الاثنين 20 أبريل 2026
عاجل

مشترك جديد ومشتري يوكون 2005 جديد ، وأبغي رأيكم !

نادي السيارات الأمريكية مغلق
15 رد 2,808 مشاهدة 13 مشارك الأقدم أولاً
ا
التراث @user_22970 · 08-10-2005
السلام عليكم ورحمة الله وبركاته

أولاً أحب أهنئ نفسي بالاشتراك في منتدى السيارات ( الله يجعله منتدى خير وبركة )
ثانياً بارك الله لنا ولكم في رمضان وتقبل منا ومنكم صيام الشهر وقيامه ، وكل عام وأنتم بخير :) .

ثم أبغي رأيكم وكلامكم حول السيارة اللي شريتها اليوم ( والحمد لله ) وهي يوكون 2005 ، ومشتريها من التوكيلات المحدودة والسعر كان 131000 ريال:confused: ، والمواصفات زي ما قالوا ملكي، مخمل، dvd ، دبل ( ما شاء الله ) .
ها وإيش رأيكم في السيارة والسعر ؟؟ وأبي نصائحكم لفترة التدريب وما بعدها .
الحقيقة اشتراكي في المنتدى كان للموانسة والاستفادة من إرشاداتكم ونصائحكم ، فآمل التواصل معكم ، والله يرعانا ويرعاكم .|3|
ا
اربي @user_22693 · 12-10-2005
السياره زينه وعندنا يوكن2004 دبل

مستعمل لمده شهرين
مسيوم بـ95 ألف وابوي ماباعه |4|

اول مانزل شراه ابوي بـ116 ألف
طبعا مو مستعمل
زين انك شريته ومبروك على السياره الجديده|6| |1|
وعلى شهر رمضان الكريم


م
مرسيدس 500 S @user_20264 · 12-10-2005
الله يعطيك خيرها ويكفيك شرها اخوي التراث

واليوكن سياره مايحتاج

يكفي ان هي السياره الي هزت عرش الجيوب اليابنيه من اللاند الى الباترول

حنا عندنا 2004 دفرانسين دبل زي الفل ماشي 70 الف

واخر رحله الصيف هذا من تبوك لعسير وسياره قمه في الراحه

بس بنصحك نصيحه الكفرات ياليت تكون عاديه مو جبليه اربعه في اربعه لانها مو مريحه خاصه مع المطبات

اما من ناحيه الحراره فهي مايعلا عليها

واذا كانت راعي تطعيس فانصحك لاتشغل الدبل القوي الا في الحالات القصوى

لان انا مجرب الدبل الخفيف ماشي زي الغزال في العاذريه والثمامه

والموتر مايصرف بنزين واجد الا اذا زريت عليه بالتدعيس

واي شي تبيه في GMC

عليك بالاخ ابو اسد هو ماشاء الله المعلم في الجموس

والله يعطيك خيرها ويكفيك شرها وبالتوفيق انشاء الله
ا
التراث @user_22970 صاحب الموضوع · 10-10-2005
الحقيقة ترحيبكم فوق الوصف وتهنئتكم أستقبلها بكل ود وحب ، الله يخليكم للمنتدى وينفع بكم إخوانكم ، والحمد لله على كل حال .
N
N.A.F @user_22059 Banned · 10-10-2005
هلا بك اخوي

اول اهنيك واقول مبرووك السيارة والله يعطيك خيرها ويكفيك شرها

واقولك انك بالفعل احسنت الاختيار والله السيارة انها رووعة اليوكون العادي عسل على عسل

اجل الملكي كيف

وشكرا

واقولك مرة ثانية 1000000 مبروك
b
blue chevy @user_10595 · 10-10-2005
ابشر

انت تآمر
ا
التراث @user_22970 صاحب الموضوع · 10-10-2005
أشكركم جميعاً على المشاركة ، وأقدر لكم تفاعلكم وتهنئتكم لي بالسيارة ، والله يجعلها معينة على طاعة الله .
أما لون السيارة فضي ( والله ماني متأكد لأني شفتها في المستودع في الليل والمفروض إني أستلمتها أمس لكن كان هناك غلط في المرور في تسجيل رقم الشاسية واليوم إن شاء الله أستلمها )
أحبتي محتاج نصائحكم للفترة القادمة ، لا تبخلون علي الله يجعلكم ووالديكم في الجنة ..
A
A L H A M O O R @user_17724 · 10-10-2005

مبروك أخوي[color=red] التراث والله يعطيك من خيره ويكفيك شره [/color]
أنا عندي سوبربان 2005 ماخذه من الجميح بنفس سعر موترك
مكينة 6000 نص فل
وصراحة السيارة زي العسل وفخامة حلوه بالنسبة لسعرها
وتكرف فيها ولا تشوف خرابات ولا شــيء
بس للأسف راح يتغير جذريا 2007 :(
لكن اتنبه عند المطبات شوي شوي
وحافظ على الصيانة الدورية
وخلاص :)
بس ممكن أعرف لونه !

ك
كابـــSSـــرس @user_6060 · 09-10-2005
اليوكن موتر رائع رائع

قوي - فخامه - شكل قوي - عائلي - موتر يصبر سنين

والشكل الحالي اشوف انه لو نزل غيره بيضل له هيبته

وش عندك جموس في السبعينات الى الحين ماشية صح

الجمس اثبت كفائته وخصوصا الجديد اشوف سعره مناسب جدا مع المواصفات

وهو افضل من غيره من ناحية السعر والقوة والصرفيه
Q
QalaQ @user_22142 · 09-10-2005
والله ونعم الاختيار

انا عندي يوكن 2004 وماشي 115 الف وزي العسل

موتر يتحمل وقليل خرابه مع كثر المواصفات اللي فيه

وانشالله كل يوم عن يوم بتقدر السياره اكثر

والله يعطيك خيرها ويكفيك شرها
k
kuwait @user_22417 · 09-10-2005
اليوكن جديد أو قديم حتى لو نزل 2007

أنت عندك سيارة حلوة وتعيش معاك انشالله ومريحة وتعطيك اللي تبيه

بالتوفيق انشالله
ح
حسن ك @user_7624 · 09-10-2005
سيارة محترمة وممتازة
موفق يالغالي
تحياتي
l
lexus4ever @user_10263 · 09-10-2005
مشاء الله موتر حلو وفخم بمعنى الكلمة احسن من جيوب اللاندكروزر اللي صارت تجيب الغثا .

الله يعطيك خيرها ويكفيك شرها .
ا
التراث @user_22970 صاحب الموضوع · 09-10-2005
سوبرا ، عذب الأحاسيس
أشكر مشاركتكما لي في الموضوع وأدعو لكما .
بالنسبة للسيارة كانت الأخيرة لدى التوكيلات العالمية في جميع الفروع ، وسبحان الله كانت محجوزة لواحد ودافع فيها عربون 20000 ريال بس صارت له ظروف وترك السيارة وأعادت التوكيلات له العربون ، وقدر الله إني أشتريها علماً بأن السعر الجمركي 154000 ومصلحين خصم وطلعت بـ 134250 ريال وخصم ثاني خاص حتى وصلت 131000 ريال ، ويحلف بالله نائب المدير أن هذا السعر لهذه المواصفات يعتبر بأقل الأسعار لاسيما بعد إنعدام وجود السيارة بالوكالات وندرتها بالمعارض .
وأما لمسألة موديل 2006 فبالفعل بتنزل بإذن الله بعد عيد الفطر بس يقولوا في التوكيلات إنه نفس المواصفات اللي أخذتها بيزيد الـ2006 بحدود 20000 ريال إلى 25000 ريال وفرق المواصفات مو كثير ، وعلشان كذا أخذت هذي السيارة .

أسأل الله أن يعطيني خيرها ويكفيني شرها ، والله يبارك في الجميع .
ع
عذب الاحاسيس @user_15092 · 09-10-2005
الف مبروووووووك

الله يعطيك خيرها ويكفيك شرها

نفس السعر كان قبل شهر سووا عليها عروض صارت ب105 الاف <<<<< عمي اشترى وحده دفع رباعي

موتر رائع بمعنى الكلمة

تحياتي
س
سوبرا @user_11499 · 08-10-2005
أولاً كل سنة وانت طيب ..
بعدين لو انت ماخذ سوبربان كان أكبر لكن مافي مواصفات بهذا السعر ..
بعدين تراك أحسنت الخيار وأحسنت الوكالة إذا كنت تقصد التوكيلات العالمية للسيارات ..
والسيارة حلووووووووة وما فيها شيء ..
بس لو استنيت وأخذت 2006 مو كان أحسن ..
كلها عشر أيام أو أقل وتنزل في السوق ..
عموماً ألف ألف مبرو على السيارة والانتساب للمنتدى ..
الله يعطيك خيرها ويكفيك شرها ..

أخوك سوبرا ..