السلام عليكم كيف الحال ياشباب إن شاء الله بخير طبعاً أنا شريت هوندا أكورد 2006 فل كامل بســـــعر 88000ريال اللي تجي 4 سلند لونها لؤلؤي لكن ياشباب مثلكم عارفين أحياناً الإنسان وده بالكمال والكمال لله سبحانه وتعالي لكن اللي عنده أو يعرف مكان يركب لي الريموت اللي على الدركسون للهوندا أكورد 2006 اللي تجي في الفل كامل بس 6 سلندر عرفتوها أكيد هل ممكن إني أجد من يركبها لي وتشتغل يعني الاقي واحد يوصلها من المسجل إلى السماعات واللا القطعة مقدور عليها من الوكالة أشتريها لكنهم قالوا لي ما نقدر نركبها بإمكانك تشتريها ونركبها لك لكن ما تشتغل تكون منظر فقط حتى النور ما تضيء مع النور الصغير واعتقد أنها مالا فائدة ولا وش رايكم فاللي يعرف مكان يركبها لي أكون شاكر له لأنها بصراحة راح تعطي الدركسون جمال أكثر هذا شيء .
الشيء الثاني ممكن جهاز لطي المرايات علماً لو تلاحظون القير الصغير اللي على جنب اللي يحرك زجاج المرايات فيه ضغطه على شكل منظر هذا أهو مكان الضغطه التابعة لطي المرايات بس وش أقول عندنا وكيل مشرشحنا الله يعينا عليه بس ولا هوندا أكورد مافيها طي مرايات والكورلا فيها والله قهر فاللي يعرف مكان يركب لي جهاز طي المرايات خاص بالهوندا لا يبخل علينا وماله إلا الشكر والتقدير مني ومن كافة الأعضاء وآسف على الإطالة .
