اكورد 2006 فول اوبشن v6 or v4 وش الافضل

قاطع اشاره @user_10757 · 09-10-2005

السلام عليكم
ياشباب انا ناوي اشتري اكود 2006 ومحتار بين الفول اوبشن 4 سلندر والفول اوبشن 6 سلندر
انا ما يهمني قوة المكينه الي يهمني هل 6 سلندر عمليه زي الاربعه سلندر ولالا
وهل تسمك قيمة في البيع ولالا انا راغب في السته سلندر لاني ارغب في المواصفات الزياده الي فيها مثل التراكشن الرجاسء النصيحه ياشباب الي يعرف ناس جربوا السته سلندر والاربعه سلندر واذكركم انا مايمهني الفرق في قوة المحرك
وانا في انتظار نصيحتكم ورايكم

البس المنسدح @user_21354 · 13-10-2005

بما أن حضرتكم(قاطع اشارة) يسأل حضرتنا (البس المنسدح .... والنعم)

أنا أصوت حق الأربعة سلندر .....

لأني بصراحة أن شاء الله بطلع أكورد 2006 أربعة سلندر.

قاطع اشاره @user_10757 صاحب الموضوع · 11-10-2005

ali karim
بس انا ودي اتاكد من واحد عنده سته سلندر هل تصرف ولا فرق بسيط عت الاربعه سلندر
وانا افكر في اللون الاسود ومشكور اخوي على ردك

abo 7med
معاك حق اخوي في ناس تناظر الى اشياء ثانويه في السياره
انا الي يهمني اعرف عن السته سلندر هل تصرف بانزين ولا قريبه من
صرفية الاربعه سلندر وللمعلوميه جنوط السته سلندر تختلف عن الاربعه سلندر
وفيه بعض المواصفات تختلف في الشكل والمميزات مثلا السته سلندر فيها
6 ايرباغات بينما الاربعه مافيها الا 2 ايرباغ والسته سلندر فيها تحكم المسجل
عن طريق الدركسون والاربعه مافيها وكم حاجه بعد ومشكور اخوي على ردك

مودي - كار
صحيح اخوي فيه فرق في السعر بين الافلون والاكورد يعني يمكن الفرق 10000 الى 15 الف
بس مايوصل للفرق الي قلته لان الافلون سعرها وكاله لميتد 110000 لاكن المشكله ماهي متوفره
وبعدين لاتنسى شغله في صالح الاكورد الي هي صرفية البانزين يعني الافلون قوة المكينه حقتها
280 حصان بالتالي اكيد صرفيتها اكثر من صرفية الاكورد سواء الاربعه سلندر والسته سلندر
وانا موضوع الصرفيه يهمني كثير ومن المعروف عن الهوندا انا مكاينها صرفيها حلوه يعني ماتصرف
ومشكور على ردك

مشكورين ياشباب على ردودكم واتمنى اي واحد عنده معلومه او نصيحه لايبخل علينا فيها
وبالنسبه للون انا يمكن اخذ اسود ومن داخل جلد بيج

وطن الحرمين @user_20247 · 10-10-2005

بالنسبة لاخ كامري شو جاب سعر الاكورد للافلون الاكورد فول اوبشن 6 سلندر ب99 الافلون فول اوبشن 123 يعني فرق 22 الف ريال الله يهديك وثاني شي الافلون نادر ماتحصلها ويبيلك تنطر شوي اما الاكورد تعتبر من السيارت المتوسطة الفخمة لكن وكالة بو جميل خوش وكالة انا معك بالنسبة لسعر انا اشوفها زين وطبعا كابداية لازم يكون غالي شوي اجل شز رايك الومينا 2006 او ل مانزلت 116 الف ينطح الف بتقولي شو جاب هذا حق هذا انا معك لكن انت في نظرك هل الومينا تستاهل كل هالسعر

abo 7med @user_21258 · 10-10-2005

عجيب امركم شباب

يعني مت ضحك على واحد من الردود

يقول خذ سته سلندر علشان شكل الشكمانين حلو من ورا

ههههههههههههههه الله يرجك

والواحد وش يبي بالشكمانين

يعني الناس بتترك السياره كلها وبتناظر الشكمانين

اخوي خذها نصيحه من واحد مجرب الاكورد

انا اشوف بصراحه مافيه فرق بين السته والاربعه بالشكل

وعلى حسب ماسمعت انه الجديده 2006 صارت الجنوط كلها نفس الشي

يعني اكورد ب 99 الف

والله حراااااااااااام

انا نصيحتي خذ اربعه

ترى الاربعه لا يستهان فيها

عزم وماشالله ماتقصر معك ابد

وبالنسبه للون

بصراحه الجديده ماتميز فيها اي لون الى الحين

يمكن الاسود هو احلى شي

حتى الابيض ماصار حلو زي 2005

هذا رايي

والله يعطيك خيرها ويكفيك شرها

ali karim @user_21497 · 10-10-2005

قوه شباب تبي الصراحه خذها نصيحه مني خذ لك 6 سلندر واللون لؤلؤي

ولا تتردد وراح اتحس بفرق اكبييييييير بين V6 و V4 وانا اعتقد ان راح ايكون فرق بسيط في صرف البانزين

يعني ماراح ايكون فرق اكبير

قاطع اشاره @user_10757 صاحب الموضوع · 10-10-2005

ابو عبدالهادي
مشكور اخوي وانا اكثر شي يهمني موضوع الصرفيه يعني هل تفرق واجد عن الاربعه سلندر ولا تقريبا
حولها يعني تفرق شي بسيط ومشكور مره ثانيه على ردك

Mr.zoom
انا شكلي بغير على الاربعه سلندر لاني خايف من صرفية السته سلندر

zoom2003
يعني السته السلندر تفرق واجد عن الاربعه سلندر في صرفية البانزين
وبعدين لاتدقق الله يهديك ترى المقصد من v6 v4 هو اختصار كلمة اربعه سلندر وسته سلندر وانا عارف
ان مكينة الاربعه السلندر ما تجي على شكل v ومشكور على ردك

دحوومي98
والله وانا اخوك يادحومي لو يثبت لي هالكلام ان الصرفيه ما تفرق الا شي بسيط عن الاربعه سلندر
كان رحت وحجزت وحده بس ابي اتاكد من الموضوع لاني متعقد من صرفية البانزين معي قبل كابرس اس اس 2005
ومتعقد منه يصرف صرف الويل لين بعته وافتكيت منه

البس المنسدح
يرجال خلها على ربك بس ماعطيتنا رايك اربعه سلندر ولا سته سلندر <-----وسوس

مشكورين ياشباب على ردودكم ونصايحكم بس الا الحين محد عطاني كلام مقنع بالنسبه للاربعه سلندر
والسته سلندر وانا شكلي بروح للمضمون الي هي اربعه سلندر مع ان شكل السته سلندر احلى وفيها
مواصفات زياده واهم شي التراكشن وياشباب نسيت ترشحون افضل لون خارجي للسياره
بانتظاركم ارائكم ونصايحكم ياشباب

البس المنسدح @user_21354 · 10-10-2005

والله كني اشوفك يا قاطع اشارة ...... واحد يقول V6 و واحد يقول V4 أحس ان مخك ضرب :eek:

لكن انا بانصحك لله ..... ابي الأجر بس

خير الأمور الوسط ...... خذ V5<<<<<<<< من وين جابها ذا :confused:

وبكذا ارضيت كل الأطراف و أرضيت نفسك|3|

دحوومي98 @user_19414 · 10-10-2005

انا انصحك بالسته سلندر طبعا يكفيك شكلها بالشكمانين من ورا يعطيها هيبه
بالنسبه لصرفيه البنزين فماراح تفرق الا القليل
وانصحك باللون الاسود.

تحياتي :)

zoom2003 @user_7973 · 10-10-2005

اكيد v6 عملية بس مشكلتها زيادة صرفية ولكن السؤال هل يوجد محرك V4 في العالم انا اخبره l4 من وين طلعتو هالمحرك الجديد

Mr.zoom @user_21749 · 10-10-2005

خذلك اربعه سلندر احسلك والمواصفات ماتفرق كثير والبنزين راح يغله وبعدين قوتها ممتازه

ابو عبدالهادي @user_6869 · 10-10-2005

مرحبا اخى قاطع اشارة

انا معاي اكورد 2005 V6 الصرفية مافيها

كنت ابي اخذ V4 بس خذيت ستة سلندر علشان مشوار الكلية تبعد 60 كيلو عنى

وعزم حلو

الحمدالله شريتها من هنا ولا دخلتها الوكالة ولا على الفحص الضمان والحين ماشية 6000 كيلو وزي الحلوة

اكيد مايبغالها كلام لؤلؤي

قاطع اشاره @user_10757 صاحب الموضوع · 10-10-2005

Octavia 2002
اول شي مشكور على ردك وانا اكثر مايهمني هي انظمة السلامه

V2X
انا سالت في الوكاله قال مافيه تراكشن في الفول اوبشن الاربع سلندر بس في السته سلندر

الـــهامور
اخوي سعرها الفول اوبشن السته سلندر بــ 99 الف ويمكن ينزلون بعد شوي

سوبرا
مشكور اخوي بس اهم شي مواصفات السلامه

كامري
اخوي افالون فووق الميزانيه بواجد يعني الاكورد ارخص منها وثاني شي الافلون مش متوفره حاليا يعني لازم
انتظار لمدة خمس اشهر تقريبا وانا محتاج سياره في خلال شهر رمضان بالكثير

ارجو ياشباب الي عنده خبره بالاكورد خاصة السته سلندر يفيدنا هل تصرف بانزين وهل هي عمليه
زي الاربعه سلندر او لا يعني بالمختصر تنصحوني بالسته سلندر ولا اغير على الاربعه سلندر
وابي نصيحتكم بعد في اللون الخارجي للسياره وش افضل لون عليها انا افكر في الاسود او الؤلؤي وش رايكم

كامري @user_798 · 10-10-2005

اخوي حرام تدقع قيمه فوق 100 والفرق بينها وبين الاربعه المكينه فقط لا اكثر وبعض التعديلات العاديه جدا

لو انا محلك اخذت افـــــــــــالـــــــــــــــون اصرف واقوى اوريح بالف مره وتكفيك تويوتا

سوبرا @user_11499 · 10-10-2005

أقول خذ لك v6 أحسن لك ..
أقوى وأفخم وأحلى ومن ناحية السعر فلكل واحد سعره ..

A L H A M O O R @user_17724 · 10-10-2005

أخوي [color=red]قــاطع إشارة أنا أفضل V4 [/color]
لأنه قيمة V6 والله ما تستاهل !

موضوع الأخ [color=black]سيـارة ذكر أن V6 2006فل أوبشن بــ 114.000 ألف ريال !!

[/color]

V2X @user_18369 · 10-10-2005

أخوي الفرق بين الستة سلندر و الأربعة سلندر 5 أشياء تقريباً ::
جنوط ،،، المرتبتين الأماميتين كهربائيتين ،،، شكمانين ،،، مكينة V6 ،،، تحكم بالمسجل من الطارة ...

بالنسبة للتراكشن صار موجود في الأربعة سلندر الفل .....

أنا معاي 4 سلندر عزمها كويس ... لكن أحياناً تتمنى الستة سلندر :D << مستحيل الإنسان يرضى بحاله :p

أنصحك بالأربعة سلندر ..... و المواصفات هاذي ما تشكل فرق كبير بنظري ....

تحياتي لك

كوري و لكن @user_6947 · 09-10-2005

أخوي قاطع اشاره ..

و الله مادام ما همك المكينة و قوتها تبي الفخامة و المواصفات الأكثر .. أشتري الـ V6 أفضل وأكشخ و أرز لك ... بس كل شي بحقه .. تقريباً قيمتها حول الـ 99.000

الله يوفق لك في السيارة الجديدهـ

تحياتي .. محب المنتدى .. و .. محبكم ..
... Octavia 2002 ...