محتار ابي نصيحتكم في LTZ كابرس الشكل الجديد ؟؟؟؟؟

أ[COLOR=red]أخوكم[/COLOR]
وائل العساف

الكابرس 95 من تجربة عملية والي اشوف الناس تقولة وحتى لما تدخل بالسيارة الورشة سيارة غير عملية خرابات كلام فاضي ما شاء الله تبارك الله الخيل من خيالها حافظ على السيارة في كل شي وشوف كيف تعيش معاك الكابرس سيارتي ال 95 اشتريتها استعمال امريكي قبل ما يطلع موديل 2000 بسنتين وكانت ماشية ما يقارب 50 الف فقط يعني شبه جديد وبحكم عملي ويوميا 100 كلم وسرعة عالية اذا مهدي 140 انا عمري ما يمر على في جودة وراحة مثل هذيك السيارة سلمتها اخوي يعني اعتقتها لوجة الله وهي ماشية 288 الف وبعدها سيارة رائعة الي اليوم واستبدلتها من اعجابي بالكابرس ب LTZ 2002 ماشاء الله من يوم ما شريتها الى يومي هذا واعوذ بالله من الحسد حتى تشييك ال 1000 كلم ما دخلت السيارة الوكالة الان السيارة ماشية حدود 150 الف وتعطيك المكينة فقط زيت وموية وفلاتر بالكثير بالكثير زيت وفلتر قير وبعد ما اوجعني قلبي طبعا ما ننسى الكفرات 3 مرات غيرتها والاقمشة حقت الفرامل تقريبا 3 مرات ماني فاكر بالضبط لاكن بأذن الله هذي تغلق 250 الف وما بعدها الا واحد كرت وكيف اعيش من دون كابرس


كلامي من تجربة عملية بالذات الصابونة هذي شبة قلبت هايلوكس خلاص الديكور الداخلي صحيح قربع لاكن الطبلون والمكيف رائع يالناس والله المكيف حقها اطلق وابرد من ال 2002 وهي جديدة كرت لاكن عاد

الوالد عندة ماركيز 2002 اخذة من صالة صحيح سيارة حلوة ومنافسة للكابرس واثبتت جدارتها الصارحة ولحد الان حتى هي بنزين وموية لاكن ملاحضاتي عليها :

1- الشكل مبدئيا جنب الكابرس تضيع الصراحة 0
2- العزم احس السيارة مبدئيا لما تدعس على السيارة اوة والله خفيفة ولاكن بعدين عزم يرفع الضغط يعني تسمع فحيح بدون عزم يعني مدري وش تبغى 0
3- الفرامل يا ناس والله زبالة جنب الكابرس بصراحة الكابرس في الفرامل جببباااااااااااار يعني كم سرعتك تبغى السيارة توقف يعني توقف اما الفورد تكون مسرع وتبغى تمسك الفرامل تحس ان السيارة زعلانة من التوقف المفاجي وبعدين تحس وجهها بيضرب في الارض ولا عندك احد وهذا شي يخوف وانا اشوفة قمة عيوب الفورد والكلام هذا في 2002 مدري عن الاحدث كيف وضعة
4- الراحة والكثير يقول ان الفورد اريح من الكابرس وانا اؤيدة ولاكن راحة داخل شوارع المدن يعني تحت ال 100 اما فوق المية تنقلب الراحة هذي قلق وعدم رساوة وشي يخوف اما الكابرس داخل المدينة سيارة رياضية قاسية الصراحة لاكن في الخطوط تكون اريح من الفورد وفرق رهيب في الثبات مافية مقارنة

خلاصة الموضوع
الكابرس للمسافات الطويلة والسرعات العالية جدا رائع ومريح نفسيا واكثر ثقة من الفورد بكثير
الفورد سيارة جديرة داخل المدن والسرعات المنخفضة والخيار لك عزيزي

واعذرني على الاطالة لاكن حبيت اقدم نصيحة واوضح الاسباب 00000000 مع التحية

[COLOR="Navy"]أنا عندي كابرس 94 ماشي معاي زي الفل|1|

يعني بس شوية أشياء مستهلكة تغيرها بسعر رخيص ومعقول

بالنسبة للLTZ 2006 أخذتها قبل كم شهر فل أوبشن وماشية معاي زي الفل

الموضوع كلو في السائق وطريقة معاملته للسيارة|6| [/COLOR]

ياشيخ لو تكون هالشركة اول مره تصنع سياره ما خربت في 3 اسابيع

اكيد خويك اول ما طلعها مطارحات وتفحيط وقومات وسرعه وش تتوقع بتخدمه ...؟

أتمنى التكلم بعقلانية

تحياتي للجميع ,,,

مشكوورين على الردود المفحمة صراحة
ومشكور اخوى MONDEO _05
وعندنا بالكويت الافالون كامل المواصفات تطلع 9200 دينار والكابرس 8800 فل ابشن فرق بسيط ولاكن انشالله بروح اشوف الافالون
بالوكاله واردلكم خبر وجزاكم الله خير عنى وعن العائله بأكملها

أسمع الكلام من أخوك
أبعد عن الكابرس 2007 يقولون حسب ماكتب عن الكابرس في مجلة جنرال موتورس أن الشركة أكتشفت أخطاء بالكابرس 2007 وإحتمال أنهم يرجعون جميع السيارات التي ذهبت للميناء وأذا تبي تأخذ سيارة عليك بموديل 2006

افالون


افالون


افالون


خصوصا انك سبق وجربت التويوتا

سعر لكابريس .. LTZ .. فل أوبشن حوالي 96 الف ..
..
96 الف .. أن أردت .. تستطيع الزياده وتأخذ تويوتا أفالون .. سياره لن تندم عليها لحظة .. أسألني وأنا لا أريد لك الأ المصلحة ..
وتستطيع شراء باثفندر .. أن كنت تحب الجيب ولكن أقل فئة ..
..
وتستطيع شراء جيب أكسبلور .. ممتاز جداً ..
وأيضاً أن كنت لاتريد كراون فكتوريا فالنصيحة بجراند ماركيز ولن تندم أبداً أن شاء الله ..
..
وأن أردت سياره من النوع المتوسط الصغير ( الهوندا أكورد بدون منازع )
..
حدد من بين هذه الخيارات وقرر .. وأنتظر منك خبر ..
..
تحياتي

كل واحد له نظره ....
بس انا أكلمكم عن صديق لي أشتر سيارة كابريس قبل ثلاث أسابيع من الوكاله ....
أتصلت عليه وسألته عن الكابريس قال والله إنه يطلب الورشه؟؟؟؟؟؟؟؟؟؟؟؟
قلت ليه قال في صوت في المكينه ولافي المكيف لافصل المكيف طلع صوت غريب جداً ....

نفس الشيء إلى صار مع صديق الثاني في الللومينا .........

بس الكابريس سيارة بلاروح تقعد معك سنه ثم مصيرها الورشه


أم كراون فكتوريا مع إحتراماتي إلى يقول إنه ضيق رح أقرب وكالة فورد وقارن فكتوريا 2005مع 2006 من ناحية الوساع تلاحظ البابين الخلفي كبير أكبر من بابين ألأمامي


مع تحيات : اخوكم عائض العتيبي

تقريبا نفس سعر الكابرس الجديد
او اكثر قليل مايضر
ناطر الرد اخي
MONDEO _05

لا شكر على واجب أخي زايد ..
..
أن أردت البديل عن الكابريس .. أرجو وضع حد المبلغ المتوفر لديك وانا راح أنصحك بسياره ماتندم عليها أبداً
..
تحياتي

مشكووووووووور اخوى MONDEO _05
على الرد الجميييل جدا واللذي صراحة اشبع الرغبة لدي بالمعرفه اكثر عن الشفر والله حقيقه ماقصرت والله يارب يوفقك بالاختبارات
وتأتي بالامتياز
وثاني شي انا لما قلت الكابرس الشكل الجديد اقصد الشكر اللى من 2004 الى 2006 وليس الشكل اللذي لم ينزل بعد
وصراحه انا اخر مديل جربته كابرس 95 اس اس وعن تجربه ذبحتي خرابات كهربا وباكسس وقاردن ولاكن كان ملك بالخطوط صراحه
ومن سمعة الناس عن 2000 الى 2003 السيئه جعلتني اخاف من الكابرس ومثل ماقلت انا من النوع اللذي يهتم بالقوه والجمال ولاكن ايضا
الاامان بالدرجه الاولى والاهم قوه القير والباككس لاني عانيت من هالمشكله بالمديلات القديمه وما اريد تكرار هالمشكله
وانت عن خبرتك تقول انه الباككس والقير تعبان وسئ وشالفايده بس قوت مكينه
خلاص من هالكلمه سوف اصرف النضر عنها :) مشكوووووووووور عالمعلومات القيمه اللتي توزن بماء الذهب

اولا مرحبا
الكابرس قمة وروعة وهبال من جميع النواحي انا معي |1| كابرس LTZ |1| ومرتاح واذا بغيت وعزمت خذ 6 سلندر للتوفير طبعا
انا عبيت على منفذ البطحاء بالامارات ورجعت وفيه اقل من الربع شوي علما مع انها عزم مهبووووووووووول
وبصرررررررررررررراحة الكابرس معنا احلى
والله يوفقك ويعطيك خيرها ويكفيك شرها

السلام عليكم ..
..
كنت أتابع الموضوع رد برد .. وكنت أفكر هل اكتب رد ام لا .. هل ردي راح يفيد بشيء .. هل لن يكون الشرارة التي تفجر قنبلة التعصب والحزازيات لدى الأعضاء من أجل قطعة حديد .. وهي بالاصل نعمة اوجدها الله لنا لكي نستفيد منها
..
لن أطيل بالكلام .. لأني بالصراحة مشغول نوعاً والاكثر من ذلك لدي دراسة بالصيف وأختبار بنهاية هذا الأسبوع لذلك متابعتي للموضوع قليلة ..
..
في جعبتي الكلام الكثير ولكن مافائدة كاتبة ردود طوبلة مفعمة بالصور والادلة .. ويأتي شخص بدون أدراك ويقول .. هذا كلام ليس له أساس من الصحة .. فلما التعب .. أنت اردت سماع كلامي والا فلا فهناك من يستخدم سيارة مليئة بالمشاكل والخرابات .. وعند السؤال عنها يقول لا ماشيه مثل العسل ..

..
السيارات بالنسبة لي هواية ولكن بدأت أترك شيئاً منها لهم من اكثر من خبرة .. ومن مثال ذلك الأخ فيصل سبورت
..
عند طلبك المشورة بالكابريس الجديد .. يجب مراجعة نفسك انت من ستستخدم السياره وليس نحن .. يجب عليك تجربتها أولاً ومن ثم طلب المشورة .. لعل شيء لم يخطر على بالك موجود او عيب موجود ولم تدركه وينبهك أحد الأعضاء عنه
السياره لم يتم تسويقها رسمياً فكيف تطلب المشورة في شيء لم ترى سوى شكله !! عجبي والله
..
الكابريس من موديل 2004 الى 2006 .. أنتشر وبسرعة البرق بشكل ملفت ومخيف ويذكرني بأيام التسعينات عند حضور الكابريس 91 وتوقفه سنة 96 كانت من اكثر السيارات بالسعودية منتشرة بالخصوص .. والفكتوريا لم يكن لها مخرج أمام كابريس .. ولو لم يتم أيقاف أنتاج الكابريس .. لما عاد هناك شيء يسمى كراون فكتوريا فأنا أجزم لك أنها لن تصمد امام جبروت الكابريس القديم وحتى ولو أستمر لنفس الشكل لهذه السنة .. ولكن عند انقطاع الوحش كابريس عند سنة 96 الذي كانت مملي بالخرابات المتشكلة من كل جانب .. وكان لايعرف سوى القوة بالمحرك والمكيف فقط .. ولكن الاجزاء الداخلية والجير بوكس والدفرينش .. كلها كانت تعبانة .. عن واقع تجربة مع اكثر سياره جربتها في حياتي منذ أستلمت الرخصة أي قبل 10 سنوات .. جربت جميع موديلات الكابريس ماعدى موديلات السبعينات .. وكلها كانت شبه جديدة .. السياره تعمر وتعيش ولكن بتوفر الورشات وقطع الغيار .. وخصوص الغلاء الفاحش للقطع وخصوص للكابريس 94 الى 96 ..
نرجع لمحور السؤال .. أردت الأستفسار عن الجديد .. لكن راح أجاوبك عن موديل 2004 و 2006 ..
السياره ذات شكل جميل جداً ومواصفات ممتازة وأداء محرك فظيع بل مذهل .. ولكن هل سألت نفسك غير هه الأسئلة ماذا أحتاج أنا وعائلتي .. لربما احتاج سياره ذات مواصفات جيدة وشكل جميل وعملية [COLOR=blue](وآمنة ) والأمان بالله عز وجل [/COLOR]
ولكن من يقول الكابريس يوجد بها ذرة أمان أو ثبات أقوله تراها ( كرتونة وبدون تعصب ) وأن كنت من النوع الذي لايهمك جانب السلامة فهي مناسبة .
..
لعلك سالت نفسك في يوم من الايام وقلت أحتاج سيارة ذات جودة ميكانيكية وداخلية .. الجودة الميكانيكية في الكابريس تصدر من المحرك فقط .. ولكن جير بوكس السياره ضعيف جداً والدليل فروع ترايستار أنظر للموديلات الحديثة 2004 و 2005 من طرازات الـ 6 سلندر وال 8 وهل يعقل من من يأخذ الـ 6 سلندر يحتاج للسرعة .. لو كانت تعد على الأصابع لقلت ماشي ولكن الاكثرية كتلك .. وانت نظرت لجانب الفكتوريا لن ترى أكثر من موديل 2000 يتم تعديل الجير بوكس الأصلي له والجزم انه وارد أمريكا وليس مواصفات خليجية ..
..
الجودة الداخلية .. ممتازة عند وقوف السياره بداخل كراج والحفاظ عليها من أقل ذرة شمس بالتظليل العازل وخلافه ..
ولكن انظر للحال بعد 3 سنوات .. أنظر لفتحات التكييف وأنظر للازرار الموجودة على الدركسون كيف يذهب لونها انظر لأجزاء الابواب كيف يتغير لونها والاصوات الصادرة منها انظر للحال الذي يرثى للطبلون ..
لا أقل لك أن الفكتوريا أفضل من ناحية الجودة الداخلية ولكن من يتكلم عليها لم يركب حتى موديل 2003 منها وان كانت الأصوات الصادرة فقط من الطبلون واأكثرها من الدرج ومن القطعه البلاستيكية الموجودة بالطبلون وحاملة الاكواب
هذه الأصوات تصدر بالفكتوريا وهي بموديل 2006 .. ولكن لا تتغير حتى وبعد 10 سنوات نفس الاصوات
ولكن لايقارن بسمفونيات بيتهوفن الخارجة من الكابريس بعد مرور حوالي سنتين على تصنيعه ومع أستخدامه بطريقة ممتازه ..
..
محرك الكابريس قوي ومواصفاتها وشكلها أفضل من الفكتوريا وانا أقول الفكتوريا ليس لها في هذا المجال ..
لو خيروني بين الكابريس موديل 2006 LTZ وكراون فكتوريا P73 أختار الكابريس ولكن بشرط انت تكون لدي المقدرة المالية بعد ثلاث سنوات بالكثير لغيير السياره لأنك بالفعل راح تكون أخذت سياره مواكبة للعصر ..
ولكن أن كنت من النوع الذي حتى لا ينظر لشكل السياره ولا يهتم لها والمقدرة المالية لك محدودة لـ 6 سنوات قدام
فماللفكتوريا نظير .. خصوص من ناحية الأعتمادية .. فالسياره لاتتسم بسمات الجمال ولكن شكل بسيط وكلاسيكي ويخدم لأجيال طويلة .. ومواصفاتها ممتازة لنوعيتها .. على الاقل لها اختبارات للتصادم واحرزت 5 نجوم في التصادم الأمامي والجانبي .. www.safercar.gov .. لديك خيار التأكد وارجو وضع روابط اختبارات السلامة للكابريس من هيئات معتمدة ..
..
كما قلت لك ان كانت لك المقدرة لتغيير السياره كل 3 سنوات فالكابريس أفضل خيار ..
..
وأن كنت من ذوي الدخل المحدود فالفكتوريا أفضل لك وخصوص عند الأستخدام الشاق ودون النظر والتمعن بجمالية السياره ..
..
لدي الكثير من الكلام ولكن أستأذنك لدي مشوار طويل بعد قليل ويجب أن آخذ قسط من الراحة .. من الطبيعي راح ألق ردود بشكل غير مباشر تقصدني وهي الأعابة بالفكتوريا .. ومن يشتكي منها لم يجربها الأ مستعملة ومستوردة
نصيحة أستاجر لك موديل 2006 وجرب السياره ومن ثم أذهب للكابريس ولكن لاتجعل عواطفك ورغباتك تسيرك وخصوص عند النظر لطبلون لكابريس الفخم ذوي الازرار الكثيرة وفخامة الشكل الخارجي وقوة المحرك المتناهية على حساب عمر السياره .. وعند النظر لطبلون الفكتوريا الفقير الذي لا يملك سوى أزرار معدودة والشكل القديم الكلاسيكي
تذكر مشوار العمر ..
وأيضاً أقدم لك النصيحة .. كراون فكتوريا أو جراند ماركيز او تويوتا أفالون والاخيرة أفضل من الباقي .. لانها أسم ياباني و تصنيع أمريكي
..
خالص التحية لك وبالتوفيق

بالنسبة لي كنت اكره الكابرس الجديد كره العماء خاصه من 2000 - 2003

اما الموديلات الجديدة 2004 وفوق بصراحه من جد دخلت مزاجي وبالذات بعد انتشارها السريع بين الناس

وبصراحة افضله على الفكتوريا اللي ما تغير شكلها منذ 10 سنوات الله المستعان بس

وانصحك اخوي تصبر لمن تنزل الكابرس الجديد وتجربه وتشوف شلون يناسبك ولا لا

والله يكتب لك الخير ,,,

يارجال اني معي كابرس 2004 والله ماشفت منه الى كل خير

انا ما ادري وين الخرابات الي يقولون عنها حتى عمي معه 2001 الى الان ماشي معه صح ؟

وبنسبه لسفر والله انه موتر

وسيع وفخم ولايصرف خصوصا الثمانية سلندر وفيه مواصفات اكثر من رائعه

والفكتوريا كذلك ما احد يختلف عليها ولكن الكابرس رسمي اكثر ومنتشره بين الشباب

الله يوفقك انشاء الله بالسيارة اللي تريح بالك وتطلعاتك وميولك


والخيره فيما اختاره الله

مشكور وانشالله راح انطر شويه لي رمضان