راعييـن الجيـوب ...!!

اول شي اخ كراش .. بالنسبه لعيار البنزين ايه والله .. والله شاهد على اللي اقوله والله العضيم لما تمشي 180 تشوفه يتحرك ... وانا مو مجبور اقول كلام مو صحح ولا صار واذا انت عندك باترول جرب بنفسك ...... بالنسبه للمكينه انا اقول الباترول اخف وزن لذالك يكون ادائه ممتاز في البر ..

الباترول اعجبني في شي ...

يون الاربعاء والخميس كنت في روضة خريم بالباترول .. وانا راجع على سرعه 160 ضرب علي الكفر الخلفي الايمن .... والله العظيم ما توقعته بالهثبات ... والله يا جماعة الخير ما تحرك ولا زحف ولا نطل ولا سوا اي شي .... ما ادري عن الاند لانه الحمد لله ما ضرب علي من قبل ...

يعطيـك العـافية على المتـابعة ...!! :)

كلام سليم 100 %

عداك العيب

أول شي ألف شكـر لكم على الرد وعلى النقـاش ..
____
ثـاني شي أنـا ما حـاولت أحـدد أي صفـة للسيـارة عشـان الكـلام
لا ينحصـر ويكـون شامـل لكل الجيـوب اللي ممكن توفّـي كل
متطلبـاتك من بر وطلعـات عائليـة وشبـابية ووو ..
____
بس يبين من كلامكم إن الجيبين الأكثر شعبيـة طبعـاً هم الكـروزر
والبـاترول .. مع إن أنـا ما كـان قصـدي عنهـم بس ..
____
من وجهـة نظـري إن اللاندكـروزر يكفّي ويوفّي .. النـاس تفكيـرها
دائمـاً دائمـاً ينـظر لنـاحية المكيـنة .. وأنـا ما أعـارض هـذا الشـي ..
لكن قـوة المكيـنة مو هي اللي تحـدد قيـمة السيـارة أبـداً ولا
إمكـانياتهـا .. قـوة وعـزم المكيـنة من أسهـل الأشيـاء اللي ممـكن
تتعـدل في السيـارة .. عنـدي فيديـوات للاندكـروزرات تطـيرعن
أقـوى السيـارات .. ومو بس هنـا "في الخليـج" ممكن يكـون في
أمريكــا وغيـره .. ومن ناحيـة كُبـر المكينـة فما يهم بعـد .. أجيبلك
سيـارة 2 لتـر بدون أي تضبيط غير الوكـالة وسعـرها بسـيط
يجـيب الـ200 قبل ما البـاترول تجيب الـ100 ..

أنـا عنـدي لاندكـروزر جي اكس آر 2001 أوتوماتيك مع هـدرز
ماشي 100000 تقريبـاً .. لعبـت فيه لعـب وكـرفته كـــــررف ..
القيـر ما يثـبت .. وفي الرمل وديتـه ( وفي البداية كان استعمالي
غلــــــط .. ومع كذا ماا صار فيـه شي ) .. مع هذا كـله ما عمـري
اشتكـيت منه من شي .. أوديه الوكالة للصيـانة ما عمـري دفعت
فيـه فوق الـ200 .. وطبعـاً معـرروف "عبداللطيف جميل" وكـالة
إبـداع مع أسعـار رائعـة .. هــــــــذا اللي تدقق عليـه لمـا
تشتـري سيـارة .. كـذا تعـرف جـودة السيـارة وإمكـانيـاتها
وتحملهـــا ..

قبـل فتـرة كـنت ناوي أبيـعه وأشتـري بـاترول .. بس سـألت
عنـه قبل .. سـألت خـويي راعـي بـاترول سوبر سفـاري 2003
جير عـادي مع تضبيطـات قوية .. يعني السيـارة طيـارة .. قـالي
لا تشتـري بـاترول روح اشتـري لاندكـروزر جـديد .......!!!
____
والصراحـة وبكـل احتـرام للسيـارات الأمريكيـة إنهـا كثيـرة
الخـرابات وتصليحهـا غـالي .. بس هذا مو موضـوعنـا ....!!


وأنـا في انتظـار رد ...

شلون مسوي قلق ؟؟


يعني يدق عليك كثير ؟

والله العظيم كرهت اللاند من كثر ماهو مسوي قلق...

انا اشهد له

مخربها شلون الباترول مب اقوى من اللاند ؟

على اي اساس تقول الاند اقوى ؟

حجم المكينه الباترول اكبر من الاند
القوه الباترول اقوى

بعدين حلوه عيار البنزين يتحرك

والله عجيبه هالعالم

السلام عليكم ..


اخوي الوافي بالنسبه لقولتك ان الباترول اقوى من الاند في البر لا كلامك مو صحيح بالصوره اللي تتوقعها ...

صحيح ان الباترول يتفوق على الاند في البر لكن مو بسبب المكينه ... بسبب خفة البدي الباترول او النيسان كله بشكل عام اخف من اللاند عشان كذا تحس انه يروح على اللاند في البر ..


اما بالنسبه لصرفيه البنزين فهو والله يشفط شكل مو طبيعي تحس ان التانكي مخروم ... طلعت في الباترول حقنا البر كم مره لما امشي 180 وادقق في عيار البنزين تلقاه يتحرك بشكل بطيء بس واظح انه يتحرك ....

المفروض تحدد اي فئه سته او ثمانيه سلندر بس مبين من كلامك انو الجيووب الي تقصد الاند والباترول

الاند سعره غالي مقارنه بالباترول مع ان الفخامه والشكل لصالح الباترول
الباترول اقوى من الجي اكس ار اهداء في الخط واقوى في الطعووس
الجي اكس ار تجميع
الباترول ياباني ميه بالميه

بعدين سؤال الجيب صنع لاي غرض ؟
ج- صنع للبر وش ابي بسياره تصميمها تصميم عائلي وسعرها خيالي

الباترول فيه عيب واحد صرفيه البنزين من موديلات 98 الين 2003 تقريبا والجديد صرفيته معقوله جدا
وقطع الغيار راح تتغير خصوصوا انو السعوديه دخلت منظمة التجاره العالميه

ورجا ممنوع اي شريطي يرد ويزعجنا ويقول الاند سعره ثابت الخ
الي بيشتري سياره للبر ياخذ باترول والي شريطي وحاجز كرسي بالنسيم يشتري لاند

والله حنا عندنا باترول سفاري 2002 فتك ..


والله ماشاءالله موتر صراحه ..

في الخط ماعليه جيد وعزمه مقارنه باللاند قوي مرررره .. وفي البر مايحتاج يعني اتوقع اصحاب اللاند كروزر ولا يزعلون يعرفون ان الباترول يتفوق عليهم ( كـــ مكينه ) في البر


بس بالنسبه لللاند ماشاءالله الناس كلها تمدحه لكن ماحصل لي الشرف اني جربته


بس بالنسبه لسيارتي الانفنتي فأنا مااسميها جيب ابدا ...

لانها صغيره


وشكرا

اخي بالنسبه للي باقي عندنا ....

بعت الاند كروزر وشرينا لاند VX-R 2004 و GX-R2003 والباترول نفسه 2001 موجود بالنسبه للحوادث ... صار لي ثلاث حوادث بالاند في الوجه وكانت قطع الغيار والله رخيصه مقارنه بالسفاري اللي صار عليه حادثين واحد في الابواب الجهه اليمين والثاني طاح بحفره في ارض تحت الانشاء :D وكانت الوكاله صالختنا بقطع الغيار ...

السلام عليكم

وكل عام وانتم بخير بعد الزحمة

انا عندي باث 2004 محرك جبار 3.5 و250 حصان يعني اعلى من اللاند

الموتر قوي بمعنى الكلمة سواء في الخط ولا في البر وعيبة ان التانكي صغير

بالنسبة للاند والباترول فالسارتين ممتازتين لاكن يتفوق الباترول في الرمال وسعرة جديد اقل بكثير من الاند ويتفوق اللاند في الخط

هـذا الكـلام اللي أبي أسعمـه من زمـااان .. والله كـلام قـووي .. وصدقـوني
ماهـو تحـيز لأي سيـارة .. بس الرجـال يتكـلم من خبـرة ومن واقـع ..
أنـا سمعـت إن الفي اكس آر موديـل 2001 - 2003 لا يـروح عليـك

على فكـرة هذا الموضـوع موجـود للنقـاش مو عشـاني :) ..
أبغى أصفّـي الكـلام والجـدال اللي دايـم يصيـر بين الأعضـاء حـول الجيـوب ..

شبــااب أشـوف الكـلام كلـه للاندكـروزر !! وين باقـي الأعضـاء ..؟
وين اللي كـانوا يطقـون الصـدر ويفتخـرون بسيـاراتهم ؟؟

على العمـووم مشكـوورين يا شبـاااب على الإضـافة الرائعـــة !!

الكلام عن اللاند كروزر والباترول بنظري محسوم لصالح التويوتا

على الاقل لدي انا لتجرتي الاثنين


اما غيره من السيارات فلم اجرب

انا ياطويل العمر معي فكس ار 2004 بازعي فل كامل استبنتين وونش والباقي نت عارفه
تبي الجد وبدون تحيز اقسم بلله انه موتر كامل والكامل وجهه
لكن يعيبه شي واحد وهو الاستبنه اللي تحت تخوف بالرمل (( يعني هي اكبر اسباب شقص الموتر او تغريزه ))
الفكس احلى مافيه الهيدروليك تقدر ترفعه خصوصا بالشعيب او في التطعيس لانه اللاند معروف طامن شوي اكبر من الباترول
من ناحيه هيبة فخذ هيبه من ناحيه مركب وراحه تحس انك راكب موتر يستاهل الـ 200 الف
الونش ماشاء الله عليه يسحب 3.5 طن وقد طلعنا جمس مليان عائله في الطوقي وهو في طين وسحبه زي الحلاوه
موتر باختصار يبيض وجهك
لا طقطقه ولا فكفكه ولاهم يحزنون كل سنه اطلع به للصمان له معي سنتين تقريبا ماعمري دخلته للوكاله وهو يشكي من شي
بس الله يهديهم لو كانت المكينه اقوى من الموجوده كان عز الله ماخلى احد في حاله
اذا القير العايدي في الفكس ار مايجاريه موتر غير الربع بالرمل ولا يزعلون اهل الباترول صحيح انه قوي بالرمل ومحد يختلف فيها
لكن اذا كان الكلام عن الفكس ار العايدي فمافيه مثيل له بالبر
تبيه بالمدينه بالبر بالسفر وين مارحت يعطيك ولا ياخذ
اما وكيله البازعي فبصراحه شهادتي فيه مجروحه ولا اقدر ازود على كذا
اذا انت ناوي تشتري جيب فما انصحك هالسنه الا اذا كنت بتاخذ مستعمل لانه ماعاد باقي الا ويتغير الموتر كليا
ولو اني ماني عارف وش سبب تكتم تويوتا عن التصميم الجديد
عموما كلامي اللي فوق هذا من تجربه ويشهد الله على كلامي ان الموتر ماعليه كلام
تحيه لك

يعطـيك العـافية أخـووي راعـي ال8100 .. بس ما أعطيتنـا الأسبـاب ..
____________

وعليكـم السـلام أخـووي "مخربهـا" ..
أحييـك على هالكـلام والخبـرة اللي عشتهـا بين السيـارتين ..
طيب بالنهـاية أيش بقى عنـدك منـهم ؟؟
على العمـووم مشكـوور على مـرورك ..
____________

أتمنى يا شبـاب إنكـم كل ما عندكـم من معلومـات عن السيـارة و تتكـلم
حتـى عن وكالتهـا وقطـع غيـارها ....!!

وفي إنتظـار جـزء من 26000 عضـو في المنتـدى ..
وممـن يدعـي أفضـلية بعـض السيـارات على غيرهـا |6|

السلام عليكم ..
اول شي في المقارنه بين الاندكروزر والباترول انا راح اتكلم عن تجربتي الشخصيه للسيارتين ...

كان عندي VX-R 99 وباترول سوبر GL 2001 وكلها قير عادي بالنسبه للقياده العاديه الاندكروزر اريح لا تقول اليايات والسست انا اتكلم عن الكرسي والطاره الاند طارته اخف بكثير من الباترول صرفيه اقل بكثير مع العلم ان اللي معاي 8 سليندر والباترول 6 قليل الخرابات والتفكك ... تعشيقات القير اهدأ شكله اجمل التكنولوجيا اللي فيه اعلى بالمقارنه مع منافسه الباترول الفتك ... لكن من عيوب الاند ان RBM على الخط يرتفع تحس ان القير في الثالث مو في الخامس على عكس الباترول اللي تحسه هادي على الخط ...

الباترول اخف وزن اهدأ في الخط ... ولكن لو خيرت بين السيارتين ... افظل لاندكروزر GX-R 2004 على باترول فتك 2006