@ إلى أصحاب الإنفوي .. ولا يهونون الأعضاء @

الأخ / الراس الكبيرة

الله يبارك فيك ويوفقك .


راجع موضوعك .. فانا أدليت بدلوي هناك .

لك تحياتي

بارك الله لك فيما وهبك

والله يعطيك خيرها ويكفيك شرها

حقيقة والله كان ودي ارسل لك رسالة خاصة بس ما قدرت

لي رغبة اشتري انفوي بس عندي كم استفسار

ياليت تزور موضوعي على الرابط التالي واتمنى اشوف ردك

http://www.assayyarat.com/forums/showthread.php?t=84809

بارك الله فيك

ما سويت شي طال عمرك حنا نتعاون وانا تحت امرك وفي الخدمه ...

الاخ / مخربها

شاكر جدا لتجاوبك السريع .. وجزاك الله الف خير على نصيحتك الغالية .. وبمشي عليها انشاءالله . وما نستغني عنك .. وتوقع اني بزعجك من وقت لآخر :)

تقبل مني كل التحية والاحترام

الاخ / mash114

شاكر مداخلتك .. والله ريحتني .. فعلا انا كنت انتظر الين ما توصل الحرارة الربع وأمشي .. اليوم جربت وإنتظرت الين وصلت للنص .. وفعلا الصوت كان أخف جدا عن أول .
بس قعدت انتظر حوالي 5 دقايق الين وصلت للنص :)

شاكر لك مرة أخرى .. والله يوفقك .

شوف طال عمرك اذا رحت لهم الحين بيقلون لك خلص الاف كيلوا وهات ملاحظاتك كامله ماراح يستقبلونها الحين ....


وبالنسبه لدبي او امريكا ماراح يقولون لك شي لانك انت ماشي بالتسلسل الاداري الصحيح اول شي الشخص المسؤول عنك مباشرة واذا ما نفع تروح لرئيس رئيسك وبعدها الراس الكبيره ولا تخاف يستقعدون لك بعدها بالعكس بيحطونك على روسهم بيعرفون انك انسان فاهم وانك بتوصل اي خطأ لفوق وراح يخافون منك لان للأسف اكثر الناس ما يعترفون الا بالوكيل ولا يدرون ان فيه احد مسؤول عن الوكيل ويسكتون على الظلم وهذولي يستمرون في ظلم هالنوعيه من الناس لكن اذا شافوك جالس تكبر المضوع فوق روسهم راح يحطونك على روسهم ولا تنسى ان العميل دائما على حق اذا ما طبقه العيسى اكيد العيسى متأكد ان دبي او امريكا راح تطبقه ...


لا تخاف من احد وانت راعي حق ولا زم تاخذه وبس اصبر لين تخلص الالف كيلوا لانهم ما راح يعطونك وجه الحين وبيقولون لك خلص الاف كيلوا وهات ملاحظاتك كلها ولا تنسى اخر 100 شب على الموتر طلع ريحته خل كل بلاويه تطلع لك ....

الآخ / مخربها

شاكر لك كل ما ذكرته وأفدتني به ..والله ماقصرت .. بس اخاف ياخوك يقولون ليه ما جيت من أول ما لاحظت هالشي .. والله مدريوش اسوي .. شي يقولي انطر الين الأف كيلو .. وشي يقولي انشبلهم يا ولد .. وشي يقولي اني موسوس :)

بس ارجو ان تفيدني .. يعني عند صيانة الألف .. كل الملاحظات اللي بعطيهم .. بيصلحونها على حسابهم ؟ يعني تصدق اليوم انتبهت ان الدركسون يبيله وزنية ! الدركسون لااف يمين تقريبا 3 درجات .. والسيارة ماشية سيده ! فهل هذا انتظر عليه ؟؟ وهل بيصلحونه مجانا ؟؟

شاكر لك ما أفدتنا به مرةأخرى .

الأخ الكريم / lovelumina

الله يبارك فيك ياخوي .. والله مشاركتك وإحساسك معي هو أكبر من أي شي ثاني .. وانا ما أدقق ولا تجي في بالي ذا الأمور .

تسلم وبارك الله فيك أخ عزيز .

الاخ / Night Hawk

شاكر مداخلتك للمرة الثانية .. وفعلا افدتني كيف الواحد لازم يتصرف معهم وياخذ لو جزء من حقه .

مع كل احترمي وتقديري

والله بالنسبه لارسال الايميل ... خويي راعي اليوكن ما ارسل الايميل الا بعد ما كلم دبي ولا انفعوه وكتب لهم في الايميل كل التفاصيل اللي صارت ... ما يقدرون يحولونه على الوكيل في الشرق الاوسط وهو قايل لهم انهم ما نفعوه ولا انتهت المشكله ...

هذا شىء طبيعي ادا ما سخنت الموتر يعني استنى تزتوصل الحرارة النص ف

انا عندي لبيزر 2005 ونفس القوت يطلع عند الاقلاع بالسيارة

والشكلة عدم تسخين الموتر بشكل كافي

سخنه شوي اطول من المدة الي انت متعودها
وراح يختفي الصوت

بالنسبة لكلامك اخوي حول ارسال ايميل لأمريكا,,
فانا جربتها
ردو علي وقالو راسل الفرع الاقليمي للشرق الأوسط,,

السلام عليكم ...


العيسى مشكلتهم مشكله ... طلعنا من عندهم كابرس رويال رجعته تشيك الالف كيلوا مع قائمه بالخرابات اللي فيها ... نصيحتي لك قبل لا تتمشور وتحوس معاهم لان ما منهم فايده اول شي خلص الاف كيلوا وتكون آخر 100 كيلوا منها فوق 160 واذا تقدر توصل 200 بعد يكون افضل عشان كل شي في الموتر يطلع لك بس انتبه من الرادار لا يروح موترك وادي لبن المهم اذا طلعت كل شي رحلهم وانت كاتب المشاكل في ورقه عشان ما تنساها وعطهم الموتر والمشاكل الي فيها راح ياخذون الموتر على الاقل اسبوع بعدها بيرجعون لك الموتر واذا ضبطوه زين ما ضبطوه دق على دبي .... وتابع معاهم واذا ما صار شي ارسل ايميل للشركه الام في امريكا واحد من العيال مطلع يوكن 2005 من عندهم وصار معاه مشكله ان موتره يطفي فجأه وجلس الموتر عندهم 3 ايام وطلع مثل ما دخل ودق على دبي وتابع معاهم وقعد الموتر عندهم اسبوعين وطلعه مسيكين مستانس وغسله ورجعه لهم لانه طفى وارسل ايميل لامريكا وجلس الموتر تقريبا 3 اسابيع وقالوا له اذا ما صلح معاك هالمره راح نغير لك الموتر بس حسافه ضبط الموتر بعدها :D

المهم انت اخوي روح واذا مانفع دق على دبي اذا ما نفعوك ارسل ايميل لامريكا .. ولا تنسى تنشب لمديرهم الزول اللي مسيكين كل من دخل عليه سفل فيه وطلع وعندك مهند الظاهر اسمه اللي مسؤول عن السيارات البدليه اذا ما نشبت لهم ترا يسحبون عليك بالسياره البديله ... انشب لحياتهم .... ولا تتعب نفسك وتروح للعجلان لانه ماراح يفيدك اذا قلت له انا مدخل كابرس يقولك انا مدخل كابرس واذا قلنا له يوكن قال انا مدخل يوكن ولو تروح له وتنشب لحياته قالك حتى انا مدخل الانفوي حقي واداوم بسيارة البيت والله هذا نظامه تصريف ماراح يفيدك وماشاء الله كل المواتر عنده اذا يبي يصرفك قالك حتى مدخل موتري اللي هو راح يكون نفس موترك طبعا وجالس انتظره ...


الله يعينك اخوي عليهم ...

نسيت لا اباركلك ... ألف مبروك ويطرح فيه البركة ان شاء الله ويعطيك خيرة ويكفيك شرة .
والله العظيم أول ماقريت الموضوع اني انقهرت .
فعلا ذكر زميلي Night Hawk نقطة انك تتصل بالعربية GM ممكن انسب شيء لظروف عملك .

حياك الله يالغالي,,
بس اتخاف انهم يستقعدون لك اذا جيتهم عن طريق دبي,,
عموما ربما تكون فكرة جيدة انك تراجعهم اول,,
ولا تخاف,
انا قبل 3 سنوات صارت لي مشكلة باللومينا,, ارسلت لهم ايميل وحطيت فيه رقم جوالي, دقت علي مديرتهم من بكره الصباح واخذت كل ملاحظاتي,, وبعد الظهر دق علي "ميشيل" مدير صيانة الدائري الشمالي, وهو قافلة معه لااااااااااااااااااخر حد:D , وقال لي تعال لي بعد بكره لأننا بيزورنا خبير استرالي من هولدن وبيكشف بنفسه على سيارتك, والحمد لله من بعدها انضبطو معي|1|
لدرجة ان ميشيل بنفسه صار يعرفني اذا جيت عندهم ويسلم علي من بعيد:cool:
واذا كنت مودي السيارة لهم علشان مشكلة فيها احيانا يطلع هو بنفسه (وانا معه) نختبرها
بالنسبة للصوت فماني صاحب انفوي ولا اقدر افيدك, ان شاء الله يفيدونك الاخوان,,
بالتوفيق,

الأخ / lovelumina

شاكر لك مرورك الكريم

المشكلة اني انسان ما يعرف يهاوش :( .. ودوامي في العمل ما يسمحلي اروح كل يوم وأنتظر بالساعات .. انا بروح مرة وحدة .. اذا حسيت في أمل .. وإلا على طول للمدير .. اذا ما رد علي .. بكلم دبي .. وبسويها فضيحة وبنشر الموضوع في كل المنتديات .. ولو أمكن الصحف بعد ..
وهذا الشي مو لأجلي فقط .. بل لأجل كل عميل يشتري سيارة من عندهم .. يحسبون الناس لاقية فلوسها بالشارع .. قسما بالله أربع سنين وانا ناوي أشتري سيارة جديدة .. ويوم وفرت المبلغ .. يصير هالشي معي منهم :(

وبالنهاية .. الشكوى لله .. الله ينتقم منهم اذا ما اعطوني حقي .

وعليكم السلام ورحمة الله وبركاتة
لست من ملاك الانفوي . يعني السؤال الاول أدعه لأهله
بالنسبة للسؤال الثاني أقولك رح لهم وقدم ملاحظاتك وشد عليهم قبل مايفوت الوقت وبما أنك في أول ال 1000 كم وعلى فكرة هذولا مايمشون الا بالعين الحمرا (سبق أن تعاملت معهم ) يعني لازم كل يوم تداوم أول واحد لين يعدلون الملاحظات . وفي حل أخر انك تقابل المدير وتشرح له الوضع وقابلني إذا شفته بعدها . سبحان الله تلاقيه على طول مشغولأول مايشوفك .