه لعب
غير الشمعات اللي راحت وطي من حرارة ووهج الزنون
السيارات اللي مجهزه بزنون من بلدها شمعاتها مخصصه للزنون
اتمنى اكون افدتك بهذا الخصوص
تحياتي,,,,
