اخوي ابو اسد
ما شاء الله عليك فعلا لما قالوا لي ما يفيدك في اليوكن الا اسد طلع الكلام صح
ان شاء الله ان بأشتري يوكن 2006 خلاص تعبت من طول التفكير الاسباب :
1 اكثر انتشارا
2 الكثير يعرف يصلحه
3 سعره مناسب
4 يمسك قيمته كثير خصوصا في منطقتنا تصدق انه ما يطيح اكثر من 10-15 الاف بعد سنه زي تويوتا
5 مجرب من الجميع
ولكن ودي اخذ رائيك :
صراحة كان عاجبني اللون الفضي الفاتح ولكنه منتشر الان بشكل كبير ، ومره شفت اللون العنابي سادة صراحة انه كشخه خصوصا اذا تلمع من برى فما رائيك في اللون العنابي ؟؟
ثانيا : اليوكن الدفع الرباعي كم قوة مكينته ، يعني اقوى من جي اكس ار ،؟؟؟
اذا فيه مواصفات يجب ان انتبه لها اثناء الشراء الرجاء تنبيهي وشكرا
مرحبا بك أخوي مجدد في المنتدى وعادي أخوي حنا نعين ونعاون :)
بنسبة لأختيارك لليوكون أتمنى لك كل الخير والتوفيق فيه والله يعطيك خيره ويكفيك شره |1|
والله من ناحية اللون أنا أفضل اللأوان الغامقة لأنها صايرة رسمية أكثر من غيرها وجميلة الشكل أيضا بس لا تسألني في أي لون الي بتختار :D لأني ما راح أقولك إلا أسود مع ذهبي :D.
المهم نجي للأهم قوة مكينة اليوكون هي محرك فئة 8 سلندر سعة 5.3 لتر بقوة 295 حصان واللاندكروزر GXR محرك 6 سلندر سعة 4.5 لتر وبقوة 215 حصان! أعتقد لا يوجد مجلا للمقارنة
وأيضا أحب أزيدك من الشعر بيت
جب لاندكروزر VXR قير تماتيك وخله يقاوم يوكون قير تماتيك أذا راح اللاندكروزر أبدا لك مني ذبيحة :D
اليوكون أقوى من السيارات اليابانية في القومة على فئته ويمتاز أنه أكبرهم محرك وأيضا أقتصادي في أستهلاك الوقود.
شف بنسبة للمواصفات شكلك بتاخذ نصف فل حاول أنك تاخذ الي يجي في الدركسون أزرار تحكم هذا يطلع ممتاز لأنه بعض الأحيان يحطونه لك أختياريا مو أساسي إلا في الفل أبشن.
بنسبة لأسئلتك لأخوي عبدالعزيز ولو أني أحس بيزعل علي أني جاوبت عنه ههههههههه
اخي عبدالعزيز العتيبي
هل هناك فرق في الراحة بين اليوكن والدنالي ؟؟
اذا ممكن تعطيني الفرق بشكل عام . كنت اتوقع الفرق في الشكل فقط !!
بالنسبة لليوكن دفع رباعي
عند الجميح عرض ب،103 الف فقط
عند التوكيلات العالمية 107 الف
ايش رائيكم اوفر 4 الاف واشتري من الجميح
اصلن ما ني با اروح لهم بعد انتهاء الضمان لأنهم غالين والورش يا اكثرها ويمكن احسن منهم !!!
فعلى اي اساس تهتم للوكيل ارجو التوضيح باهمية الوكيل لاني ما اشعر ان لهم اهمية ؟؟
وشكرا
الفرق اليوكون عن اليوكون الدينالي أن اليوكون الدينالي هو أعلى فئة في الفخامة وللمعلومية هو يتمتع بمحرك أكبر وأقوى بكثير من البقية حيث انه محرك من سعة 6 لتر وبقوة 330 حصان على ما أذكر بس راجع موضوعي عن أكبر موضوع عن شركة GMC ستجده في توقيعي تأخذ كل التفاصيل عنه وأي أسئلة أخرى أنا حاضر
والفرق بشكل عام:
اليوكون العادي محرك قوي بينما الدينالي أقوى وأكبر محرك.
اليوكون العادي فخم بينما الدينالي مجهز بمواصفات أعلى فخامة وتقنية ولا تنس أن الدينالي دفع رباعي دائم.
الدينالي يكون مراتب الأمامية مفصولة أساسي بينما العادي بعض النواع مفصولة وبعضها نصف مفصولة بحيث يكون هي مقعد ويكون فيها مركة كبيرة للأتكاء ووضع بها الأغراض.
الجنوط تختلف بين الطرازين.
الشبك الأمامي والأسطبات تختلف بين العادي والدينالي.
هذا بالمختصر وأيضا راجع موضوعي لكي تأخذ كل المعلومات عنه.
بنسبة للضمان أخوي مهم جدا لو طلع في اليوكون عيوب مصنعية لا سمح الله ما راح ينقذك إلى الضمان! ويكون الضمان في الجميح حدث فلا حرج زين أن أصلا ناظرو السيارة للتصليح أو صلحوها يسلمونها لك يقولون صلحناها وهم ما سوو ولا شيء وتجي تطارد وراهم كم مرة لين تمل وهم ما عطوك وجه وهذا الواقع.
بس أن شاء الله أنه يكون مافي عيوب مصنعية لأنه أخر نوع من موديله لأن تعرف السنة الجاية بيتغير بالكامل تقريبا ما راح يشبه الحالي أبدا.
وأي أستفسارات أخرى حاضريييييييييين
أخوك أبــوأســد|3|
