أسرار درج سيارة كل شاب

نت بير @user_12531 · 06-12-2005

اسرار

درج

سياره

كل شاب

فدرج السياره بالنسبه للشباب مثل الخزانه المتنقله

اللى نحط فيها كل شي

دون اعتراض او تشكي منها

يعني صبووووووووووور هالدرج!!

وعلى فكره تختلف محتوايات كل درج على حسب نوع السياره وشخصيه صاحبها

مثلا السياره السبورت الكشف.......

نجد في درجها مشط
اوراق معاملات ومخالفات مرور

عطر ماركه لور او مايكل انجلو
اوراق صغيره ( لزوم الترقيم )
قلم حبر ناشف من الشمس
باكيت سجاير

ويمكن للمثقفين منهم مجله المختلف
مع غلاف كم شريط .........

اما اذا كانت السياره من طقت ( تيوتا _ كرسيدا _ لومينا _ كابريس_ لانسر_)

فراح تجدون في الدرج حقها

اوراق دعايه مطاعم

اوراق طلبات البيت
جواز سفر

نوته تليفونات الجماعه
جوال ثاني غير اللى بيده
مشط 330099
ملاحظه المشط مو شي اساسي..!!
عطر ماركه دنهل وبوس

طبعا الكشن الثاني مليان كتب وجرايد قديمه لما تفضا تقراها ....

أأأأأأه نسيت طبعا اوراق معاملات الشغاله وتجديد دفتر السياره!!

اما اذا كانت السياره من طقت ( المرسيدس والروز رويز _ والبي ام ) وغيرهم

طبعا الدرج فيه
قلم شوبرد

علبه لساعه رولكس

عطر دهن عود كمبودي

مشط ماركه بدي شوب

طبعا ولا انسى

علك

اما اذا كانت

ددسن غمارتين.........
فاعتقد الدرج مكسور

نت بير @user_12531 صاحب الموضوع · 05-01-2006

مشكورين على الردود والتفاعل الجميل

BLACK R/T @user_12164 · 30-12-2005

بصراحه موضوع فله .. وطلعت الفضايح يا شباب

وعلى العموم انا بقولكم وش عندي

في الدرج حق الراكب مسدس حق الحكومه حق واحد من الشباب شغال في الدوريات الامنيه ومسافر يومين وبيرجع .. + 11 طلقه فقط

عطر boss البرتقالي حق الطفره وباقي فيه شوي توني مستخدمه وانا رايح اصلي الجمعه

كمبيالات ( اقساط السياره .. 21 قسط )

3 مخالفات سرعه من امن الطرق حق الجبيل

الدرج الي بين السواق والراكب كله اشرطه

الشنطه فيها كتب حقت تي بي 3 انجليزي لزوم الدراسه في ارامكو + بدلتين بوديها المغسله ونسيت وانتو بكرامه الجوتي و وانتل حق الكنود بس شكل ما استخدم كنود + و كم نسخه من ملفات الثانويه العامه ايام التقديم ..

فقط لا غير

اخوكم s.a.3

كابروس"1987" @user_25419 · 29-12-2005

اما انا سيارت الوالد اصبحت ملكي وهي لاند كروزر 86
والدرج فيه
1_علب صروف "رصاص"
2_سكين
3_فواتير وقسايم قدييييييييمه
4_اعواد اسنان
5_نظاره شمسيه اخبر اني اشتريتها وانا سنه ثانيه ابتدائي من البنقالي الي يدور عندالمساجد
6_عوده من قدمها راح لونها اخضر
7_فرشه وسلامتكم

نت بير @user_12531 صاحب الموضوع · 29-12-2005

مشكورين على الردود

M.G.M @user_10743 · 22-12-2005

مشكوووووووووووووووووووووووووور

بالنسبة لدرج سيارتي
طبعا السيارة كورولا 2004

دفتر الصيانه
الشاشة الامامية مفكوكه منطوله في الدرج
20 مخالفه مروريه كلها على طريق الرياض القصيم
او القصيم المدينه (( من كثر السفر للغربيه ))
150 سي دي اغاني وفديو دي في دي

الكاميرا وسلامتكم هذه محتويات الدرج

تحياتي لكم

saleh_ssj @user_9931 · 21-12-2005

ههههههههههه

يصراحة مليان اشرطه وعطر باقي فيه شوي مشط قلم حق الكلية

تحياتي

saleh_ssj

كـــابرس @user_21986 · 21-12-2005

اما اذا كانت السياره من طقت ( تيوتا _ كرسيدا _ لومينا _ كابريس_ لانسر_)

والله انك مسكين يعني الامريكي عندك زي الكرسيدا ولانسر

تسسسسسسسسمع بالتقييم

بلا حدود @user_24628 · 20-12-2005

ا

المسبار

مـــــــــسدس وسكين وعطر وعلبة رصاص
وكم مخالفة
بس.....

ترى الاوضاع ما تسمح بأنك تحتفظ بمسدس

نصيحه لك|3|

MAX-010 @user_19632 · 20-12-2005

الدرج الامامي فيه

1 : كتيب السيارة وحق الضمان

2 : بكت دخان <<----- طبعا الدرج مقفل الى الابد عشان ما اتهور وآخذ البكت لأنه حق الطفرات:D

3 : عطر ( ادكت) حق العزايم -- بس--|6|

4 : جواز سفر ولا فيه ولا ختم |5|

الدرج الي بالوسط ( تحت المركا)

اشرررررطه ونطة سيديات وسكروب :confused: <----- مدري وش جابه

الشنطه ( وش اقول ووش اخلي)

1 : فرشه تتسع لعشره اشخاص

2 : اسطب مكسور

3 : كرتون فيه كلتش حاطينه لي الوكاله قبل 7 شهور

4 : كرتون فاضي لمفكرة اطلس
5 : كتاب انجليزي ثاني متوسط :confused:

6 :سفره وملقاط

7:عقال وطاقية وشماغ مزبنه للطوارء

8 : كرز دخان فااضي ( عشان اكشخ فيه اني شريت كرز صباح العيد )

هذا جزء من شي لا يجزأ داخل الشنطه

المسبار @user_18551 · 19-12-2005

مـــــــــسدس وسكين وعطر وعلبة رصاص
وكم مخالفة
بس.....

الصافي @user_9774 · 19-12-2005

وانا

الدرج اللي عند الراكب فيه الاستماره وكتلوجات السياره وعطرين ( 212 و بولقاري ) و ومافي اي مخالفه ( مسوي بيقهرهم ) :p

اما الدرج اللي في الوسط فاضي لان ماعندي سيديات لان السي دي الواحد يشيل 400 اغنيه تكفيني سنه كامله لانه MP3 |4|

وفي الجيب اللي عند الباب مخبي فرشة شعر ابو دبابيس بس مخبيه ما تبان ( ماينفع المشط مع الفلافل ) :D

شكرا لك وننتظر المزيد والافضل

ماي كار @user_22110 Banned · 19-12-2005

ا

الوافــي

هههههههه بصراحه موضوع ماشاءالله روووووعه

بالنسبه لسيارتي وهي انفنتي FX35 ... الدرج اللي قدام الراكب فيه كتيب الضمان حق السياره والاستماره ومخالفه قطع اشاره حسبي الله عليهم ماشي وهي برتقاليه على اشارع شارع العليا العام حقت المملكه . اقولكم وامشي والقى ذاك الدباب لابارك الله فيه يلحقني ويكبس :D ... بغيت اخششه في الشنطه لكن تعرفون مالها داعي الموتر جديد :D:D

..

والدرج اللي في النص فيه عطورات كثااار ( كلها عينات ) <<=== شغل طفارا :D

و خمسه ريال لوقت اللزوم و شويه مناديل وكان فيه علك نوفا الاخضر ( بالنعناع ) لكن للاسف خلص وبشتري زياده

وسلامتكم

ياخي معاك انفنيتي جيب رزه ويجي نهايتها توقف لدباب :D قسم بالله بالالتيما مخشش دوريه دباب في لفه بالحاره وكان فيه شويه مطر وحديته والمسكين لما طاح ويقوم بسرعه يبي يلقط رقم اللوحه بس بدررري عليه بالحواري حوست به

:- Vampire Night -: @user_12007 INFINITI Lover · 18-12-2005

هههههههه بصراحه موضوع ماشاءالله روووووعه

بالنسبه لسيارتي وهي انفنتي FX35 ... الدرج اللي قدام الراكب فيه كتيب الضمان حق السياره والاستماره ومخالفه قطع اشاره حسبي الله عليهم ماشي وهي برتقاليه على اشارع شارع العليا العام حقت المملكه . اقولكم وامشي والقى ذاك الدباب لابارك الله فيه يلحقني ويكبس :D ... بغيت اخششه في الشنطه لكن تعرفون مالها داعي الموتر جديد :D:D

..

والدرج اللي في النص فيه عطورات كثااار ( كلها عينات ) <<=== شغل طفارا :D

و خمسه ريال لوقت اللزوم و شويه مناديل وكان فيه علك نوفا الاخضر ( بالنعناع ) لكن للاسف خلص وبشتري زياده

وسلامتكم

bashar_255 @user_12025 · 18-12-2005

استمارة - حرز - بواجي - أوراق ايداع بنك - أشرطة - شغلات ثانية :)

بلا حدود @user_24628 · 18-12-2005

مشكور اخوي على الموضوع

بالنسبه لي الدرج فيه اوراق ضمان السياره والاستماره و 4مخالفات ومعطر للسياره وفواتير ودفتر ملاحظات صغير وقلمين وايصالات من الصراف مفاتيح بيت ماادري حقت ايش

وبالنسبه للدرج الاوسط اشرطه وسيديات

تحياتي

نت بير @user_12531 صاحب الموضوع · 16-12-2005

مشكرين على المرور

كامري @user_798 · 09-12-2005

ههههههههههههه

انا اقولكم وش بدرجي

استمارة السياره خخخخخخخخخخخخخ - علك - اوراق صيانه السياره -

اما الدرج الوسطي

اشرطة - سي دي - مشط - عطر << بس العطر يخرب مع الشمس والحراره

الشنطه

حطب - سجاده - بعض كتب الدراسيه خخخخخخخخ - ولاعه - حقت تشعيل الحطب الي لونها ابيض نسيت اسمه - الاستبنه << منفشه

SANTOOT @user_2252 · 09-12-2005

ههههههههههههههههههههه

والله ماراح تصدقوني ...... طلعت للسيارة قبل شوي قبل ما اكتب الرد علشان اشوف الدرج واقولكم

مشط - بنادول - مخالفات - ولاعه - اوراق مليانه شخابيط - عصار حق المفاصل - اشرطه وسيديات - اعواد اسنان - اوراق الفحص بالوكاله - نظاره مكسوره ناسيها - عطر دنهل فاضي اخذته وقطيته بالدرام الله يكرمكم - اشياء اخرى

الشنطه : كيس فحم - فرشه - جيك مويه فاضي - معسل - اشتراك - ريالات عند السبير ( حصاله )

معليش طولت عليكم ....... بس علشان تعرفون العزوبي كيف يعاني ....

BU JASIM @user_19178 · 09-12-2005

هههههههههههههههههههه

ضحكتني أخوي

أما للددس ترى هذي صحيحة وانا شفت سيارة كذا

بالنسبة لي موجود المسباح والعطر والنظارة والمشط

تحياتي