موضوع جيد أشكر عليه صاحبه
والمهم في الموضوع .. إن الشباب منطقيين في أجوبتهم وعقلانيين والحمدلله ان الوعي زاد لدى شبابنا .
يا إخوان لو بتكلم عن السرعة ما بخلص ، وانتم عارفين يمكن أكثر مني عن السرعة ومصايبها .
فلكل واحد منا .. ولكل واحد يسير على الطريق له أم وأب .. وله إخوة وأخوات .. وزوجات وأبناء .. وأحباب وأصدقاء ..
تذكروهم .. وتذكرو أنفسكم ..
انا عن نفسي .. ما أطلع فوق 130 كم ولو كنت ماشي على مدرج مطار .
كنت أول أمشي بالخطوط 180 وأثبت السرعة عليها ! وبعدين صرت 160 ، وصارلي موقف على سرعة 140 وإكتشفت ان السيارة مجرد قطعة حديد غداره .
والآن في أحسن الأحوال 130 كم هي سرعتي في الخطوط الطويله .
لكن هناك مشكلة أكبر يا إخوان .. ألا وهي السرعه داخل المدينة .. بصراحة حتى انا ما قدرت أعود نفسي .. ولازم نعود أنفسنا .. ولو الجميع يسوقون بهدوء .. بتلقى الآخرين بيتأثرون فيهم . يعني مثلا انا زرت أبوظبي .. السرعة في طريق الكورنيش محددة بـ 60 كم .. والشارع كله رادارات ، والناس ملتزمه .. فصعبه ان يجيك واحد ماشي 120 بينهم .. حتى لو مافي رادار .. فأتمنى أن نلتزم سوية وكفانا سرعه ومساقطه وتهور .
يعني داخل الرياض في الشوارع العامة معدل السرعه من 90 - 100 ، وهذا أشوفه كثير .. يعني لازم ما تزيد عن 70 - 80 فقط .
وعلى الدائري لازم ما تزيد عن 90 - 100 بأحسن الأحوال .
وانا أؤيد غرامات المرور على السرعات الزائدة .. ولازم تكون المخالفة 1000 ريال على أقل تقدير .
---------
أتمنى ان يحمي الله الجميع .
وتقبلو تحياتي
