ابي اشتري لي جيب شنو تنصحوني

لا والله اختي اللي شفته ما يشبه اي ديكور من الـ3 اللي فوق
للأسف هذه للسوق الأمريكية,
بس ما اذكر هل اللي شفته هو المواصفات الكاملة ام الستاندرد,
واذكر انهم قالو لي ان سعره بيكون من 90-120 الف
هذا على كلام مدير فرع نيسان في المعرض
وعلى فكرة:
تراك في السعودية
يعني انسي تحصلين سيارة فيها نافيجيشن باقل من 170 الف
جيب الانفينتي FX35 شبيه المورانو مع ان سعره 163 الف وفيه فخامة بشكل ما يتصور مع ذلك الوكيل يطلبه بدون نافيجيشن,فكيف بسيارة سعرها 120؟؟

ياخوان
الباثفندر اذا سألت الوكاله عنه قالو ماندري متي ينزل
كيف الواحد يعرف

اخوي

هل يوجد فيه شاشة الملاحة






ام هكذا اللي شفتة



يعني هل يوجد بها شاشة الملاحة

وهل يوجد بها ذاكرة للمقاعد

شكرا

عزيزي الأخ night اللي حصل معاي بأمانة أني نزلت السيارة البليزر وهي سياحي بدبل السوق بالنسيم وعند دخولي مباشرة واجهني صاحب معرض أضواء الباحة ووصل سعرها الى 71000 ريال ورفضت وقام بمهاتفتي خلال 3أيام محاول اقناعي لكني رفضت وبعدها ذهبت عشان أوقفها بمعرض وصادفني شريطي وهو صاحب معرض الريان ووصلها لغاية 73000 ريال وقال لي أن سعرها بصراحة يسوى 74000 ولكني استخرت وبعتها لحاجة المادية وسألت عن السيارة بالمعارض ووجدت أنها مرغوبة هي واليوكون الدفرنسين ،المقصد ان كلامي من تجربة وتقدر تروح للوكالات وتسأل عن المبيعات كلها لليوكون والبليزر وماتحصل الا بالحجز .وهذا بعد استفساري شخصيا .

عزوز:
انا حكمت على ديكور الباث الجديد من خلال ركوبي له في معرض الرياض للسيارات في نوفمبر الماضي, بصراحة تقليدي جدا يذكرني بالكوري في بداياته
عاشق الدوج:
حالتك شكلها خاصة, انا خالي تاجر في معارض النسيم ويقول لي ان البليزر غير مرغوب ابدا, هذا اولا
ثانيا: البليزر خلال 3 سنوات يفقد من ثلث الى نصف قيمته تقريبا!! يعني خسارة بكل مافي الكلمة من معنى(مثل اي امريكي), وانا شايف بليزرات LTZ دفرنسين 2003 على 63 الف تقريبا, هذا عند الأفضلية, وهم شروها من صاحبها بسعر اقل يعني بحدود 59 الف

اذا كان الجيب للبر والمدينة وللعائلة اتوقع افضل اختيار هو الباترول ولا احد يقدر يقول عنه شي سوى في صرفية البانزين

والخيار الثاني اذا كان اكثر الاستخدام في المدينة والطرق السريعه فهو الانفوي

تحياتي

أناسبق اني اشتريت تريل بليزر 2005 دبل بقيمة 84000 وعند عرضي لبيعها لم أتوقع انها مرغوبة بشدة فعند نزولي للسوق لعرضها تصير مذبحة عشان أبيعها خصوصا من الشريطية وقد بعتها بقيمة 73000 بعد استخدام سنة والعداد 40000 كم وهو سعر مقبول جدا وبعتها على صاحب معرض في النسيم يعني يريد التكسب من وراء شراءه للبليزر بمعنى أنها تسوى أكثر في السوق ,هذا مجرد ردي على من يقول أن البليزر ليس له قيمة في السوق وشكرا

الحقيقه بعد ما افادة الشباب مافي بعد القول قول
لكن انصحك قبل ماتقدمي على شراء السياره خاصه انه الواحد لا يشتري سياره كل يوم ولا كل سنه انك تاخذي زياره للمعارض بنفسك خاصة اني اعتبرها شخصيا متعه واغلب المعارض الان مكيفه وجاهزه لاستقبال الزوار من العوائل حتى اني شاهدت في احد معارض السيارات صالة خاصه لالعاب الاطفال عند حضور العائله واقترح المعارض الاتيه والتي فيها السيارات الاتيه والتي اعتقد انها جودة وسعه للعائله وفي حدود الميزانيه تقريبا
1-نسيان : ارمادا وباثفيندر
2-التوكيلات: يوكون وانفوي
3-توكيلات الجزيزه فورد:الاكبدشن
4-تويوتا : البرادو و فونتشر
5-سوزوكي : جراند فيتارا
وانا شخصيا معي الاكبدشن الان سعره ب 104000 ومجهز تجهيز رائع للعائله ومواصفات السلامه عاليه والحقيقه اني وزجتي مرتاحين فيه تماما مع العلم انه السياره الي قبلها برضوا كانت باجيرو ...
وما خاب من استخار

أخوويnight على اي اسااس حكمت ان البااث ديكوره تعبان باالعكس أنيق وانا شاايف له صور كثيره وصرااحه المووتر اول مااشفته ماأعجبني بس عقب موضوع اخوي أبو أسد حسيت ان مووتر مااعليه كلام شكله من ابدع مايكوون ينفع للبر وينفع للي يبي يكشخ
وانا سئلت حق المبيعات وقال انه باينزل شهر 2 انشاءالله وانا أشووف ان المووتر بطل ويميزه انه يجي باثلاث صفووف وأتوقع ان الأخت تنتظر لي شهر واحد و تشووفه على الطبيعه .

وتحياتي لكم .

لو تزيدين الميزانية شوي..,
الباث الجديد مصنوع في أمريكا, يعني ما فيه من الياباني الا اسمه, وانا شفته بنفسي في معرض الرياض للسيارات, بصراحة ديكوره تعباااااااااااااان وكئيب جدا
ارشح لك احد هالسيارات:
برادو., سعره للـ6 سلندر كحد أعلى 125 الف
يكفيك انه تويوتا, بس عيبه شكله من الخارج مو مهضوم, لكن الديكور الداخلي رائع جدا وتشطيباته فاخرة
باجيرو:
من افضل سيارات الدفع الرباعي, عيبه يمكن انه شوي ضيق, لكن جودته عاليه جدا ويفوز دائما في الراليات, وسعره الفل قريب من البرادو, عيبه غلاء قطع الغيار
باثفايندر 2005 : يوجد كميات في الوكالة منه, غني عن التعريف, الفل منه بـ93 الف, لكن بدون جلد
هوندا MRV سعره من 110-118 :
حلو وجودته عاليه, بس دفعه الاساسي امامي وليس خلفي, هذا عيبه الوحيد (في نظري)
ولو تعطينا معلومات زيادة ممكن نساعدك اكثر:
هل ستسافرون عليه؟ اذا كان الجواب نعم فلازم يكون فيه مثبت سرعة علشان يرتاح السواق
هل زوجك راعي بر ولا لا؟ اذا لا فالهوندا مناسب جدا
هل تحتاجون مرتبتين ولا 3؟؟
عموما ما انصحك بالبليزر او الفورد اكسبلورر, صحيح انهم مريحين واسعارهم حلوة, بس سعرهم يطيح بشكل كبير عند البيع, هذا ان حصلتو واحد يبغى يشتريه

تريل بليزر

والله انا بقترح عليكي جيب هوندا وشركة هوندا غنية عن التعريف واقترح انك تشوفي السيارة وانشالله تناسبك سياره حلوه ووسائل السلامه فيها ممتازة والفل منها جدا حلو لعائله وسعرها في الحدود اللي حددتيها و لو تصلي استخاره وربي ييسرلك اللي فيه الخير ومبروك عليكم

الله يعطيكم العافية شباب

مشكوررين وماقصرتوا صراحة

انا صراحة شفت الباثفايند الجديد وقررت اني انتظرة واخذ واحد

لان سمعت ان نهاية هالشهر او شهر ثلاثة راح يكون متوفر عندنا في الخليج

لانه ياباني والباث القديم قوي جدا وممتاز ققرت اشتري الجديد 2006

شكرا

انا اقول هايلوكس غماره والعيال في الصحن .. امزح لا تزعلين ..
اذا تبين جيب مالك الا اثنين يا مورانو يا ارمادا فخامه وقوه وكل شي وصرفيتها مهوب ذاك الزود ..
وفيه جيب فورد قراند ماركيز اسمه ماونتنير شكله حلو وفخك وكل شي بس ما تضمنينه مهوب راعي عمر يعني وتحـياتي

يمدحون الهايلكس دفرنسين ...