كفاك اليوم ياقلبي عرفت ان الزمن خوان
يخونك من عرف طيبك ترى الأيام كذابه
دخيلك لا تعاتبني أنا المخطي وأنا الغلطان
عرفت ان الوفا والغدر بعض أحيان متشابه
كفاية لا تزودها جروحي مابها نقصان
أنا استاهل عذابٍ تحملته وأنــا أســبابه
حزينة لحظة الفرقى صعيبة لحظة النسيان
وأنا وشلون بنسى من خذى عمري وقفا به
حياتي كلها غربة تعيش الحزن والحرمان
رجيت اللي يواسيني وأشوفه طوّل غيابه
أخفي عبرتي وأضحك وأنا في خاطري زعلان
وأداري خاطرٍ -عيّا- عزا الأيام يسلا به
عزاي اللي رحل عقبه حياتي مالها عنوان
هذاك اللي خذاه الموت من عيني ولا جابه
