بسم الله الرحمن الرحيم
السلام عليكم ورحمة الله وبركاته
7
7
7
7
7
7
7
7
بعد ما شفت موضوع V-I-P عن مقارنته ليجاسي بالأكورد فكرت أني أخذ تجربة قيادة لليجاسي
فأتصلت على شركة اليمني
وقلت: عن سعر السيارة ثم قلت لهم أبغى تجربة قيادة لليجاسي 4 سلندر.
قالي المندوب: حاليا مافي غير 6 سلندر!.
قلت: خير وبركة خلاص أبجي بسوقها <<<< أقصد بفلم بها خخخخخخخخ
المهم
وصلت للوكالة
وقابلت نفس المندوب الي كلمته على التلفون كان أجنبي
راح وجاب لي مفتاح السوبارو الليجاسي لقيادتها وكانت مواصفاتها:
فل كامل 6 سلندر لون أبيض لؤلؤي بجلد بيج وناقل الحركة آلي سيبترونيك وكانت لوحتها بعد مميزة :D
أول ما شغلتها عدلت الكراسي ثم شغلت أذاعة القرآن ثم أعدل الكرسي مرة ثانية ثم أناظر الطبلون ثم شغلت السيدي وكان فيها قرآن <<< أقول تراك طولتها قولنا رايك فيها بسرعة :D هههههههه.
المهم
كانت السيارة قوية جدا تقارنا تقريبا بالمكسيما فيها قوة أستجابة أعجبت بها.
لاحظت أن الثبات فيها غريب جدا حيث تحس في تثبت بالأرض وثقل مقارنتا بالأكورد والمكسيما مثل ما تقولون متماسكة بالأرض والرساوة فيها ممتازة.
وقفت على جنب بحكم أن في شيء أبي أتأكد منه أن الدفع الرباعي ما يفحط أبدا!
يوم وقفت على جنب ثم أكتم الدعسة بأقوى ما عندي!
لاحظت أن السيارة ما فحطت أبدا
بل أنطلقة مباشرة بدون أي فحطة تقريبا أشبه طريقة القومة مثل المرسيدس الشبح بس أقوى وأخف.
ثم جربت نظام ناقل الحركة سيبترونك
كنت أمشي حول 80 في شارع معينا ليس خط سريع وحط على النمرة 3
وأقوم أوحطة النمرة 4 وألاحظ قلة العزم الدوران <<< تحس معك سيارة قير عادي وتماتيك فلللللللللة تتحكم بالقير على كيفك.
ثم نزلت القير بالنمرة 3 ومشيت 60 ثم نزلته بالنمرة 2 ثم قلت ليش ما أحطه بالنمرة الأولى!!! خلنا نشوف وش بيصير
وأنزل النمرة!
وألاحظ!
أن القير رفض أنه ينزل عن النمرة الأولى وقالي المندوب أن ما تقدر تحطه بالنمرة الأولى لين تمشي أقل من 40 وأجرب وصار هذا الشيء
المهم
وأدعس كل البنزين وكل ما بدى يوصل الأحمر غيرت إلى النمرة 3
قلت خلني أخليه يصارخ في الثالث
وأكملت على الدعسة بدون تغير النمرة
ثم بدا يوصل للضغط الأحمر
يوم وصل للأحمر دخل في الأحمر ثم شوي بدل على طول إلى النمرة 4!
أنا أستغربت؟ :confused:
ليش بدلت بدون ما أنا ما أبدل!
قالي المندوب أن هذا نظام في القير علشان ما يتأثر ويسبب مشاكل فهو تلقائيا من يوم يدخل في الأحمر شوي ويبدل على طول للنمرة الأعلى.
صراحة أعجبت بالسيارة كثيرا بهذه التقنيات الي فيها
أختصر ميزات السوبارو الليجاسي الفل كامل 6 سلندر:
1- قوة عالية وأستجابة سريعة بعدم دوران الأطارات في مكانها.
2- الثبات فيها صراحة لم أرى مثيل له في السيارات المنافسه لها.
3- المقاعد الجلد مريحة جدا ولينة أيضا.
4- السيارة تتمتع بشكل رياضي وفخم مواصفات كثيرة قيمة.
بقي بعض الأشياء الي أحب أقولكم عنها
الحرارة كانت تقريبا تحت النصف بشوي وقالي المندوب هذا طبيعي فيها ووقت القيادة 11 صباحا.
كان مؤشر البنزين تحت النصف بشوي وكان جهاز مقياس معدل المشي بالكيلو يوضح أن السيارة تمشيك حول 200 كيلو
أعتقد تقريبا تمشيك أذا عبيتاها فل في حدود 430 أو 450 تقريبا.
وعندي بشرى سارة لعشاق الليجاسي
لقد تم تخفيض سعر الليجاسي 6 سلندر من 98 ألف إلى 95 ألف ريال سعودي تقريبا
بينماالفل كامل 4 سلندر إلى 81 ألف ريال سعودي
وهذا ما لدي
بعد ما سقت الليجاسي وركبت موتري صرت ودي أنزل القير وأرقيه :D يبي قير سيبترونيك خخخخخخ
أخوكم أبــوأســــد|3|
