محتار بين هوندا سيفيك وسوبارو امبريزا

أول شي السوبارو سياره اعتماديه وقويه لكن من ناحيه اعاده البيع فانسى انها تجيب سعر … صح ان الهوندا ايضا ما تجيب سعر لكن على قول المثل " ريحه ابو علي ولا عدمه"

بالمسبه للمحرك ارى ان محرك السيفيك افضل بمراحل على محرك السوبارو نظرا لقوه واداء محركات هوندا ومعروف عن هوندا بجوده التصنيع للمحركات … هذا مو معناه ان السوبارو شينه ولكن الهوندا مشهود بمحركاتها وانها اطول عمرا..|1| |1|
ومشهووووووود لناقل الحركه الاوتوماتيكي من هوندا ومعروف انه الافضل عالميا
اما بالنسبه للشباب اللي يقول ان محرك السوبارو مصنوع بطريقه منبطحه مثل سيارات البورش فهذا مو معناه ان الطريقه افضل … وياريت واحد فيكم يكون عارف ليش شركه بورش مصنعه محركاتها بهذه الطريقه … لان مكان وضع المحرك في السياره "بورش" صغير جدا عشان كذا تم تصنيعه بتلك الطريقه "ترى الكلام ذا مني جايبه من عندي" من عند مهندسين بالشركه نفسها. يعني لاحد يجي بعد كذا ويقول ان عشان ان اسطوانات المحرك منبطحه مثل بوش وانه محرك بوكسر وووو معناه ان الافضل… يكفي ال VTIC |1| |1| |1|
بالنسبه لقطع الغيار صحيح "مع اني اشك … المهم" ان قطع غيار هوندا اغلى من السوبارو ولكن قطع هوندا تعمر اطول وجودتها معروفه

انا احترم سوبارو واعشقها والشئ اللي يميزها دفعها الرباعي ولكن ليس على حساب هوندا
ايضا بالنسبه للوكيل فوكيل سوبارو لسه جديد على السياره والسوق ايضا اي نعم انه يثبت جدارته لكن ليس على حساب الخبره التي تتمتع بها صيانه شركه هوندا

انا اصووت للسيفيك ويقول المثل اسأل مجرب ولا تسأل طبيب

من رأيي مو امدح السياره علشاني مشتريها

يابعدي فكر بعقل السياره اثقل من السيفيك ( الاميرزا مدري وش اسمها )

وغير كذا شكلها مرررره مررره مررره مرره عااااادي وحتى شكلها الدخالي عادي مرره

اما روح للسيفيك شكل توووب وفيها امكانيات جديده وتكفيك انها i-vtec وخفيفه وشكلها جذاب

وفي الأخير لك الاختيار ( مجرد نصيحه )

انا اقول تاخذ لك امريزا احلى سبورت ولا هي منتشره مرره ولو اني مكانك اشتري امريزا

لكزس 460 ال وبس انا عندي امبريز 2006 السياررررره جنان وروعه

بصراحة السيفك الجديدة روعة

الامبريزا في السعودية مافي 2500 سي سي


الموجود 1600 سي سي و 2000 سي سي

هههههههههههههههههههههههههههههههههههههههههههههههههههههههههههههههههه
لا واطرم بعد :D :D

خذ هوندا سيفيك vti ألف مبروك مقدماً

شكله يستهبل ولا يعرف شيء :D

موضوع حلو صراحة.....

شف يقولون اسأل مجرب ولا تسأل خبير.....وأنا اموت بالسوبارو بس لازم نتكلم عن بعض الحقائق...

انا من قبل كانت عندي سوبارو ليجاسي وراحت في حادث...

والحين شريت لي سيفيك....الجديدة طبعا....

صراحة الموتر داخليته احلى من السوبارو بكثير....يكفيك عداد إلكتروني وواضح....

المكينة صراحة عال العال ولا اشتكيت منها...مع اني من هواة السرعة....السيارة تستجيب معاك في أي نمرة....انا اتكلم على سيارتي قير اوتو....

طبعا على طول مافي تعشيق مع الدعس إلى لما يوصل الضغط 7....هههههههه...

السيارة مشيت بها 500 كيلو وعبيت التانكي بـ 25 ريال.....يعني اتوقع انها تجيب اكثر لأني مرة عبيتها بـ 27 ريال...

ولكن....

الإمبريزا اقوى......ويكفيك انظمة الأمان وأنها دفع رباعي....

بالنسبة لقطع الغيار ما سألت عن قطع السيفيك....بس اللي اعرف انو قطع الأكورد اغلى من الليجاسي.....

في الأخير.....السيفيك سيارة مشهورة ومحركها I-vtec والإمبريزا مشهورة ودفع رباعي....

اتمنى اكون افدتك.....

وعلى ذكر القومات...ترى تقاومت دحدرة ويا مرسيدس 95 ستة سلندر طبعا................>>>> ما يحتاج تعرف منهو طلع لأنو النتيجة واضحة.....للسيفيك...

وأدري ان سوبارو اغلى من تويوتا بقطع الغيار

شكلك تحسب الامبريزا تويوتا

الهوندا افضل بكثيييييييييييييييير من ناحية الشكل

كلامك darkcity على متمه ولكن بوضح كم نقطة
أنا رحت فيها للقصيم والصراحة ماحسيت بالتعب اللي تقول عنه بالنسبة للمراتب .
لأن الشكل رياضي ويمسك الجسم معناها انها قاسية ومدري ايش ؟ لا بالعكس تماما !

وبالنسبة للصرفية اول ماخذتها من الوكالة فللتها ومشيت فيها اول 1000 كم اقل من 100 كم/س
ومشيت بالخزان اكثر من 600 كم ! ماشاء الله.
وحاليا امشي بالخزان مليان 500 كم تزيد وتنقص شي بسيط .

توكل ع الله سفيك والله انها مووتر ...

.

الله يعطيكم العافية جميع

الصراحة الموضوع مرة حلو و شيق ، بس إذا انت ياخوي محتار بين السيفيك الجديد و الامبريزا فهذا يعتمد على طلبك في السيارة أول شيء يعني يهمك القوة أكثر و لا الفخامة أكثر . يعني إذا بنتكلم على الفل أوبشن من السيارتين يتضح التالي:

أولاً : في الفخامة السيارتين مرة حلوات من الداخل بالرغم من أن الامبريزا خاماتها أثقل و صناعتها في اليابان أكيده زي ماهي قطعها من هناك أيضاً ، لكن الكراسي في السيفيك أكثر راحة لأن كراسي الامبريزا الفل رياضية ، يعني شوي تتعب في الخطوط الطويلة و السفر . المقصورة للسيارتين مرة حلوة بس يمكن في اللي تحس الامبريزا ديناميكية أكثر و تحفزك على السرعة لذلك تجد مقصورة السيفيك أكثر رقي و أهدى .

من الخارج تقدر تقول بصراحة إن السيفيك شكلها أفخم و أكثر احتراماً في الخط عن الامبريزا بالرغم من أن البودي حق السوبارو دائماً أقوى من الهوندا إلا أن الشكل يفرق . و اللي يعوض في السيفيك عن القوة إن وزنها يكون أخف بشوي من الامبريزا رغم إن مساحتها الداخلية أكبر بقليل .

ثانياً: بالنسبة للقوة فماكينة السيفيك بديناميكية ال i-vtec بسعة 1.8 أكثر اقتصادية في البنزين و قوي على الخط بقوة 140 حصان و لكنه بالطبع ليس بقوة مكينة البوكسر للامبريزا بسعة 2.0 ليتر التي تعادل الفئات المتوسط من السيارات زي الكامري بقوة 160 حصان لذلك فصرفيتها أكثر من السيفيك بشوي .

يعني في النهاية تعتمد عليك إذا انت شخص هادئ في القيادة و يهمك الفخامة أكثر روح للسيفيك و ما بتخسر كثير من القوة ، و إذا إنك واحد ما تحب أحد يتقدم عليك في الخط و تحب القيادة الرياضية روح للامبريزا و ما بتخسر كثير من الفخامة . أنت الحكم ياخوي .

و سلامتك

يعطي العافية VIP

وبالنسبة للأخ BMWm3 فأقولك السيارة لايعلى عليها فلللللللللللللله ماشاء الله تبارك الله وقيادتها ممتعة يعني تتمنى المشوار يطول
وبالنسبة للعزم ممتاز ولا جربت الى الان مع سيارات كثيرة لأني ماوصلت للــ10.000 الى الان يعني بدري على الدعس الا انه واحد من الشباب معاه النترا 2.0 2006 أصر انه يجرب معاي وجربنا دحدره من 40 كم/س وطمرت عليه بفارق نصف سيارة الى يمكن 160 وبعدين قفل الشارع

والسيارة بالمنعطفات حفللللله ولا فيه شي اسمه الكفر يقرص ومادري ايش
يعني مثلا الدفع الأمامي بتدعس من الاشارة وبتروح يسار تلاقي الكفر متجه لليسار والسيارة رايحه على طول ولا الدفع الخلفي يزحف من ورا.
... راح تنسى هذا كله .

وبعدين لاتخاف من ناحية المكينة(EJ20 ) لأن المكينه لها تاريخ مع سوبارو ومع الراليات وراح تعطيك صوت حلوووووو مع الدعس
واذا تبغى تعدل تعديلها بحر

وانشاء الله كلها سالفة أقل من اسبوع من الان وراح توصل اكسسوارات الامبريزا عند الوكالة (جنوطSTI وجناح STI ... )
(ماشاء الله اليمني داخل بقوة ) عساهم على القوة

تحياتي للجميع