ياجماعه أريد سوناتا والوالد يريد كورولا

اخوي انا معي سوناتا 2005 الشكل القديم ابي اقول لك والله من نايحة قطع الغيار تراها غاليه نسبيا لاكن الموتر يعجبك من ناحية الرساوه والراحه وكل شي حتى انه يقارن برساوة الالماني والله اني مجربه ومشكلتنا ان الكبار في السن لحد الان ماتغيرت نظرة انه كوري وكذا وانا كنت اعاني من المشكله ذي بس حليتها بأسلوب وقدرت اشتري السياره اللي بنفسي واذا انت تحترم السياره تحترمك صدقني السوسو لما تجربها ماراح تندم ان حافظة عليه

السوناتا لها معي سنه ووشهرين

وماشالله لا اله الا الله

ماشالله عليها كل يوم تكبر في عيني اكثر واكثر


ولا تقارن ابدا بالكوريلا

والخيره في ما اختاره الله

الله يعينك يخوي ...


اقول استخر ...


وحاول انك تطيع الوالد احسن لك والله ...

يابوي طع شوري تراني اشتغلت بورش سيارات لين ماقلت ( آمين )

السوناتا بتعجبك في اول 6 - 8 شهور وبعد كذا عاد شوف لك ( الهربده . البنزين " لاتنسى أنها 2400 سي سي ). والبنزين بيرتفع ويرجع زي ما كان وبتاريخ 10/12/1427 هـ

القطع الغاليه . خل عنك اللي يقول لك المساعدات ولا الفحمات . خل عينك على ( الأصطبات . البواجي . الفلاتر . الصدامات

الخلفيه والأماميه . ) ولاسمح الله جالك حادث أمامي أوجانبي . رح وشف سعر الرادييتر , القزاز الجانبي و المراوح

الأماميه والمثلث الجانبي . المسجل لا أنسرق بكم سعره ( إذا الكامري 2005 بـ 3000 ريال عاد بكم السوناتا .

-- واخيراً : رح صل صلاه الإستخاره وشف وش يختارلك ربك ( والخيره فيما اختاره الله ).

ومن عندي خذلك كامري 2007 أو زي ماقال الوالد كورولا 1.8 gli وطع والدينك
عشان تكسب ثوابهما . ( وفقك الله ) . |3|

هــــــــــــــــــــــــــل مـــــــــــــن متــــــــــــــــــــــرجـــــــــم:confused:

الله مشفنه بالعقل عرفنا احين الكوري مته صار احسن من الجاباني الكورولا 20 سنه ما بدلت اله اقماشات وزيت

اولا اخوي فعلا السوناتا افضل من الكورلا في الخط بكثير

بس بالنسبه لان الكوري يمسك سعره فبهذي وانا اخوك ما صدقت

انا كنت بشتري سوناتا لقيت وحده قبل تقريبا 8 شهور موديلها 2006 نص فل مثبت سرعه وازرار على الدركسون وجنوط ووووووو ماشيه فقط 6000 كيلو ونظيفه بـ 44 الف بينما وكاله قيمتها 53 الف بمعرض ما ادري وش اسمه بمعارض النسيم

انا سيارتي المصدومه المنلعن خيرها وحكاااات في كل الجهات ما تقول سياره 2006 كورلا طبعا

صارلي حادث واندمرت من الشمعه الخفيه للباب الامامي
ساموها مني الوكاله قبل فتره بـ 41 الف وانت تعرف الوكاله وشغل النصب بياخذونها مني رخيص وبيعونها غالي


السوناتا ممتازه بس السيفيك والماكسيما واللومينا احلى وعلى فكره كلهم ما يمسكون سعرهم ما عدا السيفيك الجديده ما ندري عنها

يا اخي ياتشتري سوناتا او بلاش
اصلا السوناتا لاتقارن بالكامري
كيف عاد مع كورولا

بسم الله الرحمن الرحيم

أخوي أنا جربت الكورلا 2004 فكيتها وكالة وخلال 10 شهور بعت السيارة لأني كرهتها والأن معي سوناتا الجديدة ومن أبدع مايكون صحيح أني استفدت من سعر الكورلا لما بعتها وبالنسبة للي يقول الكوري مايمسك سعر روح الحراج وشوف وش يقولون بالسوناتاوكم يشترونها

أما بالنسبة للقطع فأنا أشتريت الفحمات من الوكالة 170 ريال وفلتر الزيت 10 ريال

ثانياً بالنسبة للرساوة مافي أمل للمقارنه لأني مجرب السيارتين والكورلا 160 تخوف أما السوناتا وأنا مرتاح180 _200
و في الخط السوناتا أفضل بكثير وأنا ماأقول هذا الكلام من فراغ لأني مجرب السيارتين

وأي خدمة أنا حاضر ............ وشكراً

خذ بنصيحة ابوك يكفيك انها نصيحة ابوك وانا من ملاك سوناتا 2006 صدقني الكورلا افضل الا بالمواصفات والشكل الخارجي والكورلا مع مواصفات تصير غالية كثير


اسمع كلام الوالذ حتى لو كنت انت على حق وصدقني ما رح تندم يكفيك انك رضيت ابوك وحتى لو كان انت من سيدفع قيمة السيارة ..



واقولك مبروك الكورلا مقدما

والله رأيي من رأي أبو فهيد ........

السفيك 2006 قمة قمة قمة....

وصدقني رووح شوفها في الوكالة وراح تنسى الكورولا نهائياً

خاصة إذا كانت السفيك فل كامل مع الكت جوووونناااان

السلام عليكم ورحمة الله وبركاته،
اخوي العزيز اهم شي رضا الوالدين
انت حاول تقنعه!!! ما اقتنع ما لك الا الكورلا !!!واذا شريتها اقنع نفسك انها احسن سياره وتنتهي السالفه!!
من ناحية السوناتا والكورلا اذا كانت فل كامل كل السيارتين فخذ السوناتا وبدون اي تفكير
خصووصا اذا عرفت ان سعر سوناتا فل 6 سلندر بكامل مواصفاتها
بسعر كورلا4 سلندر فل كامل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


حاول في السوناتا لانها افضل من الكورلا من جميع الجوانب والنواحي
عدااااا
الاسم ((هذي تويوتا وهذي هيونداي))>>((سعر بعد البيع))والسوناتا الان
تمسك اكثر بكثير من اول وتنافس الكامري والكورلا والمستقبل قدامها وراح توصل مواصيل الكامري!!
((الاقتصاد في الوقود)) من صالح الكورلا ولا عاد فرقت بعد التخفيض!!!

ولا يخفاك انتشار سيارات هيونداي في الثلاث السنين الماضيه وهذا ما جا من فراغ
بس الناس مو حابين يغيرون معلوماتهم القديمه!!
ولو كانت ما تعيش سيارات هيونداي وتتحمل الكرف كان ما شفتها مع الليموزين وفي محلات الايجار و الشركات و و .
اما اللي يقول سبب الانتشار سعرها الرخيص !!فنقول نعم ولكن ما اعتمدت عليه اعتماد كلي
لان فيه سيارات يابانيه من ميتسوبيشي ومازدا وسوزوكي الخ
ما انتشرت مثل انتشاار سيارات الهيونداي >>>مع ان سعرها بنفس اسعار الاكسنت والالنترا والسوناتا وغيرها!!!
وفيه سيارات هنديه وصينيه وكوريه ايضااا برخص التراب ولا نشووفها بالشوارع؟؟؟؟؟ليش ؟؟؟؟؟؟؟؟مدري!!1


الله يكون في عونك
هذا رايي والله ينولك اللي في بالك
اخوك
سراب الود

بصراحه النيسان صديق كل انسان
خذ نسان التيما
او تيوتا كامري

اخوي مافكرت بالهوندا السفك الجديد
الصراحه بططططل
ويكفي ان تصنيعه باليابان

ما ابغى اسمع رايك لمن تشوفها عن قرب

وبعدها عطني رايك بكل صراحه


من اهم عيوب السوناتا يطيح سعرها بسرعه
لو تاخذها من الوكاله للحراج طاح كم الف من سعرها

بينما التيوتا يمسك ويعض على سعره

السلام عليكم ورحمة الله وبركاته وبعد،،




[COLOR="Red"]
أقتباس من الرسالة الأصلية alzaeem
تكفون قولولي شسويييي وشلون اقنعه خصوصا انه ما يتفاهممم

أخذت الفقرة الآخيرة لإعقب عليها ومع احترامي لوجه نظرك ألا إنني لا أتفق معك فـ الأباء ثق قلوبهم مع الأبناء، ومهما كان غير مقتنع بأمر ما ألا أنه بـ لحظة تجده وافق على امرا طلبته اياه وكان رافض له قبل قليل . لذا مادام لك الرغبة في مركبة سوناتا يجب أن تختار الوقت المناسب لتحدث مع والدك، وقبل أن تبدأ بالحديث يجب أن تقبل رأسه وأسرد ما بجعبتك له .

كما يفضل أن تتصل على احدى الزملاء الذين يملكون مركبة سوناتا أن وجد لتنسيق معه لزيارتكم ليتمكن أباك من مشاهدة المركبة عن كثب، كما يمكنه تجربتها، والتحدث مع زميلك في شتى أمورها وما شابه ذلك . أن لم يكن هناك احدا ما لا بأس بـ زيارة الوكالة، والتحدث مع ممثل المبيعات ان كان بالأمكان تجربة المركبة، حينها سيجدد والدك الفكرة .

فضلاً الصناعة الكورية وصلت وتعدت مراحل كثيرة في شتى الصناعات، وليس مقتصر الأمر على المركبات بل القاطرات، وكثير من الأجهزة سوى كانت كهربائية او طبيه، أذكر في السابق حينما يتطرق احدا ما عن المركبة اليابانية كان يردد ليست ذى جودة مثل الأمريكية، أنظر الأن ما وصلت اليه اليابان، وينطبق الحديث على كوريا ما وصلت اليه اليوم . كما أوصيك بالأستخارة " ما خاب من استخار ولا ندم من استشار "

أقتباس من الرسالة الأصلية m7zon
عاد يالزعيم الله يرضى عليك ماعاد يبقى الا نروح للوكالات ونطبع لك اوراق الاسعار ونجيبها
قم وتحرك وشف وترى قطع السوناتا معقول جدا ويعيش
ويارب يوافق وتتهنى فيها وتمر وتاخذ بنا دوره |3| وتعزمنا للعشا |11|

أضحك الله سنك


الشمري يقول : أخوتي الكرام كلي رجاء أن تكون المداخلات ذى فائدة، كما اتمنى ان نبتعد عن الأللفاظ التي لا تسمن ولا تغنى من جوع بالأضافة الى الضحك في غير مكانه لا سيما إننا نرتقي أن نرى دائما الأفضل، سائلا الله لنا ولكم التوفيق

ولكم من أخاك كل الود والوفاء والتقدير





مع فائق احترامنا لشخصكم الكريم - الشمري
[/color]



.

هلابك أخوي محزون ..

أنا في كلامي السابق .. أبديت وجهة نظري فقط لا غير .. وما قلت إن كلامي صحيح ولازم يمشي على الكل.

ووجهة نظري هذي .. ما جت من عدم .. لكن .. أنا جربت الكوري من قبل .. ولاحظت إنه ما يتحمل مثل الياباني

وفيه شي ثاني بعد .. اللي هو ( المقارنة بين السيارتين خاطئة ) لأن الكوريلا حجمها صغير .. بينما السوناتا متوسط .. وإستناداً على عمر الأخ الزعيـم .. فـ أنا أشوف إن اول سيارة تكون كورولا أحسن .. خصوصاً إنه ما يفتح كبوتها إلا لغيار الزيت بس :) وصرفيتها راح تكون أفضل .. وسعر ما بعد البيع.

وبعدين .. مع إحترامي .. الكوري تلفيق من داخل .. ومن برى .. والله إنه يسرق التصاميم ويزود عليها كم حركة .. يعنني " أنا ما سرقت "

الله يعين

وخل الياباني لأهل الياباني .. والكوري لأهل الكوري

وكل واحد ينام على الجنب اللي يريحه

تحياتي

Kenny

ياعمي غير السوسو مافيه أمل :S ياحبيبي حتى السوناتا أجود من اللومينا