ممكن مساعدتكم في المكسيما

من يقولك ان الماكس تتسارع في 9 ثواني ؟ واحد معه موديل 2000 قير عادي لكنه دايما يقاوم فيها تدري في كم تتسارع ؟ في 6.4 ثواني على حسب ما قالي الشخص اللي نقل لي هالكلامـ

انا معي اوتو ما شاء الله تبارك الله على الخط لو تدعس عليها ما تدري الا و انت ماشي 200 من العزم الجبار اللي في السيارة ، تسارع الاوتو تقريبا في 7.5 ثانية تقريبا وهو تسارع معقول بالنسبة لقير اوتو 4 سرعات لاحظ 4 سرعات

انا معي للحين موديل 2000 جي في 1 وجاها 4 حوادث منها 2 في الوجه و واحد ورا و واحد على الباب الخلفي لكن مو قوي ، ورجلي في احيان كثيرة ما ترحم السيارة يعني باختصار انا راعي دعس والى الحين والسيارة حلوة وفيها عزمها بعد ما مشت 143 الف ، بس لولا هالحوادث اللي جت السيارة كان طلعت من احلى ما يكون والدليل واحد من الشباب معه نفس سيارتي ونفس الموديل وماشي اكثر من 210 الف ولا اشتكى منها ابد لان ما قد جاها حادث من قبل

لا يهمك اللي يقولك انها مهيب راسية و وزنها يصير 4 كيلو اذا مشيت 180 وهالخرابيط اللي ما ادري من وين يجيبونها ، انا كنت اعرف واحد معه 98 وهي اخف من الشكل الموجود الحين وكان ماشي 180 وضرب عليه كفر ولا انقلبت السيارة ولا اختل توازنها ، هي تعتمد على اللي يسوق السيارة ، وبعدين يا خوك كل السيارات على السرعات العالية تصير في خطر مو الماكسيما بس واذا تبي الدليل روح للتشليح وتشوف كل انواع السيارات تقريبا هناك

انا ومن واقع تجربة انصحك بالسيارة ، موديل 2003 فتحة راح تلاقيه تقريبا في فلك الـ 55 الف الى 60 الف بحسب النظافة ، واذا كنت تبي تشتري نصيحة من اخوك لا تاخذ الا فتحة ولا بتندم زي ما ندمت انا ، الفتحة افضل من اللي بدون فتحة ، من مواصفات الفتحة : زينون + ريموت كنترول + مسجل بسي دي مع 6 سماعات + ABS + مثبت سرعة ( في الموديل الخليجي فقط ) + الفتحة طبعا :D

الفل كامل ما راح تلاقي لانه ما انتشر انتشار كبير مقارنة بباقي الطرازات ، الفتحة هي انسب شي والله يكتب لك اللي فيه الخير :)