سيارات عجبتني ولكن ... 8 سلندر

عاشقة السيارات @user_27099 · 06-02-2006

اليوم رحت وكالة الجي ام سي والفورد

اول وكاله دشيتها الفورد صراحة كنت رايحة اشوف الاكسبلورر لكن من داخل ماعجبني

وشفت الوحش الاكسيبديشن صراحة عجبني جدا ولكن عندما نظرت الى مميزاته وجدت المحرك 8 سلندر 5.4 صراحة المحرك جدا كبير وراح يستهلك بنزين كثير على مااعتقد

وخرجت وانا حزينة جدا لان طلع 8 سلندر

ثم ذهبت الى جي ام سي وشفت اليوكن صراحة جيب ولا اروع لكن للاسف 8 سلندر ايضا اعتقد انها تصرف بنزين كثير

واخر شيء شفت الانفوي عجبني لكن ليس مثل السيارتين السابقتين واعتقد ان صرفها راح يكون جيد بالنسبة للسيارتين السابقتين

وممكن تقولون لي هل فيه فرق كثير بين اليوكون + الاكسبيدشن في صرف البنزين عن الانفوي, لأن يهمني في المقام الأول صرف البنزين

و اشرايكم بعد في الباجيرو

شكرا

فواز @user_561 · 25-02-2006

أعتقد الإكسبلورر هو الأفضل لك من جميع النواحي

لكن أنتظر قليلاً فباثفايندر الجديد سيتوفر بالأسواق قريباً

بالتوفيق :)

Night @user_14595 · 25-02-2006

الانفوي صرفيتها اقل وانصحج فيها

تحياتي

][عبدالله][ @user_17726 · 20-02-2006

السلام عليكم ورحمة الله وبركاتة

أولآ:
أختى عاشقة السيارات .... إذا كنتي تبغي سيارة ماتستهلك بنزين على حسب
إذا كانت السيارة كبيرة و8 سلندر ماراح تستهلك أما لو كانت سيارة سيدان و8 سلندر راح تشرب بالراحة

ثانيآ:
السيارات الي أكثر أستهلاك للبنزين للحين هي السيارات الأمريكية هي وبعدها الياباني وبعدها الألماني
و إذا بغيتي سيارة وأعجبتك وبالاخير تطلع 8 سلندر بأمكانك أنك تسألي البائع يمكن تتوفر نفس السيارة والمواصفات 6 سلندر وبسعر أقل .
ثالثآ:
ذكرتي أنك رحتي بس الفورد والـجي أم سي .. الي يبي يطلع سيارة مقتنع فيها لازم يروح جميع الوكالات المعروفة عشان يحصل الي هو يبيه .

وآسف على الأطاله

وتحياتي للجميع
بوعبدالرؤوف

hasounah @user_25171 · 19-02-2006

عندي اكسبلورر 2002 XLT مواصفاته ممتازه مقاعدجلد , مكيف امامي ومكيف خلفي , مقعد ثالث عملي جدا , تحكم اوفر درايف لجر المقطورات , مساحه واسعه , ......................................
وصرفية البنزين جدا ممتازه مقارنه بالبليزر مثلا يعني داخل المدينه تقريبا 425 كلم ب 72 ريال وخارج المدينه وصلت 580 كلم ومازال في التانكي بنزين!
واعتقد ان 2006 الشكل الجديد في الطريق للاسواق الخليجيه
السياره واسعه من الداخل و ثلاث صفوف وقليلة الاعطال وقطع الغيار متوسطه والسياره مريحه جدا في السفر
مايعاب على السياره مثل معظم الامريكي نزول السعر وايضا يعيب الاكسبلوررالثقل عند السرعات المنخفظه (اقل من 40كلم)

عاشق ميتسوبيشي @user_27574 · 19-02-2006

خذي باجيرو واتكلي على الله
انا اخوي عنده باجيرو يداوم به يوميا 140كيلو
ومايعبيه بنزين الا مرة وحدة فل ويبقى معاه اسبوع كامل

VECTRA2003 @user_6783 · 18-02-2006

رأيي ان الباجيرو والباثفايندر افضل اختيار .... وبشكل عام لا احبذ الامريكي لأنه ما يكد مثل الياباني

عاشقة السيارات @user_27099 صاحب الموضوع · 18-02-2006

N

Night Hawk

اطلعت على الروابط واتضح لي ان اليوكون تغير في امريكا الشمالية بالكامل وان موديل 2007 نزل عندهم
بس هل بتنزل عندنا:confused: :confused: ؟
الله اعلم
بس اتوقع يجي الشكل الجديد كموديل لـ2007
بس متى:confused: ؟
اتوقع في اخر العام, يعني نوفمبر او ديسمبر, واحيانا ممكن ينزلوه قبل كذا (الكابرس واللومينا عندنا موديلات 2006 نزلت في يوليو 2005!!!!)
وبرضو ممكن يتأخر الى يناير او فبراير 2007|10|
اشياء مثل هذي ما احد يقدر يعرفها, حتى مندوبي المبيعات مايكون عندهم خبر, لأن الامر بين الادرات العليا للوكيل والشركة الصانعة
تحياتي

الف شكر لك اخوي

صراحة اتعيتك معاي

شكرا

CamSHAFT @user_6565 · 17-02-2006

اطلعت على الروابط واتضح لي ان اليوكون تغير في امريكا الشمالية بالكامل وان موديل 2007 نزل عندهم
بس هل بتنزل عندنا:confused: :confused: ؟
الله اعلم
بس اتوقع يجي الشكل الجديد كموديل لـ2007
بس متى:confused: ؟
اتوقع في اخر العام, يعني نوفمبر او ديسمبر, واحيانا ممكن ينزلوه قبل كذا (الكابرس واللومينا عندنا موديلات 2006 نزلت في يوليو 2005!!!!)
وبرضو ممكن يتأخر الى يناير او فبراير 2007|10|
اشياء مثل هذي ما احد يقدر يعرفها, حتى مندوبي المبيعات مايكون عندهم خبر, لأن الامر بين الادرات العليا للوكيل والشركة الصانعة
تحياتي

عاشقة السيارات @user_27099 صاحب الموضوع · 17-02-2006

هل اليوكن الجديد نزل

انا اعتقد انه نزل في امريكا

يعني اذا نزل في امريكا اعتقد من الممكن ان ينزل عندنا في الخليج منتصف السنة

ياريت لو تتاكدون لي من الوصلات هذة ومع الاسعار

شكرا

http://www.nextag.com/Compare-Autos--a-Year-_-2007--zz2703000zB4z5---html

http://autos.yahoo.com/newcars/gmc_yukon_2007/4743/model_overview.html;_ylt=A9ibyEP7dtNDrhQAigPseb8F

http://autos.yahoo.com/newcars/gmc_yukon_2wd_2007/18829/style_overview.html;_ylt=AjOIOlCw0aHxV50ECXwf0pbseb8F

http://autos.yahoo.com/newcars/gmc_yukon_4wd_2007/18831/style_overview.html;_ylt=A9ibyEGYm9xDg38Awgjseb8F

http://mph-online.com/web/prtranslated/00488

http://forms.nextag.com/serv/main/buyer/rfq/submit/110/0/1/form.jsp?nxtg=e9a0a1c0641-13FF5A65A6FC1485&make=GMC&model=Yukon&dealixModel=&year=2007&trim=SLE%202WD&zip=&rfqType=110&cmd=submit&stage=0&page=1&reallysubmit=1&onepage=1&rfqstyle=OnePage&search=yukon+2007+price

http://www.carprices.com/research/make/gmc/2007_gmc_yukon.html

عاشقة السيارات @user_27099 صاحب الموضوع · 16-02-2006

N

Night Hawk

والله ياختي انا بعد محتار:confused: :confused:
لو كان القرار لي لاستبعدت الباثفايندر الجديد (لأنه جديد وما يندرى عن مشاكله)
الاكسبلورر الجديد بمكينة موستنج|1| يعني رياضية وبتشرب بنزين
اليوكون اراه افضلهم, فهو يأتي امتداد لهذه السلسلة (يعني نفس المكينة والجير ) م شي جديد ينخاف منه
ومكينة اليوكون 2007 راح تكون اقل صرفية بـ8 % واقوى بـ10 % تقريبا
وديكوره جميل جدا (بعد ان تنازلو عن الطابع الامريكي التقليدي)
بس الضريبة الصبر, ومايندرى بكم بتكون اسعاره

والله ياخوي كلامك صحيح عن الباث

انا راح اصبر لما ينزل الباث واشوفه على الطبيعة شلون

واذا مادش في راسي راح انتظر اليوكن اللي ان شاءالله مايتعدى 12 الف دينار اي 120 الف ريال لان هذي الميزانية القصوى

اللي اقدر احطها

مشكووور وماتقصر اخوي

CamSHAFT @user_6565 · 16-02-2006

والله ياختي انا بعد محتار:confused: :confused:
لو كان القرار لي لاستبعدت الباثفايندر الجديد (لأنه جديد وما يندرى عن مشاكله)
الاكسبلورر الجديد بمكينة موستنج|1| يعني رياضية وبتشرب بنزين
اليوكون اراه افضلهم, فهو يأتي امتداد لهذه السلسلة (يعني نفس المكينة والجير ) م شي جديد ينخاف منه
ومكينة اليوكون 2007 راح تكون اقل صرفية بـ8 % واقوى بـ10 % تقريبا
وديكوره جميل جدا (بعد ان تنازلو عن الطابع الامريكي التقليدي)
بس الضريبة الصبر, ومايندرى بكم بتكون اسعاره

عاشقة السيارات @user_27099 صاحب الموضوع · 14-02-2006

N

Night Hawk

اليوكون الجديد بعد 10-11 شهر (نوفمبر-ديسمبر)
الاكسبلورر يقولون (توكيلات الجزيرة) في مارس, يعني الشهر الجاي, والله أعلم

مشكووور اخوي وماقصرت

انت شنو تنصحني اخذ الباث او اخذ اليوكن او الاكسبلورر او انتظر يوكن 2007

شكرا

CamSHAFT @user_6565 · 14-02-2006

اليوكون الجديد بعد 10-11 شهر (نوفمبر-ديسمبر)
الاكسبلورر يقولون (توكيلات الجزيرة) في مارس, يعني الشهر الجاي, والله أعلم

عاشقة السيارات @user_27099 صاحب الموضوع · 14-02-2006

شكرا لكم جميعا

انا راح انتظر الباث لما ينزل وراح اختار اي واحد فيهم احلى اهو او اليوكن

لكن اليوكن الجديد مته راح ينزل والاكسبلورر ايضا

كابـــSSـــرس @user_6060 · 13-02-2006

الله يطولي عمرك ترى والله ان اليوكن مايصرف

وهذا من تجربه صحيح ان ثمانيه سلندر لكن صرفيته اقل من الفورد واقل من الاند والباترول سته سلندر

واليكون في مواصفات حلوه وخصوصا الفل كامل وهو موتر حق اكثر من سبع سنوات يعني حق كرف

وبر وسفر ووسيع فعلا موتر لك ولزمن ومتعدد الاختيارات نصيحه لله لاتتركينه |1|

7
7
7

راعي اللكزس @user_2142 Registered User · 12-02-2006

لقد سمعت اختي الفاضله ان اليوكون الجديد فيه ميزة فصل السلندرات
يعني تقدري تخليه داخل المدينه يشتغل على 4 سلندر وفي الخط 8 سلندر
هذا وصلى الله وسلم على رسولنا الحبيب

CamSHAFT @user_6565 · 11-02-2006

انا اخالف الاخوان اللي يقولون احجزي الباثفايندر الجديد,
الباث القديم 2005 ودون هذا ياباني 100% واثبت تفوقه
لكن الجديد امريكي وهو جديد بالكامل ولم يختبر او يثبت جدارته
مثل الأرمادا, واحد من الشباب ركب له ارمادا مع خويه وطخ بركبته احد الاكسسوارات وكسرها!!!(شغل أمريكي)
وبالنسبة للصرفية: صحيح زي ما قال القمر المديني الاكسبيديشن على ضخامته صرفيته اقل من اللاندكروزر, بس عيبه مايمسك سعر عند البيع ويتفكك بسرعة مع الوقت

عالم مشاعر @user_987 · 11-02-2006

اخترتي فاحسنتِ الاختيار

الباثفايندر الجديد الكثير من الناس تترقب وصوله لان الجيل السابق الموجود حاليا اثبت نجاحه مع ان مركبه شوي مزعج لكن الجديد راح يكون افضل بكثير لوجود التعليق المستقل في الامام والخلف بعكس الجيل الحالي اللي كان يتوفر في الامام فقط

استهلاك السيارة للبنزين راح يكون افضل مع ان المحرك اكبر لكن لوجود القير الاوتوماتيكي ذو الـ 5 سرعات ، ايضا السيارة اتساعها اكبر و تتوفر بثلاثة صفوف من المراتب اما الحالي فهو صفين فقط

اذا كنتي ناوية عليها فزي ما تفضل احد الاخوان وقال احجزي من الحين افضل لك لاني اتوقع ان الطلب راح يكون كبير على السيارة وهذا اللي لمسته من عدد من المعارف والاصدقاء

:)

عاشقة السيارات @user_27099 صاحب الموضوع · 11-02-2006

ا

القمر المديني

خذها من واقع تجربه انا مجرب الباجيروا والاكبدشن ولاندكروزر 6 سلندر و 8 سلندر

اكثر واحد صرفيه هو الاندكروزر 6 سلندر يجي بعده الاندكروزر 8 سلندر

ثم الاقل اللاكسبدشن لكن ليس الفرق الكبير بينه وبين الباجيروا 3000
يعني لو صبيت ب 30 ريال في الباجيروا يوازي 35 ريال في الاكسبدشن يمكن اقل او زياده شوي بالمقابل الباجيروا 6 سلندر 3000 والاكسبدشن 8 سلندر 5400 لاتنسى الفرق الكبير في حجم السيارتين وقوة المحرك الباجيروا 190 حصان والاكسبدشن 300 يعني الفرق لايذكر مقابل ماتاخذ

شكرا اخوي

يعني اللي فمت منك ان الاكسيبديشن مايصرف واجد

ويعني ان اليوكن اقل بعد

راح افكر واشوف

شكرا لكم جميعا