ما هو الأفضل لحماية وجه السياره من الخدوش أثناء السفر ..؟

ابشركم وصل البخاخ العجيب


نعم في محل تلميع اسمه كار كير في البديعه عند مجمع الاتصالات قبل اشارة هرفي سعره 100 ريال وترشه على وجهية السيارة وبعد ماترجع تقشره كنه تغليف شفاف حق الاكل رووووووووووووووووووووعه بس انا ماجربته للمعلوميه

البرقع بصراااحة حلو وانا مجربه مفصله من عند السماعيل في الرياض

ومثل ماقال بعض الاخوان اذا فيه عج هي السرعة بس

وبإذن الله ما يصير للسيارة شي

وبالتوفيق

تدري انا عندي سيارة استخدمها من 8 سنوات الجبيل- الأحساء شبه اسبوعيا ... ماترملت ولا جاها شي لا بويه ولا انوار بس لما يكون عج ما اسرع والحمدالله كله اوكي... والبرقع ممل بتركبه كم مرة وبيتعب مع الحرارة وبيصر النور باهت وغير واضع بالذات باليل بس نصيحة لا تسرع ولاراح يصير بسيارتك اي شيء بإذن الله والأهم انك تنظف فلتر البخاخ قبل ما تسافر ,,, او تغيره إذا تعبان ... وشيك الزيت وخليك من البرقع هههه

طيب ايش رايكم فى البرقع هل يوءثر على السياره

السلام عليكم

انا اذا بطلع بسيارتي على طريق طويل
اركب البرقع على السيارة و هو يجي أنواع
في نوع مثل ما قال الأخCAMRY_2005
انه يكتم الموتر وماتقدر تفتح الكبوت
لكن انا الي أعرفه انه في نوع يغطي الوجه بس
وهذا النوع ما يركب على جميع السيارات
(من حيث شكل الواجهة حق السيارة)

<<<< وآخر شي انصحك بعدم السرعة الزائدة مهما كانت الظروف >>>>

على فكرة زيبارت يركبون البلاستيك الشفاف على الكبوت فقط ولا يشمل الأنوار والصدام الأمامي 600 ريال

نصيحتي لك انك تاخذ برقع للواجهيه وسعره لا يتعدى 250 ريال

وعليكم السلام ورحمة الله وبركاته

اخي الكريم الفاضل / أحسينوه حفظه الله

طيب فيه برقع يركب على الصدام يحمي الأنوار وكذلك الصدام لكن مشكلته والله اعلم انه يكتم الموتر !!! اي بالمعنى اذا ركبته ما تقدر تفتح الكبوت !!!

وعلى العموم اظن ان رش السيارة الذي ذكرها الاخ GMC-8100 وكذلك تغييم الزجاج الامامي للسيارة .

نصيحة مهمة جداً : اذا وقفت عند اي محطة لا تقوم باطفاء المحرك فوراً وانما نتنظر 5 دقائق لكي يأخذ المحرك راحته الكامله ومن ثم قوم بإطفاءة ورحلة سعيده
ولا تنسى دعاء السفر .
http://www.assayyarat.com/forums/showthread.php?t=65747
وبالتوفيق .

اخوي أحسينوه

فيه كذا طريقه
1-الفيري وهذي الطريقه التقليدية والسهله بس يقولون انها اذا طولت على البويه تسبب بهوت اللون

2-لصقه شفافا تنحط على الكبوت وعلى الصدام والأنوار وهذي تكون على طول يعني سفر وغير سفر للحمايه الدائمه
بس انها غاليه سعرها فوق ال 1000

3-الشي الثالث واشوف انه احسن شي الي هو الشمع الي ينحط على السيارات وهي جايه من بلدها بالبواخر وغيره
وهذي تنرش عند محلات الزينه وتعملك طبقة حمايه ولا فيها اضرار ولو فيها اضرار كان شركات السيارات مارشوها عشان الحمايه وهذي وجهة نظري

ملاحظه: شغله مهمه تغيب عن كثير الناس الي هي الزجاج الأمامي يتأثر بشكل كبير من الخطوط تلقاه ينقط من التراب وغيره وهذي حلها تضليله زيرو زيرو شفاف من الخارج واذا وصلت سالم فكها

اتمنى اني اكون افدتك.
تحياتي اخوكم GMC-8100

اخوي في مادة تظعها على واجهة السيارة تبداء من نصف الكبوت الي اخر الصدام وتشمل الرفاف

هذا المادة ثابته وغير واضحه نهائيا

الي يسوي هذي الشغله : 1- زيبارت 2- لالامار (للتظليل)

بس السعر غالي حبتين


وشكرا

السلام عليكم و رحمة الله
الاتغبيرة اراها جيدة و هناك نوع مثل السائل يرش في بعض المغاسل خاص للسفر ولكنه سيئ من واقع تجربة يتقشر على طول
ومازال وضع الصابون هو الشئ المثالي من وجهت نظري لانه يحمي السيارة و سهل مسحه ولا يؤثر على اللون
ولوضعه بشكل مثالي ضعه بكثافة قبل السفر بيوم وبعد ان ينشف ضع عليه مرة ثانية حتى تتكون طبقة حامية للسيارة و رحلة موفقه ان شاء الله

الاخ الفاضل: أحسينوه ،،،

بالنسبة لي كنت مسافر من الرياض للاحساء ، وقفت عند أول محطة ، وشريت فيري ودهنت وجه السيارة وأول الكبوت والرفارف ، واللمبات والازياق ، يعني لطست الأول والتالي ،،،

طبعا الطريق اللي يودي للأحساء تفرق له يمين ، لكن وش وصلة !!! من يوم تركب الخط لما تاصل الأحساء والتراب يجيك من كثره مثل المطر !!!!

وفي الرجعة رجعت بنفس الفيري ما غيرته لما الرياض وكذلك السفيف مثل الاول ،،،

ولما وصلت وغسلت السيارة ، ولله الحمد لم ألاحظ أي مشاكل على البوية والانوار والازياق ،،،

وسلاااااااااااامتكم

وتقبلوا تحياتي ،،، المعقـــب ،،،