انا متورط في اليوكون ...ساعدوني يامشرفين وياعضاء

يا شباب انا من يوم عرفت السواقة وانا ما اسوق الا سيارات 4 سلندر وما ني متعود على 8 سلندر لكن توبه بعد ما ابيع السيارة ماراح اشتري الا كامري

اخوي نواف اليوكون الشكل الجديد من 2000 وطالع خففوا صرفية البنزين اكثر من الشكل القديم

اخوي نواف اليوكن لو رحت تبيعه ماراح يجيب لك سعر لان اليوكن اسعاره تطيح مرررررره عموما كل الامريكي كذا

وانا اقولك عن تجربه لي للكراون فكتوريا قسم بالله ماسقت سياره واعجبتني الا الكراون فكتوريا

يشيخ وربي سياره روعه بقوه وغير كذا تتحمل مررررره يعني اذا تبي سياره تجلس معك طول عمرك لاتدور غير الفكتوريا

الفكتوريا فيها فخامه وقوه وهيبه وغير كذا سواقتها متعه وماتصرف بانزين ويضبط عليها تعديل والاهم ان قطع غيارها نار وناااااااااااااااااادر انها تخرب عليك

ومستحيل انك تدخلها ورشه الا اذا قدر الله وصار لك حادث

والفكتوريا تعيـش معك واسال مجرب ولا تسال طبيب

سوف اعيد التجربة مرة اخرى لكي نصل لمصداقية اكثر عن استهلاك البنزين
واخبركم بالنتيجة لاحقاً

السلام عليكم

السيارات وارد امريكا تكون صرفيتها عالية وثقية والاسباب هي نظم السلامة والحفاظ على البيئة وتكون في السيارة بعض الحساسات ودبات البيئة زايدة في السيارة

والجيبوب والسيارات العائلية بشكل عام تصرف وهذا بسبب الحجم الكبير والوزن وعدم الانسيابية

نصيحتي لك
انك تخلي موترك وتاخذ موتر ثاني تستخدمة للمشاوير القريبة اذا كنت تقدر على شراء سيارة جديدة وتخلي اليوكن لطلعات الاهل وتخلي الاعيال يتوسعون وينبسطون ولا تنس ان العيال يكبرون بسرعة وصيرك تحتاج لسيارة عائلية كبيرة

ولا تنسى وانا اخوك الاستخارة قبل كل شي ترى ماخاب من استخار والله يوفقك

السلام عليكم اخ نواف
انا معي يوكن 2005 والحمد لله ما فيه ذاك الصرفيه اللي انت تتكلم عنها
انا اعبيه بـــ 50 ريال ويمشيني 550 كيلو يعني صرفية حلوة
لكن سيارتك غريبة :eek:

الكراون فكتوريا انسب سياره للعائله الصغيره
وترى وسيعه من الداخل واذا بتشترى اشتر موديل 2003 وفوق لان اوسع وافضل من السابق

أنا أشوف ان صرفية الجموس ( السوبربان واليوكون )
انها معقولة
الجمس حقنا الفل بـ ( 75 ) ريال يمشي 600 كيلو اذا ما غيرت رجلك ممكن يوصل 700 كيلو
اليوكون القديم مكينته 5700 ممكن هذه هي المشكلة لأن الجديد مكينته 5300
المهم اذا كنت متضايق من السيارة و مارتحت فيها
بعها واشتر لك موتر جديد
لأن والله اذا ما كنت مرتاح من الداخل ما راح تتهنا في السيارة
وترى الفكتوريا مناسبة جدا للأسرة المحدوة
ومريحة جدا ولا يهمونك اللي ذموها
أو شف لك يوكون 2006 جديد
واسمعها مني تراه ((((( موووتر ))))) !!

ا كلنا يشتكي من صرفية اليوكون حتى انا متضايق منه بس اذا شفت مميزاته هانت عندك صرفيته للبنزين

ونصيحة خله عندك ولا تفكر تبيعه واتشري من الصغيرات تقضي فيها حاجتك

واذا ملزم تبيعه تراني شراي راسلني على الخاص

تحياتي

السلام عليكم

مبروك اليوكون اخ نواف ولو انها متأخره
بالنسبه للصرفيه والله كتير اللتر اربعه كيلو بس انا بعتبر هذي هي ضريبه الضخامه في المحرك والسياره مع انه الواحد هالايام يدور على الاقصاد في البنزين وعدم الاسراف فيه
في مثل بحكوه عنا ( وجع ساعه ولا وجع كل ساعه ) يعني اذا انت شايف انه من اولها الصرف متبعك ريح راسك واشتري شي مضمون متأكد من الصرفيه والاعتماديه لانه هالايام الواحد يشتري راحه باله بالفلوس

وعلى العموم ربنا يوفقك

فكرة الفكتوريا حلوة بس احسن شي تروح وتستاجر فكتوريا وتجرب عشان تشوف قيادته تعجبك ولا لا

لان بعض الناس متعود على نوع قيادة معينه وبعدين يتفاجاء بتغير القيادة عليه ولاتناسبه لاني اعرف اشخاص

مايحبون قيادة الاميركي عموما واعرف اشخاص العكس واعرف اشخاص مايحبون السيارات الكبيرة ويحبون الصغيرة

بس شوف تراء في فرق بين الفل والاستندر حتى في الراحة والقيادة


ومنها تشوف صرف البنزين هل هو يناسبك ولا لا


اما بالنسبة للخرابات والمشاكل الفنية بالفكتوريا فااعتقد مشاكله بسيطة

وانتشار الفكتوريا يثبت جودتها على مدار السنين الماضية والحاضره وانا بصراحة ماودي واعيد واكرر بكتابتي عن الفكتوريا وسبقونا الناس في الفكتوريا

وابحث مواضيع عن الفكتوريا وتعرف سلبياتها وايجابياتها

وعلى فكرة شهادتي مجروحة للفكتوريا لان معي فكتوريا وربما قال احد انني متحيز للفكتوريا

لاكن بالعكس انا اهم شي اني مجرب الفكتوريا ولا شفت منه مشاكل كبيرة ومعقدة ووووالخ

عموما الله يوفقك لما فيه خير لك ولعائلتك الكريمة

والاسبورت يفرق اكثر من ناحية الرساوة والثبات على الطريق

ارجع لفكرة الكراون فكتوريا يكمن اشتريها

والا اصبر على قردي لايجيني اقرد منه
لاني بعد الحسبة لقيت اليوكون يفرق الفورد بزيادة اجمالية 60 الى 80 ريال بالشهر في صرفية البنزين

ولا ايش رايك يا دكتور فيصل؟

عزيزي نواف اليوكن والسوبر والسفاري والاند كلهم يصرفون والله


لانهم سيارات عائليه وثقيله اكيد راح تاكل بانزين


اذا تبي سياره حلوه وصرفيتها زينه عندك جيب مورانو ولا جيب باجيرو


جيب باجيرو عندنا موديل 2003 والله صراحه مايصرف واسال مجرب ولا تسال خبير واسع وخفيف ويصلح لعايلتك
يكفي انه مستبيشي واقتصادي وخفيف

وانصحك تبيع اليوكن وتشتري باجيروا وهو 3 انواع العادي اللي هو السلوقي والمتوسط اللي يجي مثبت سرعه وتخشيبه وجناح

والنوع الكامل اللي يجي جناح وتخشيبه وفتحه ومثبت سرعه بالاضافه الى 3 سنادات للراس بالمقعد الخلفي

وموتر حق كرف ومد ومافي اي خرابات وقطعه متوفره


والله يكتبلك اللي فيه الخير انشالله


تحياتي

طيب وش تشتري لو بعت

انا فكرت ابيع السيارة حتى لو بنقص 500 الى 1000 ريال من قيمتها مقابل استعمال اسبوعين وش رايكم

شاكرين لكم
لكن ما زلنا في انتظار المزيد من الآراء

انا اؤايد كلام اخوي كامري بترك اليوكون معك وتشتري سيارة صغيرة ولكني افضل صغيرة مره مثل الافيو


بس بصراحة الاشخاص اللي استشرتهم وسبو الفكتوريا ظلمو الفكتوريا كثير وعموما كل واحد له حرية الراي


وبالله التوفيق

اخوي انت عبيت 108 لتر تقريبا مشتك 450 كيلو
يعني اللتر يمشيك 4.2 كيلو وهذا غير معقول (10 ميل للجالون تقريبا)
وهذا غير معقول اطلاقا
نصيحة تودي السيارة لميكانيكي وتفحصها, ممكن شغلة بسيطة بواجي او ديلكو او اي شي ثاني, ولا تخسر فلوسك في البيع والشراء